Կես դրույքով աշխատողի վերջնահաշվարկ

Միջին աշխատավարձի չափը հաշվարկվում է` տվյալ ժամանակահատվածում բոլոր ամիսների ընթացքում աշխատողի համար հաշվարկված աշխատանքի վարձատրության բոլոր տեսակների ընդհանուր գումարն այդ ամիսների թվի վրա բաժանելու միջոցով։ Հնգօրյա աշխատանքային շաբաթվա դեպքում միջին օրական աշխատավարձի չափը որոշվում է` միջին ամսական աշխատավարձը բաժանելով 21-ի: Վեցօրյա աշխատանքային շաբաթվա դեպքում միջին օրական աշխատավարձի չափը որոշվում է` միջին ամսական աշխատավարձը բաժանելով 25-ի: Այն դեպքում, եթե հաշվարկված միջին ամսական աշխատավարձը ցածր է տվյալ պահին գործող նվազագույն ամսական աշխատավարձից , ապա միջին ամսական աշխատավարձի փոխարեն հիմք է ընդունվում տվյալ պահին գործող նվազագույն ամսական աշխատավարձը :
Մինչև վեց ամիս աշխատած աշխատողների հետ աշխատանքային պայմանագիրը լուծվելու դեպքում գործատուն չօգտագործված ամենամյա արձակուրդի համար աշխատողին վճարում է դրամական հատուցում։ Հատուցման չափը որոշվում է տվյալ ժամանակահատվածի համար տրամադրման ենթակա ամենամյա արձակուրդի չօգտագործված օրերի քանակով: Հատուցումը վճարվում է չօգտագործված բոլոր արձակուրդների համար: Ձեր դեպքում վճարելու եք 01,02,21-ից 28,06,21-ը ընկած ժամանակահատվածի համար /այսինքն՝ 5 ամսվա համար հասանելիք արձակուրդային օրեր, հնգօրյա աշխատանքային շաբաթվա դեպքում՝ 20/12*5* միջին օրական աշխատավարձ, վեցօրյա աշխատանքային շաբաթվա դեպքում՝ 24/12*5*միջին օրական աշխատավարձ։