Անաշխատունակության նպաստի հաշվարկ
Ամալյա.
Հարգելի հաշվապահներ, խնդրում եմ կարո՞ղ եք ասել` ժամանակավոր անաշխատունակության ժամանակ հաշվարկված նպաստը աշխատանքային ստաժից կախվա՞ծ է, թե ոչ: Ես գիտեմ, որ կախված է, բայց օրենքում չեմ կարողանում գտնել այդ կետը:
Ամենամյա արձակուրդի վերաբերյալ
Վիկտորյա.
Հարգելի գործընկերներ, եթե աշխատողը ժամանակավոր անաշխատունակությունից հետո գնում է մինչև 3 տարեկան երեխայի խնամքի համար արձակուրդի, արդյո՞ք այդ ժամանակահատվածը մտնում է իր ամենամյա արձակուրդի հաշվարկի մեջ: Քանի որ ՀՀ Աշխ. օր.-ի 20-րդ հոդվածում ասվում է`”Աշխատանքային ստաժը այն ժամանակահատվածն է, որի ընթացքում քաղաքացին եղել է սույն օրենսգրքով կարգավորվող աշխատանքային հարաբերությունների մեջ, ինչպես նաև այլ ժամանակահատվածներ, որոնք, նորմատիվ իրավական ակտերին կամ կոլեկտիվ պայմանագրերին համապատասխան, կարող են հաշվարկվել աշխատանքային ստաժում…:”
Իսկ 165 հոդվածի համաձայն` “Աշխատանքային տարում, որի համար տրամադրվում է ամենամյա արձակուրդ, ներառվում են`
…
2) այն ժամանակահատվածը, որի ընթացքում, օրենսդրությանը համապատասխան, պահպանվում են աշխատողի աշխատատեղը (պաշտոնը) և աշխատավարձը` ամբողջությամբ կամ մասամբ.”
Դեկրետի ժամանակ պահպանվում է աշխատողի աշխատավարձը և պաշտոնը և նույնիսկ այդ ժամանակահատվածում ինքը շարունակում է մնալ կազմակերպության աշխատակից, հետևաբար նա լինում է “սույն օրենսգրքով կարգավորվող աշխատանքային հարաբերությունների մեջ”:
Ստաժի ձևաթղթի լրացման և հանձնման հետ կապված
Կարեն.
Հարգելի կոլեգաներ, հարցս վերաբերում է մինչև պարտադիր կենսաթոշակային ապահովագրության համակարգում հաշվառվելը աշխատողների ձեռք բերած ստաժի ձևաթղթի լրացմանը և հանձնմանը սոց. բաժին: Ո՞ր ամսաթվից հետո է, որ աշխատանքի ընդունված լինելու դեպքում այդ ձևաթուղթը պետք է ներկայացներ այդ կազմակերպությունը, այլ ոչ թե տվյալ` մեր կազմակերպությունը:
Աշխատողների համար ստաժի ձևաթղթեր չեն ներկայացվել
Տաթև.
Հարգելի կոլեգաներ, ես կանգնել եմ մի խնդրի առաջ և ունեմ Ձեր օգնության կարիքը: Տարվա սկզբից մինչ հիմա աշխատանքի եմ ընդունել 3 հիմնական աշխատողի, որոնց համար աշխատանքի պետական տեսչություն չեմ ներկայացրել ստաժի մասին ձևաթուղթը: Ի՞նչ տույժի կամ տուգանքի պետք է ենթարկվեմ, և 3 բացթողման համար ինչքա՞ն է տուգանքը, եռապատի՞կ:
Հաշվապահի որակավորում ստանալու համար
ԱՐՄԻՆԱ.
Բարև ձեզ: Խնդրում եմ ինձ պատասխանել հետևյալ հարցիս: Մասնագիտությամբ հաշվապահ եմ, սակայն մասնագիտական ստաժ չունեմ: Ցանկանում եմ ձեռք բերել հաշվապահական լիցենզիա: Այդ լիցենզիան ունենալու համար արդյո՞ք անհրաժեշտ է ունենալ հաշվապահական ստաժ, և սկսնակ հաշվապահների համար կա՞ն արդյոք որևէ դասընթացներ` հետագայում հաշվապահական լիցենզիա ձեռք բերելու համար: Եթե հնարավոր է, տվեք ստույգ ինֆորմացիա: Կանխավ շնորհակալ եմ:
Անաշխատունակության նպաստի հաշվարկ
Լիլու.
Եթե աշխատողի անաշխատունակության թերթիկի միջին եկամուտը եղել է 130 000 դր, նախկինում 100 000 դր. գերազանցող մասը վճարվում էր 30%, այժմ այդ օրենքը կա՞, թե՞ ոչ, և եթե աշխատողը ունի 5 տարվա ստաժ, քանի՞ %-ով ենք հաշվարկում:
Աշխատանքային գրքույկի լրացման վերաբերյալ
tatev.
Սիրելի հաշվապահներ, խնդրում եմ ինձ ասել, բարձրագույն հաստատությունում ուսման տարիները համարվում են փորձ, աշխատանքային գրքույկում գործատու՞ն է նշումներ անում փորձի վերաբերյալ, թե՞ տվյալ բուհը, որտեղ ավարտել եմ: Նախապես շնորհակալություն:
Ավելացվել են փաստաթղթեր
|
"Փաստաթղթեր" բաժնում ավելացվել է հետևյալ փաստաթուղթը.
|
Աշխատանքային գրքույկի լրացման հետ կապված
Անահիտ.
Հարգելի հաշվապահներ, խնդրում եմ պատասխանել: Ի՞նչ է գրառվում առաջին անգամ աշխատողի գրքույկում համալսարանը ավարտելուց հետո:
Ինչքա՞ն է կազմում աշխատավարձը
Աննա.
Երբ անձը նույն հիմնարկում աշխատել է հունվարի 1-ից, ստացել է 16250 կեղտոտ աշխատավարձ, իսկ մարտի 31-ից - ապրիլի 15 ներկայացրել է հիվանդության վերաբերյալ անաշխատունակության թերթիկ, ինչքա՞ն է կազմում նրա աշխատավարձը: Երբ նրա ընդհանուր ստաժը 1տարի 10 ամիս է:
Աշխատանքի ընդունում
Susanna.
2010թ. դեկտեմբերի 30-ին 10 աշխատողներ աշխատանքից ազատվեցին պայմանագրի ժամկետը լրանալու պատճառով: Մայիսի 1-ից նորից նույն աշխատողներին պետք է ընդունենք աշխատանքի, ասացեք խնդրեմ, նրանց համար ձևաթուղթ պե՞տք է ներկայացվի սոցապ:
Երեխայի խնամքի նպաստ
Մարինա.
Բարև ձեզ: Ունեմ 22 տարվա աշխատանքային ստաժ: 2010 թ. սեպտեմբեր ամսից չեմ աշխատում: Հիմա հղի եմ: Ասացեք խնդրեմ, արդյո՞ք ինձ հասնում է նվազագույն աշխատավարձի հնգապատիկը և երեխայի խնամքի նպաստ, թե՞ դրանք միայն ասեկոսներն են: Կանխավ շնրհակալ կլինեմ պատասխանի համար:
Ստաժի վերաբերյալ հաշվետվություն
Դիանա.
Ես սկսնակ հաշվապահ եմ: Խնդրում եմ ասեք, թե որ դեպքում և ինչ ժամկետում է պետք ներկայացնել ձև 5 (ստաժի մասին) հաշվետվությունը:
Աշխատանքային գրքույկի լրացում
Հելեն.
Բարև ձեզ, խնդրում եմ պատասխանել հարցիս, համալսարանում առկա սովորելու տարիները լրացվու՞մ են աշխատանքային գրքույկում, թե՞ ոչ, եթե այո, ապա ո՞վ է լրացնում: Շնորհակալություն:
Մասնագիտական կենսաթոշակ
Հասմիկ.
Խնդրում եմ օգնել պարզելու, ե՞րբ ուսուցիչը կարող է ստանալ մասնագիտական կենսաթոշակ, այսինքն, որ տարիքից և քանի տարվա ստաժ ունենալու դեպքում:
Աշխատանքային ստաժի վերաբերյալ
Մարիամ.
Հարգելի հաշվապահ,
Հարցս հետևյալն է.
Ցանկանում եմ երեք ամսով մեկնել իմ աշխատանքի հետ չկապված դասընթացների, կարո՞ղ եմ արդյոք պահպանել իմ աշխատատեղը, կհաշվարկվի՞ արդյոք այդ ժամանակամիջոցը որպես աշխատանքային ստաժ, ինչպե՞ս պետք է ձևակերպվի արձակուրդը: Խնդրում եմ նշել իրավունքի աղբյուրը:
Եթե կորել է աշխատանքային գրքույկը
Մարգարիտա.
Բարև Ձեզ, խնդրում եմ օգնել:
Վերջին գործատուն կորցրել է իմ աշխատանքային գրքույկը, իսկ նախորդ ընկերությունը, որտեղ ես աշխատել եմ մինչ այսօր, այլևս գոյություն չունի, և ես չունեմ ոչ մի ինֆորմացիա նրանց վերաբերյալ, չգիտեմ, ինչպես պետք է վերականգնեմ այդ տարիների աշխատանքային ստաժը: Բայց ունեմ հին աշխատանքային գրքույկի պատճեˋ 1 օրինակ: Ցավալի կլինի, եթե այդ տարիների աշխատանքն այդպես էլ վերականգնել չլինի, հնարավո՞ր է օգնել:
Հարգանքով,
Մարգարիտա:
Ոչ ռեզիդենտի աշխատանքային ստաժ
Դիանա.
Բարև Ձեզ, ինձ մի հարց է մտահոգում, խնդրում եմ օգնել: Ես Կազախստանի քաղաքացի եմ, աշխատում և բնակվում եմ Երևանում, ունեմ աշխատանքային գրքույկ: Քանի որ Հայաստանի քաղաքացի չեմ, իմ աշխատանքը ստաժ կհամարե՞ն, թե ոչ: Նախապես շնորակալություն:
Անաշխատունակության նպաստ հաշվարկելիս
Armine.
Խնդրում եմ ինձ ասեք, բյուլետենի հաշվարկի ժամանակ, եթե ունի 5 տարվա ստաժ, ինչպե՞ս եմ պահում եկամտահարկ:
Վերջնահաշվարկ
Աննա.
Հարգելի հաշվապահներ, ասացեք խնդրեմ, մեր հիմնարկի գործավարը ազատվել է աշխատանքից համաձայն իր դիմումի և գնում է: Նա ունի 35 տարվա ստաժ և 2010թ-ին արձակուրդ չի գնացել: Ասացեք խնդրեմ, ինչպե՞ս հաշվեմ նրա վերջնահաշվարկը:
- Սուրճի վավերացում
Ասում են, որ կարող եք որոշել, թե ինչ-որ մեկը քանի ժամ է ծախսել իր հարկային հաշվետվությունը պատրաստելու համար՝ ըստ սևագրի վրա թողնված սուրճի բաժակի օղակների, ինչպես կարելի է հաշվել ծառի... - Բիլ Գեյթսը և Սթիվ Բալմերը
Երբ 1975-ին Բիլ Գեյթսը հիմնադրեց Microsoft-ը, նա այսպիսի տեսլական ուներ՝ համակարգիչ դնել յուրաքանչյուր գրասեղանի վրա և յուրաքանչյուր տանը: Այնուամենայնիվ, երբ ընկերությունն աճեց, Գեյթսը, ինչպես Սթիվ Ջոբսը, բախվեց աճող ֆինանսական բարդությունների... - Թեստ – վարձակալության ձևակերպումներ (թեստ #32)
- Սթիվ Ջոբսը և նրա հաշվապահ Մայք Նյուհաուսը
Apple-ի համահիմնադիր Սթիվ Ջոբսը հեռատես էր, երբ խոսքը վերաբերում էր բեկումնային տեխնոլոգիաների ստեղծմանը: Այնուամենայնիվ, Apple ընկերության գործունեության առաջին տարիներին նա ավելի քիչ էր կենտրոնացած բիզնեսի ֆինանսական ասպեկտների վրա: Հենց այստեղ... - Շահութահարկ (թեստ #31)
- Ինչու՞ է բիզնեսին անհրաժեշտ հաշվապահ
-Որոշել եմ բիզնեսով զբաղվեմ -Լավ բան ես մտածել։ Իսկ լավ հաշվապահ գտե՞լ ես։ Իմ գործերով մեր ընկերն ա զբաղվում, հիմա համարը… -Ի՞նչ հաշվապահ, ես կանեմ ամեն ինչ, էնտեղ առանձնապես անելու... - 10 խորհուրդ սկսնակ հաշվապահին
1. Առաջինը, ինչ պետք է հիշել. մասնագետները նույնպես եղել են սկսնակ: 2. Հաճախե´ք դասընթացների: Շատ կարևոր է հաճախել որակյալ դասընթացների: Հիշե´ք, որ նույնիսկ մասնագետներն են երբեմն կարիք ունենում հաճախելու դասընթացների`...
Վերջին մեկնաբանություններ