Չօգտագործած արձակուրդային օրեր

Եթե աշխատակիցը ունի կուտակված արձակուրդի օրեր (ի դեպ հղիության և ծննդաբերության 140 օր արձակուրդի ժամանակահատվածում նույնպես կուտակվում են արձակուրդի օրեր), չի նշանակում, որ պետք է մաքրել նրա արձակուրդը, հետո ուղարկել խնամքի արձակուրդ, առավել ևս, որ նրան պետք չի այդ արձակուրդը, քանի որ նա արդեն գնում է խնամքի արձակուրդ։ Այլ բան է, եթե նա դիմել է, որպեսզի արձակուրդային վճար ստանա։ Հիշեցնեմ, որ նա պետք է ստանա երեխայի խնամքի նպաստ, և եթե ուշ ներկայացնեք գրանցման հայտը, նա մինչև այդ չի ստանա նպաստը, ընդ որում՝ նպաստը վճարվում է մինչև երեխայի երկու տարեկանը լրանալը:
Խնամքի արձակուրդում գտնվող ծնողին խնամքի նպաստը նշանակվում է դիմումը խնամքի արձակուրդում գտնվելու ընթացքում ներկայացվելու դեպքում՝
1) խնամքի արձակուրդն սկսելու ամսվան հաջորդող ամսվա 1-ից, եթե դիմումը և անհրաժեշտ փաստաթղթերը ներկայացվել են խնամքի արձակուրդն սկսելու ամսվան հաջորդող տասներկու ամսվա ընթացքում.
2) դիմելու ամսվան հաջորդող ամսվա 1-ից, եթե դիմումը և անհրաժեշտ փաստաթղթերը ներկայացվել են սույն մասի 1-ին կետում նշված ժամկետը լրանալուց հետո:
Կուտակված արձակուրդը կարող է մնալ, և դրա հատուցումը կարող է կատարվել աշխատակցի աշխատանքից ազատվելու դեպքում՝ վերջնահաշվարկի ժամանակ, այսպես թե այնպես վերջնահաշվարկ ունենալու է նա 140 օրվա ընթացքում կուտակված արձակուրդի հաշվին։