Անաշխատունակության թերթիկ

Անահիտ ջան, օրենքն ասում է, որ վարձու աշխատողի ժամանակավոր անաշխատունակության նպաստը հաշվարկվում է օրենքով սահմանված կարգով հաշվարկված միջին ամսական աշխատավարձի ութսուն տոկոսից։ Իսկ միջին ամսական աշխատավարձը հաշվարկվում է ժամանակավոր անաշխատունակությունն առաջանալու ամսվան նախորդող տասներկու հերթական օրացուցային ամիսների համար տվյալ գործատուի կողմից վարձու աշխատողին վճարված եկամուտը տասներկուսի բաժանելու միջոցով: Եթե 1 ամիս էլ չի աշխատել, չենք կարող ստանալ միջին ամսականը։ Ինչ վերաբերում է «…միջին աշխատավարձի փոխարեն հաշվարկման համար հիմք եք ընդունում աշխատողի համար օրենսդրությամբ սահմանված պաշտոնային դրույքաչափը կամ աշխատանքային պայմանագրով կամ աշխատանքի ընդունման մասին իրավական ակտով սահմանված ամսական աշխատավարձը», ապա նշեմ, որ օրենքում նախադասության սկզբում գրված է՝ «Այն դեպքում, երբ միջին ամսական աշխատավարձի հաշվարկման պահանջ առաջանալու ամսվան նախորդող տասներկու ամիսներում աշխատողը չի ունեցել փաստացի հաշվարկված աշխատավարձ, կամ տասներկու ամիսներում առկա են սույն մասի երկրորդ պարբերությունում թվարկված դեպքերը…»: Սա կարող է լինել այն դեպքում, երբ, օրինակ, աշխատողը վերադարձել է աշխատանքի երեխայի խնամքի արձակուրդից և նախորդող 12 ամիսներում նա փաստացի աշխատավարձ չի ստացել, բայց չի վերաբերում այն դեպքին, երբ աշխատողը ոչ մի ամիս դեռ չի աշխատել: Իսկ երկրորդ պարբերության դեպքերն էլ կարող եք կարդալ 195-րդ հոդվածի 2-րդ մասում, այն նույնպես չի վերաբերում այս դեպքին: Ժամային դրույքաչափի դեպքում գուցե հնարավոր է հաշվարկել. գտնում եք միջին ժամայինը և բազմապատկում անաշխատունակության օրերի թվով: Կարծում եմ՝ կարող է կիրառվել նաև Ալլայի նշած տարբերակը՝ համաձայն օրենքի նոր փոփոխությունների: