Վարդան․
Բարև Ձեզ, սիրելի հաշվապահներ։ Բնակարանների ներքին հարդարման ոլորտում վերանորոգման ծառայություններ եմ ուզում մատուցել (սալիկապատւմ, ջրագծերի անցկացում, պատերի և առաստաղի նրոգում և այլն)։ ԱՁ պետք է բացեմ։ Տվյալ գործունեության ոլորտը արդյո՞ք համարվում է միկրոձեռնարկատիրություն։ Ի՞նչ հարկ պետք է վճարեմ, ու արդյո՞ք լիցենզիա անհրաժեշտ է, թե՞ ոչ։
Վահագն․
Բարև Ձեզ։ ԱՁ-ն զբաղվում է ավտոտեխսպասարկմամբ։ Միկրոձեռնարկատիրության հաշվետվության 256 ձևում լրացվելու է "ծառայությունների մատուցում" տողը, թե՞ "աշխատանքների կատարում" տողը։
Բարև Ձեզ։
Ա/Ձ ունի ավտոլվացման կետ, շրջհարկով է աշխատում։ 2024թ-ից կարո՞ղ է աշխատել միկրոձեռնարկատիրության համակարգում։
Շնորհակալություն։
Գուրգեն․
ՏՏ ոլորտում գործունեություն ծավալող Ա/Ձ-ն կարո՞ղ է միկրոձեռնարկատիրության հարկի դաշտում աշխատել։
Նելլի․
Բարև Ձեզ։ Խնդրում եմ ասել՝ ԱՁ-ն, ով Երևան քաղաքում զբաղվում է հացի արտադրությամբ և աշխատում է միկրոձեռնարկատիրության համակարգում, արդյո՞ք համարվում է հանրային սնունդ և պե՞տք է վճարի պետ․ տուրք։
Մերի․
Բարև Ձեզ, հարգելի հաշվապահներ: Ա/Ձ -ն սկսում է խմորեղենի արտադրություն, որը վաճառվելու է տեղում։ Կարո՞ղ է աշխատել որպես միկրոձեռնարկատիրություն։
Ջուլիա․
Բարև Ձեզ։ ԱՁ-ն 2023թ․ մինչև մայիս ամիսը աշխատել է միկրոյի դաշտում, շրջանառությունը՝ 5 միլիոն դրամ, որից հետո անցել է շրջանառության հարկի դաշտ։ Հիմա միկրոձեռնարկատիրության ժամանակահատվածում պետք է վճարի 24 000 դրամ դրոշմանիշ, իսկ շրջանառության հարկի դաշտում աշխատելու համար տարեկան 40 000 շահութահարկ, 40 000 սոցիալական վճար +120 000 էլի՞ դրոշմանիշ։
Արա․
Բարև Ձեզ, հյուրատնային գործունեությունը կարո՞ղ է լինել միկրոձեռնարկատիրության սուբեկտ։
Ալեքսանդր․
Բարև ձեզ։ Հետաքրքիր է, արդյո՞ք դաշնակահարը, որը համերգային գործունեություն է հիմնականում ծավալում և գրանցված է որպես Ա/Ձ, կարող է միկրոձեռնարկատիրական գործունեության դաշտ մտնել և համապատասխանաբար հարկվել։
Վահագն․
ԱՁ-երը, որոնք աշխատում են միկրոձեռնարկատիրության կամ շրջանառության հարկի դաշտում, 2023թ-ի համար պե՞տք է ներկայացնեն եկամուտների մասին հայտարարագիր, թե՞ այդ օրենքը ԱՁ-երին կվերաբերվի 2025թ-ից։
Վահագն․
Բարև Ձեզ։ ԱՁ չհանդիսացող ֆիզ. անձը ցանկանում է զբաղվել երեխաներին լեզուների դասավանդմամբ։ Կարո՞ղ է արդյոք դիմել հարկային տեսչություն և ստանալ միկրոձեռնարկատիրության արտոնագիր։ Ընդհանրապես հաշվետվություններ տալու պարտավորություն ունի՞։ Եթե այո՝ ի՞նչ հաշվետվություն։
ՀԴՄ-ի կարիք ունի՞։ Եթե ՀԴՄ չի օգտագործվում, հաշիվ դուրս գրելու պահանջ կա՞։ Եթե չկա պահանջ, հաճախորդի պահանջի դեպքում կարո՞ղ է հաշիվ դուրս գրել, և ամենակարևորը ուսուցման վճարը կարո՞ղ է առձեռն ստանալ, թե՞ պետք է ստանա անկանխիկ եղանակով, բանկային փոխանցմամբ։
Եվ միկրոյի արտոնագիր ֆիզ. անձի տրամադրվում է 1 տարվա՞ համար։ Այսինքն, օրինակ, եթե արտոնագիրը տրամադրվի դեկտեմբերի 18-ին, մինչև ե՞րբ այն ուժի մեջ կլինի։
Անի․
Բարև Ձեզ։
Ռեստորանը, որը գտնվում է մարզում, աշխատում է միկրոձեռնարկատիրության համակարգում։
Կարելի՞ է հաշիվ դուրս գրել իրավաբանական անձ հաճախորդին՝ գումարը փոխանցումով ստանալու համար։
Շնորհակալություն։
Քրիստինա․
Բարև Ձեզ, կասե՞ք խնդրեմ՝ Երևանում պելմենիի արտադրությունը կարո՞ղ է աշխատել միկրոձեռնարկատիրության համակարգում, և վաճառքի դեպքում կարո՞ղ է հաշիվ դուրս գրել։
Գոհար․
Բարև ձեզ: Խնդրում եմ օգնեք հասկանալ՝ ԱՁ-ն աշխատում է միկրոյի դաշտում, չունի գրանցված աշխատող և ՀԴՄ, հաշիվ է դուրս գրում։ Խնդրում եմ ասեք՝ ի՞նչ փոփոխություններ են սպասվում այս դաշտում 2024թ-ին։
Հերմինե․
Բարև Ձեզ։ Ո՞վ կարող է Էկոնոմիկայի նախարարության իրազեկման հղումը տալ, ըստ որի շինարարական աշխատանքները համարվում են ինժեներական աշխատանքներ և չեն կարող հարկվել միկրոյի դաշտում։
Անի․
Բարև Ձեզ։ Ցանկանում եմ զբաղվել բեռնափոխադրմամբ Հայաստանում և գործել միկրոյի հարկման դաշտում, խնդրում եմ նշել՝ հնարավո՞ր է, թե՞ ոչ, և ի՞նչ նրբություններ կան տվյալ ոլորտում աշխատելիս։
Բեռը գնելու ենք կազմակերպությունից և տեղափոխենք գնորդի հասցե (ֆիզ․ անձ) և վաճառենք։ Անհրաժե՞շտ է արդյոք ՀԴՄ կիրառել, թե՞ կարող ենք հաշվարկային փաստաթղթեր դուրս գրել ֆիզ․ անձանց անուններով։ Եվ միկրոձեռնարկատիրության դաշտում աշխատելու դեպքում բացի դրոշմանիշային վճարի, ուրիշ այլ հարկ կամ պարտադիր վճար առաջանալու՞ է, թե՞ ոչ։
Շնորհակալ եմ շատ։
Քսենիա․
Բարև ձեզ։ Հարգելի հաշվապահներ, միկրոյով աշխատող ԱՁ-ն 24 միլիոնի շեմը գերազանցել է 5 օր առաջ, եթե ՇՀ 201 ձևի մեջ նշվում է այն օրը, որի դրությամբ դեռ շեմը չէր անցել, ուրեմն կարո՞ղ է հաջորդ տարի ևս համարվել միկրո։
Սյուզան․
Բարև Ձեզ։ Ա/Ձ ցանկանում է կատարել մաքրման աշխատանքներ, ո՞րն է ճիշտ․
1․ Միկրոձեռնարկատիրությա՞ն, թե՞ շրջ․ հարկի հայտը ներկայացնի։ Այս պահին կազմակերպության հետ պետք է աշխատի, հետագայում տան մաքրման ծառայություններ պետք է կատարի։
2․Բանկային հաշիվ բացելուց հետո կարո՞ղ են փոխանցումները հաշվին կատարվել, թե՞ ՀԴՄ է հարկավոր։
Էվելինա․
Բարև ձեզ, հարգելի մասնագետներ։
Ես աշխատում եմ միկրոյով, խմորեղենի արտադրություն, տեղից վաճառք չեմ իրականացնում։ Խանութները չեն ընդունում ապրանքը շահութահարկի պատճառով։ Հիմա շտրիխ կոդ են ուզում։ Ես կարո՞ղ եմ շտրիխ կոդ ունենալ և որտե՞ղ դիմեմ։ Շնորհակալություն։
Դիանա․
Բարև ձեզ, հարգելի հաշվապահներ: Եթե ՍՊԸ-ն զբաղվում է մեքենաների թիթեղապատմամբ, արդյո՞ք այն կարող է հանդիսանալ միկրոձեռնարկատիրության սուբյեկտ։
Վերջին մեկնաբանություններ