Tag: հանրային սնունդ

Գոհար․

Բարև Ձեզ։ Ռեստորանը, որն աշխատում է շրջ․ հարկով, ցանկանում է համագործակցել Glovo և Yandex ընկերությունների հետ։ Կասե՞ք ընթացքը, ՀԴՄ պե՞տք է տպել, թե՞ ոչ, եթե ոչ, ապա ի՞նչ փաստաթուղթ է հարկավոր, որով ես ապրանքր կտամ Glovo – ին։

Բարև ձեզ: Մի հարց ունեմ: Հանրային սննդի ոլորտում աշխատող կազմակերպությունը Glovo – ի և Yandex – ի միջոցով վաճառք է անում: Քանի որ այդ վաճառքից գումարը փոխանցվում է կազմակերպության բանկային հաշվին Յանդեքսի և Գլովոյի կողմից, ՀԴՄ չպետք է տպվի, այդպե՞ս է: Իսկ ինչպե՞ս կազմակերպությունը հարկայինում ցույց տա եկամուտը:

Արթուր․

ԱՁ-ն գրանցված է մարզում, ցանկանում է տեղում պատրաստել սուրճ և պատուհանիկի միջոցով վաճառել տեղում։ Խնդրում եմ կասե՞ք հարկման դաշտը, և ի՞նչ առանձնահատկություններ ունի նման գործունեությունը։ Շնորհակալ եմ նախապես։

Հասմիկ․

Բարև ձեզ, հարգելի հաշվապահներ։ Երկու հարց ունեմ․

1. Եթե հյուրատունը գտնվում է մարզում, աշխատում է շրջանառության հարկով և 2024թ․ շրջանառությունը չի գերազանցել 25 000 000 դրամը, պարտադի՞ր է ՀԴՄ կտրոնն անվանացանկով տպելը

2. եթե առանձին գարեջրի, հյութի, ջրի վաճառք չի ունենում, միայն հյուրատան հյուրերի սննդի պատվերի մեջ է մտնում, պարտադի՞ր է ապրանքների դրոշմավորումը

Բելլա․

Ողջույն, սիրելի հաշվապահներ։ Ռեստորանային ոլորտը ինչպե՞ս կարող է անցում կատարել պարտադիր դրոշմավորման ենթակա ապրանքների նույնականացմանը։ Արդյո՞ք խնդիրներ կառաջանան մարտի 1-ից չունենալու դեպքում։ Նշեմ նաև, որ մեր դեպքում նման ապրանքներից են՝ գազավորված ըմպելիքները, սուրճը, գարեջուրը։

Անդրանիկ․

Բարև ձեզ։ Ես ուզում եմ տարածք վերցնել և զբաղվել արագ սննդի վաճառքով։ Ի՞նչ հարկեր պետք է մուծեմ, և հնարավո՞ր է աշխատել որպես ԱՁ։ Շնորհակալ կլինեմ օգնության համար։

Թեհմինե․

Հարգելի գործընկերներ, Երևանից դուրս սննդի կետը (խորովածանոց և սննդի կետ) կարո՞ղ է միկրոձեռնարկատիրության սուբյեկտ համարվել։ Պատասխանների համար շնորհակալ եմ անչափ։

Արփինե․

Բարև Ձեզ։ ՍՊԸ-ն 2011 թվականից համարվել է շրջանառության հարկ վճարող ընկերություն, սակայն 2023 թվականի դեկտեմբերի կեսերին գերազանցել է 115 միլիոն շեմը, հետևաբար ներկայացվել է 262 հայտարարությունը՝ հանրային սննդի ոլորտում գործունեություն իրականացնոլու համար շրջանառության հարկ վճարող համարվելու վերաբերյալ։ 2024 թ-ի դեկտեմբերի կեսերին կրկին գերազանցում եղավ, սակայն համակարգը թույլ չի տալիս ուղարկել այդ նույն հայտարարությունը՝ նշելով, որ չենք համարվում շրջանառության հարկ վճարող։ Խնդրում եմ օգնեք հասկանամ՝ ինչու՞մն է խնդիրը, և ինչպե՞ս կարգավորեմ այս հարցը, որ շարունակենք համարվել շրջանառության հարկ վճարող։

Բարև ձեզ, 14 տարեկան անչափաս անձին հանրային սննդի ոլորտում կարո՞ղ ենք վերցնել աշխատանքի, և ի՞նչ պայմանագիր է անհրաժեշտ կազմել 14 տարեկանի ծնողների հետ։ Եթե դժվար չէ՝ խնդրում եմ, իմացողներ ջան, գրեք։ Կանխավ ՝ շնորհակալ եմ։

Հասմիկ․

Բարև Ձեզ․ եթե հյուրատունը գտնվում է մարզում, ՍՊԸ-ն հարկվում է շրջհարկով, տրամադրում է նաև սնունդ։ Հարցս այսպիսին է՝ սնունդի մասը պետք է առանձնացվի և հարկվի 6% որպես հանրային սնունդ, թե՞ էլի 5% է հարկվելու։

Վարդ․

Հանրային սննդի ոլորտում շրջանառության հարկի ծախսերի մեջ ներառվու՞մ է արդյոք փաստաթղթերով հիմնավորված վարձակալության վճարը, էլեկտրաէներգիայի ծախսը և աշխատավարձը։

Անի․

Ողջույն, հարգելի մասնագետներ: Ես Անհատ Ձեռներեց եմ, գործունեությունս հետևյալն է. շուկայից գնում եմ միրգ, փաթեթավորում եմ և վաճառում կազմակերպություններին: Հարցը. կարո՞ղ է արդյոք տվյալ գործունեությունը դիտվել իբրև հանրային սննդի հետ կապված գործունեություն:

Աննա.

Բարև Ձեզ։ Խնդրում եմ կասե՞ք, հանրային սննդի ոլորտում գործունեություն իրականացնող կազմակերպությունը ներմուծված կիսաֆաբրիկատների՝ ներմուծման հայտարարագրի մեջ նշված արժեքը կարո՞ղ է նվազեցնել շրջհարկի հաշվետվության մեջ։

Տիգրան․

Բարև Ձեզ։ Եթե հանրային սննդի կազմակերպությունը այս տարի գերազանցել է 115 մլն շեմը և ներկայացրել է “262. Հայտարարություն՝ հանրային սննդի ոլորտում գործունեություն իրականացնելու համար շրջանառության հարկ վճարող համարվելու վերաբերյալ” ձևը, կարո՞ղ է շարունակել նվազեցնել հանրային սննդի հետ կապված 3% ծախսերը, թե՞ ոչ։

Արթուր․

Բարև ձեզ։ Հանրային սնունդ իրականացնող ԱՁ մարզերում միկրոձեռնարկատիրության դաշտում կարո՞ղ է աշխատել։

Արթուր․

Բարև ձեզ։ ԱՁ-ն գործելու է մարզում, փոքրիկ խանութ է լինելու և նաև արագ սննդի կետ՝ քաբաբ, խաչապուրի և նման բաներ տեղում պատրաստելու և վաճառելու նպատակով։ Խնդրում եմ հուշել՝ փաստաթղթային սննդի տեսչության հետ կապված կամ թաղապետարանի, և հարկային հարցերս որտեղի՞ց է ճիշտ սկսել։

Մարիամ․

Ոչ ալկոհոլային խմիչքների մանրածախ առևտուր մասնագիտացված խանութներում 47.25.2, ԱՁ-ն զբաղվելու է ֆրեշի և սուրճի պատրաստմամբ։
Հարց 1. Արդյո՞ք պետ տուրք պետք է դրա համար թե ոչ։
Հարց 2. Հանրային սնունդ համարվու՞մ է, թե՞ ոչ։
Հարց 3. ՀԴՄ անվանացուցակով պե՞տք է աշխատի, թե՞ ոչ։ Ու չափաբաժինները պետք է նշվի՞։ Կանխավ շնորհակալություն։

Լիլիթ․

Հարգելի հաշվապահներ, հարցս հետևյալն է ։ Ընդհանուր հարկման համակարգում աշխատող հանրային սնունդով զբաղվող ընկերության ՀԴՄ-ն կարո՞ղ է առանց անվանացանկ լինել, եթե ոչ՝ կցանկանայի հղումը ուղարկել։

Մի հարց էլ՝ եթե ՀԴՄ-ն սխալ է տպվել, հնարավո՞ր է հետ վերադարձը կտրոնի կրկնօրինակով, այս դեպքում հանրային սննդի մասով կա՞ սահմանափակում ապրանքի վերադարձի հետ կապված։

Մարգարիտա․

Ողջույն, կարո՞ղ եք տալ տեղեկատվություն հետևյալ հարցերի շուրջ:

1. Հյուրատնային գործունեություն ծավալող կամ քոթեջներ տրամադրող ԱՁ-ն կարո՞ղ է արդյոք համարվել միկրոձեռնարկատիրության սուբյեկտ

2. Առաջին կետին զուգահեռ, եթե հանգստի կազմակերպան մեջ ներառվի նաև նախաճաշ (տեղում պատրաստելու եղանակով կամ սննդի կետերից գնելով և հյուրասիրություն կազմակերպելով), արդյո՞ք տվյալ դեպքում էլ կարող է ԱՁ-ն միկրոձեռնարկատիրության սուբյեկտ հանդիսանալ (Հարկային օրենսգրքի հոդված 267, 5-րդ կետի 2-րդ ենթակետ), թե՞ դա համարվում է հանրային սնունդ, որի համար թույլտվություն է պետք ստանալ

Գայանե․

Բարև Ձեզ, հարգելի հաշվապահներ։ Խնդրում եմ օգնել հետևյալ հարցում․ ԱՁ է բացվել հանրային սննդի, մարզում է, ներկայացվել է միկրոյի հայտարարություն։ Կասե՞ք՝ բացի աշխատողների 189 ձևից ի՞նչ հաշվետվություններ կան հանձնելու։ ՀԴՄ-ն POS ծառայությունով է։ Եվ կասե՞ք՝ երբ սննդամթերք ենք գնում, պարտադի՞ր պետք է հաշիվ գրեն, և եթե փաստաթղթով ձեռք չբերենք, ապրանքը պետք է 20 % եկամտային հարկ վճարե՞նք։ Երբվանից է գործում այդ օրենքը։ Խնդրում եմ օրենքի հղում տալ։ Նախապես շաաատ շնորհակալ եմ, հարգելիներս։

Գոհար․

Բարև Ձեզ։ Խնդրում եմ ասեք՝ քաղաքում գտնվող հյուրատունը այս տարի կարո՞ղ է միկրոյով աշխատել և հանրային սնունդ նույնպե՞ս կարող է մատուցել։

Աննա․

Բարև Ձեզ։ Եթե հացի փռում թխվում է նաև այլ հացաբուլկեղեն, որը նաև սպասարկվում է սրահում, այդ դեպքում կարո՞ղ է հացի վաճառքը որպես արտադրություն ձևակերպել, իսկ մնացած սնունդը` հանրային սնունդ։ Նշեմ, որ հանրային սննդի հայտարարություն չի տրվել։ Այդ դեպքում հացի վաճառքից շրջանառության հարկի դրույքաչափը կլինի 3.5՞, իսկ մնացածի մասով` 5%՞։

Կարեն․

Թարմ քամած հյութերի պատրաստումը և առաքումը Երևանում համարվելու է հանրային սնունդ, թե՞ արտադրություն։ Պահանջվելու՞ է փորձաքննություն։

Մարինե․

Բարև ձեզ։ Ա/Ձ-ն հանրային սննդի ոլորտում գործունեությունը իրականացնում է Արագածոտնի մարզում, 2022թ․ 240 ձև հաշվետվությունում դասակարգիչը եղել է I56101, հիմա չի թողնում՝ «Եկամուտները` ըստ գործունեության տեսակների» աղյուսակ, տող 1 – Ձեր կողմից նշված դասակարգիչը գոյություն չունի։ Ի՞նչ դասակարգիչ պետք է դնեմ։
Կանխավ շնորհակալություն։

Նելլի․

Բարև Ձեզ։ Խնդրում եմ ասել՝ ԱՁ-ն, ով Երևան քաղաքում զբաղվում է հացի արտադրությամբ և աշխատում է միկրոձեռնարկատիրության համակարգում, արդյո՞ք համարվում է հանրային սնունդ և պե՞տք է վճարի պետ․ տուրք։

Թամարա․

Բարև Ձեզ, հարգելի հաշվապահներ։ ԱՁ զբաղվում է հանրային սննդով (ռեստորան), 2024թ․ հունվարի 1-ից գնման ակտով ձեռքբերումը պարտադիր է դառնում: Հիմնականում մսամթերքը գնում ենք Սիթիից և այլ խանութներից: Ասացեք խնդրեմ՝ մեզ տրված ՀԴՄ կտրոնները կարո՞ղ են հիմք դառնալ գնման ակտով չգնելու համար:

Անի․

Բարև Ձեզ։

Ռեստորանը, որը գտնվում է մարզում, աշխատում է միկրոձեռնարկատիրության համակարգում։

Կարելի՞ է հաշիվ դուրս գրել իրավաբանական անձ հաճախորդին՝ գումարը փոխանցումով ստանալու համար։

Շնորհակալություն։

Մարիամ․

Դպրոցի բուֆետը ո՞ր տնտեսական դասկակարգիչով ավելի ճիշտ կլինի որ աշխատի, շրջանառության հարկ վճարող է, հանրային սնունդ է լինելու։ Կհաշվառվենք սննդի անվտանգության կայքում։ Իսկ աշխատողը որևէ բուժ․ զննում պե՞տք է անցնի, թե՞ ոչ։ Բացի դա կա՞ էլի որևէ պայման, որ պետք է ծանոթանալ։ Կանխավ շնորհակալ եմ։

Տիգրան․

Բարև Ձեզ, այսպիսի մի հարց ունեմ։ Եթե ԱՁ-ն տանը պատրաստում է բուրգեր, սենդվիչ, ֆրի և այլ նմանատիպ սնունդ և վաճառում է միայն Գլովոյի միջոցով՝ այսինքն պատվերը ստանում է, և Գլովոյի առաքիչը գալիս է և տանում սնունդը գնորդին, հետն էլ կարող է պատվիրեն Ֆանտա, Կոկա-կոլա և այլ ըմպելիք։ Սպասարկման սրահ չունի և տեղում գնորդը սնունդ չի առնում իրենից։ Հիմա այդ գործունեությունը հանրային սնունդ է, թե՞ արտադրություն և հյութերի մասով առևտուր։

Շուշանիկ․

Խնդրում եմ պարզաբանել․ ԱՁ-ն, որը աշխատում է շրջանառության հարկով հանրային սննդի ոլորտում և դեռ աշխատող չունի, ի՞նչ հարկային հաշվետվություններ և վճարներ պետք է ներկայացնի։ Եվ արդյո՞ք շրջ. հարկի հաշվետվության ծախսերի տողում պետք է ներառել աշխատավարձը։