Արմեն.

Բարև ձեզ: Եթե ընկերությունը կորցրել է դրամարկղային գիրքը, ի՞նչ պետք է անել նման դեպքում:

Մարիամ.

Բարև ձեզ, որ խնդրեմ կարո՞ղ եք օգնել: Անհրաժեշտ է հաշվարկել արձակուրդային աշխատավարձ 2018թ.-ի փետրվարի 12-ից։ 5-օրյա աշխատանքային շաբաթով աշխատելու դեպքում: 12 լրիվ ամիսների աշխատավարձը, ներառյալ լրավճարները, միասին կազմում է 2 280 000 դրամ, ամսական աշխատավարձը 210 000 դրամ է: Նախապես շնորհակալություն:

Հայկ.

Բարև ձեզ, ինչպե՞ս է հաշվարկվում ԱԱՀ-ի վճարի չափը: Կատարված աշխատանքի պայմանագրի ընդհանուր գինը 1 000 000 դրամ է, որից նյութածախսը ըստ հաշիվ ապրանքագրի կազմել է 700 000 դրամ, ևս ունեմ գրանցված աշխատող 100 000 դրամ աշխատավարձով: ԱԱՀ վճարվելիք գումարը որոշվում է մնացած 200 000 × 20%, թե՞ ուրիշ բանաձևով:

Gor.

Բարև ձեզ:
Բանկում դոլարի արտարժույթային դիրքը կարճ է: Դրամը արժեզրկվում է: Արտարժույքի վերագնահատումը ինչպիսի՞ ազդեցություն կունենա բանկի վրա` դրական, բազասական, թե՞ չեզոք, և կբացատրե՞ք: Շնորհակալություն:

Էդվարդ.

Չէի՞ք օգնի կազմել հաշվապահական ձևակերպում. “Կահույքի սրահ” ՍՊԸ-ն ձեռք է բերել փայտամշակման հաստոց 1.200,0 դրամ արժողությամբ: Ձեռքբերման պահին գնահատվում է հաստոցի օգտակար ծառայություն 10 տարի, իսկ մնացորդային արժեքը` 40,0 դրամ, այսինքն մաշվածության գումարը կազմում է 1.160,0 դրամ:

Արմ.

Գործընկերներ ջան, ի՞նչ նորություն ունեք ԱԱՀ շեմից` 2019-ին այն մնում է նույնը` 115 մլն, թե՞ իջնում է 58.35 մլն:

Ընկերություն` Երեմյան Փրոջեքթս
Հասցե` Տերյան 8
Հեռախոս` +374 10 605060, +374 11 508800
Էլ. փոստ` hr շնիկ yeremyanprojects.com
Թափուր աշխատատեղ` Ֆինանսական բաժնի աշխատակից
Աշխատանքի նկարագրություն` «Երեմյան Փրոջեքթս» ընկերությունը փնտրում է Ֆինանսական Բաժնի մասնագետ. Աշխատանքային պարտականություններ – Իրականացնել ֆինանսական հոսքերի հաշվառումը, – Վերահսկել ապրանքանյութական արժեքների շարժը՝ կատարելով համապատասխան ծրագրային մուտքագրումներ, – Վերահսկել դրամարկղի շարժը, – Իրականացնել տեղեկատվության տվյալների բազայի ձևավորման և պահպանման աշխատանքները, – Վերահսկել և գնահատել գույքագրման գործընթացը, – Պարբերաբար հաշվետվություններ ներկայացնել ֆինանսական տնօրենին, Անհրաժեշտ հմտություններ – Բարձրագույն կրթություն տնտեսագիտության, ֆինանսների կամ հաշվապահության ոլորտում, – Նվազագույնը երեք տարվա աշխատանքային փորձ հաշվապահության, ֆինանսների ոլորտում, – Հայկական ծրագրերի իմացություն, – Խնդիրների արագ և արդյունավետ լուծման կարողություններ, – Մեծ ծավալի տեղեկատվության հետ աշխատելու ունակություն, – Ժամանակը ճիշտ կառավարելու հմտություն, – Պատասխանատվության զգացում, – Մանրամասներին մեծ ուշադրություն դարձնելու կարողություն, – Թիմում աշխատելու կարողություն. Դիմելու Գործընթաց Դիմել կարող եք` ինքնակենսագրությունները ուղարկելով hr շնիկ yeremyanprojects.com էլ. փոստին` նշելով պաշտոնը, որի համար դիմում եք:
Այլ նշումներ` Դիմելու Գործընթաց Դիմել կարող եք` ինքնակենսագրությունները ուղարկելով hr շնիկ yeremyanprojects.com էլ. փոստին` նշելով պաշտոնը, որի համար դիմում եք:

Թեհմինա.

Ողջույն. Խնդրում եմ օգնեք: Գործատուին փոխհատուցման ենթակա գումարի մասին լրացվող տեղեկանքում 6 տողում նշվում է տվյալ ամսվա համար հաշվարկված ընդհանու՞ր եկամտային հարկի գումարը, թե՞ միայն տվյալ աշխատողի, 7 տողում համախա՞ռն, թե՞ մաքուր գումարը, և 10 տողում ճի՞շտ է գրել (7-6) :

Հասմիկ.

Բարև ձեզ, եթե աշխատողը գրանցվել է աշխատանքի հղիության ընթացքում 6-7 շաբաթականում, ինչպե՞ս է հաշվարկվում դեկրետայինը այս դեպքում:

Իզաբելա.

Հարգելի գործընկերներ,
ԼՂՀ Հայաստանյան մասնաճյուղը կատարել է ապրանքի ներմուծում, կատարել է մաքսային ծառայությունների վճարում և պետք է ապրանքը տեղափոխի ԼՂՀ: Արդյո՞ք մասնաճյուղը պետք է հաշիվ վավերագիր դուրս գրի:

Իննա.

Բարև ձեզ: Եթե հիմա ֆիզ. արձակուրդում եմ և նորից գնամ ֆիզ. արձակուրդ, արդյո՞ք կստանամ մայրության նպաստի նույն գումարը, ինչքան առաջինի ժամանակ:

Նվարդ.

Գործատուն կարո՞ղ է աշխատողի փոխարեն վճարել դրոշմանիշային վճարը` անկախ այն հանգամանքից, որ աշխատավարձը բարձր է նվազագույնից:

Աննա.

Դեղատնային գործունեությունը այլ հասցե տեղափոխելու դեպքում մինչ նոր լիցենզիա ստանալը ՀԴՄ-ի հասցեն կարո՞ղ ենք փոխել:

Գայանե.

Բարև ձեզ, հարգելի հաշվապահներ: Ձեր խորհրդի կարիքն ունեմ: Նոր բացվող ԱՁ-ն խոհարարական արտադրանքներ է արտադրելու, ունենալու է մանրածախ և մեծածախ վաճառք, տեղում սպառում և առաքում: Ի՞նչ հարկեր եմ վճարելու և շրջանառության հարկի ո՞ր դրույքաչափով պետք է աշխատեմ:

Աննա.

Բարև ձեզ, ցանկանում եմ ինձ լիովին նվիրել բարեգործական գործունեության։ Բայց այն լիակատար իրականացնելու համար պետք է ուրիշ ոչ մի բանով չզբաղվեմ։ Արդյոք նախատեսվա՞ծ է նման դեպքերում “աշխատավարձ” այն անձանց համար, ովքեր նման գործունեությամբ են զբաղվում։ Շնորհակալություն։

Հայկ.

Բարև ձեզ, զբաղվելու եմ շինարարությամբ, համարվում եմ ԱԱՀ վճարող Ա/Ձ։ Հարցս հետևյալն է` ի՞նչ հաշվետվություններ պիտի ներկայացնեմ և ի՞նչ հարկեր պիտի վճարեմ։ Խնդրում եմ պատասխանել և կանխավ շնորհակալ եմ։ Եթե դժվար չի muk-mukik շնիկ mail.ru էլ.փոստին ուղարկեք հաշվետվությունների օրինակելի ձևերը։

Կամո.

Բարև ձեզ: Աշխատողին կանչել եմ արձակուրդից և ուղարկել գործուղման: Մոռացել եմ տալ համապատասխան հրամանները: Աշխատողը գործուղումից վերադարձել և ներկայացրել է համապատասխան փաստաթղթերը: Ինչպե՞ս ձևակերպեմ և վճարեմ աշխատողին: Աշխատողը ծախսերը արել է իր գրպանից: Նախապես շնորհակալ եմ:

Անուշ.

Բարև ձեզ: Ընտանեկան ձեռնարկատիրությամբ զբաղվող անձի գործունեությունը կոտլետների պատրաստում է: Արդյո՞ք անհրաժեշտ են դրոշմապիտակներ:

Ընկերություն` Փարվանյան Քոնսալթինգ ՍՊԸ
Հասցե` ք.Երևան, Ազատության 13/1
Հեռախոս` +374 10 20 61 00
Էլ. փոստ` hr շնիկ pconsult.am
Թափուր աշխատատեղ` Խմբի ղեկավար/Հաշվապահական հաշվառման բաժին
Աշխատանքի նկարագրություն`

1. Ապահովել հաշվապահական հաշվառման ամբողջական վարումը՝ ՀՀ օրենսդրությանը և ՀՀՄՍ-ներին համապատասխան

2. 1-ին կետում ամրագրված պարտականությունները իրականացնելիս կատարում է աշխատանքի բաժանում խմբի ներսում

3. Ստեղծել ոգեշնչող թիմային միջավայր բաց հաղորդակցության մշակույթով

4. Տալ հանձնարարություններ և սահմանել հստակ ժամկետներ

5. Վերահսկել կատարվող աշխատանքների ընթացքը

6. Մշտական կապի մեջ լինել գործընկերների հետ, տեղեկացված նրանց բոլոր ընթացիկ պահանջներին և խնդիրներին, հնարավորինս սուղ ժամկետներում տալ դրանց լուծումներ՝ խոչընդոտների դեպքում տեղեկացնելով անմիջական ղեկավարությանը

7. Ամբողջապես տիրապետել գործընկերների բիզնես գործընթացներին

8. Հանդես գալ նախաձեռնություններով գործընկերների հաշվապահական հաշվառման գործընթացների կատարելագործման ուղղությամբ՝ համաձայնեցնելով ղեկավարության հետ

9. Ապահովում է գործընկերների մասնագիտական ամբողջական խորհրդատվությունը անձամբ կամ ղեկավարության միջոցով

10. Խստորեն պահպանել կազմակերպության որակի կառավարման սկզբունքները

11. Մասնակցում է գործընկերների հարկային կամ այլ ստուգման գործընթացին։

Այլ նշումներ` Պահանջվող որակավորում.

1. Բարձրագույն կրթություն (տնտեսագիտական)

2. ՀՀԱԱ կողմից տրամադրված Հաշվապահի վկայական/ՀՀ Ֆինանսների նախարարության կողմից տրամադրված Գլխավոր հաշվապահի վկայական կամ պատրաստակամություն հնարավորինս սեղմ ժամկետներում նշվածներից մեկը ձեռք բերելու:

3. Առնվազն 3 /երեք/ տարվա աշխատանքային փորձ:

Պահանջվող կոմպետենտություն.

1. Հաշվապահական հաշվառման և հարկային օրենսդրության գերազանց իմացություն

2. MS Office,Word, Excel և ՀԾ ծրագրերի գերազանց աշխատանքային հմտություններ

3. Հայերեն լեզվի գերազանց իմացություն՝ գրավոր և բանավոր (ռուսերեն և անգլերեն լեզուների իմացությունը ցանկալի է)

4. Կազմակերպչական և հաղորդակցման հմտություններ

5. Ժամանակի կառավարման ունակություն

6. Սթրեսակայունություն և բարդ իրավիճակներում կողմնորոշվելու ունակություն

7. Աշխատանքային օրենսգրքի հիմնական դրույթների իմացություն

8. Օֆիսային էլեկտրական սարքավորումների շահագործման կանոնների իմացություն:

Վերը նշված պահանջներին համապատասխանող թեկնածուները կարող են ինքնակենսագրությունները ուղարկել hr շնիկ pconsult.am էլ. փոստին` նշելով պաշտոնը («Խմբի ղեկավար»), որի համար դիմում եք: Հարցազրույցի կհրավիրվեն միայն պահանջներին համապատասխանող անձիք:

Մարինա.

Բարև ձեզ: Ես ցանկանում եմ իմանալ` արդյո՞ք երբ գտնվում ես ֆիզ. արձակուրդում, կուտակային կենսաթոշակի գումարը վճարվում է:

Էլյա.

Բարև ձեզ, հարգելի հաշվապահներ: Հարցս հետևյալն է. ես 4 տարի է գրանցված աշխատող եմ, և հիմա ցանկանում եմ ազատվել աշխատանքից: Աշխատում եմ 6-օրյա / 8 ժամյա գրաֆիկով, տարեկան ունեմ 10 օր արձակուրդ, գրանցված աշխատավարձս` 105 000: Որքա՞ն կկազմի վերջնահաշվարկս:

Արթուր.

Բարի լույս, ՀԱՅԵՐ:

Ինձ պետք է համաձայնագրի տիպային ձև: Համաձայնագիրը համագործակցության բնույթ պետք է կրի, համագործակցությունը՝ տարբեր մշակութային միջոցառումների անցկացում և այլն: Խնդրում եմ արձագանքել:

Ընկերություն` ԱՐԱՐԱՏ ՌԵԶՈՐԹ ԾԱՂԿԱՁՈՐ
Հասցե` Ծաղկաձոր, Մհեր Մկրտչյան 54
Էլ. փոստ` hr.araratresort շնիկ gmail.com
Թափուր աշխատատեղ` Հաշվապահ
Աշխատանքի նկարագրություն` Պարտականությունները՝ Տարեկան և ֆինանսական հաշվետվությունների կազմում, Աշխատավարձի և հարկերի հաշվարկում, Էլեկտրոնային եղանակով հարկային հաշիվների և հաշվետվությունների դուրսգրում, Հաշվապահական ձևակերպումների իրականացում Պահանջները՝ Բարձրագույն մասնագիտական կրթություն, Նվազագույնը 2 տարվա աշխատանքային փորձի առկայություն, Օրենսդրության, համակարգչային գիտելիքների լավ իմացություն (Excell, ՀԾ-հաշվապահ ծրագրեր):

Անժելա.

Խնդրում եմ տալ համապատասխան ձևակերպում:

1) Կազմակերպությունը կանխիկ գնում է 10 000 դրամ ապրանք վերավաճառքի համար:

2) Կազմակերպությունը ապրանքների կանխիկ իրացումից ստանում է 11 000 դրամ:

3) Ա կազմակերպությունը ապառիկ Բ կազմակերպությանը 15 000 դրամ ապրանք է վաճառում:

Անի.

Բարև ձեզ, հարգելի հաշվապահներ, ես ուզում եմ բացել հացի արտադրամաս: Ապառիկ ՀԴՄ ինչպե՞ս կարող եմ ձեռք բերել, այսինքն, որ գումարն ամսեամիս վճարեմ ՀԴՄ սարք ձեռք բերելու համար: Կանխավ շնորհակալություն:

Աշխեն.

Բարև ձեզ, խնդրում եմ օգնել հետևյալ հարցում.
IT ոլորտի Ստարտ ափ է, ունի հարկային արտոնություններ, դեռևս միայն անհատ ձեռնարկատիրոջ եկամտային հարկ է փոխանցվում, այլ շրջանառություն առկա չէ: Անհրաժե՞շտ է լրացնել դրամարկղային գիրք: Եթե այո, ապա ինչպե՞ս:

Բարև ձեզ: Աշխատանքի ընդունման հրամանում ԱՕ հոդված 95-ի երկրորդ կետը որպես հիմք նշելը ճի՞շտ է արդյոք:

Լուսինե.

Բարև ձեզ, խնդրում եմ ասեք` ՍՊԸ-ի համար կնիքի առկայությունը պարտադի՞ր է, թե ոչ, եթե այո, ո՞ր օրենքով, և պայմանագրի համար միայն ստորագրությունը կարո՞ղ է հիմք հանդիսանալ: Կանխավ շնորհակալություն:

Սարգիս.

Բարև ձեզ, իսկ որտե՞ղ է գտնվում պետական ռեգիստրը, և ԱՁ բացելու համար պետ. ռեգիստրում ի՞նչ փաստաթղթեր են հարկավոր: Նախապես շնորհակալություն:

Քրիստինե.

Բարև ձեզ:

Ինձ կարո՞ղ եք հուշել՝ եթե աշխատակիցը գտնվում է մինչև 3 տարեկան երեխայի խնամքի արձակուրդում, կարո՞ղ է արդյոք կազմակերպությունը կրճատել հաստիքը, աշխատանքը բաշխել այլ աշխատակիցների միջև և դրանից հետո նորից համանման հաստիք բացել:

Աստղիկ.

Բարև ձեզ:

Աշխատանքային գրքույկս օրենքով սահմանված կարգով Գործատուի կողմից ներկայացվել է թվայնացման: Խնդրում եմ պատասխանեք. գործատուն այն ինձ կհանձնի անմիջապես թվայնացումից հետ ստանալուց հետո, թե կպահի մինչև իմ աշխատանքից ազատվելը: Եվ կկատարվի արդյոք գրառում իմ ազատման մասին: Կանխավ շնորհակալություն:

Սեյրան.

Բարև Ձեզ: Սպասարկման ոլորտի ԱՁ ունեմ: Գրանցված եմ որպես լիազոր: Հաշվապահությունը այսուհետ ես եմ ցանկանում վարել: Ո՞վ կօգնի վճարովի խորհրդատվությամբ:

Արմեն.

Խնդրում եմ, եթե հնարավոր է, տրամադրել ՍՊԸ կանոնադրության օրինակ ընկերության խորհրդի տարբերակով:

Լիլիթ.

Բարև ձեզ: Ինձ անհրաժեշտ է իմանալ՝ ի՞նչ գործընթացներ են անհրաժեշտ օնլայն խանութի միջոցով առքուվաճառքով զբաղվելու համար (հարթակը վաճառքի՝ Instagram/Facebook):

Մհեր.

Հարգելի հաշվապահներ, եթե կազմակերպությունը հաշվապահական հաշվառում չի վարել, սակայն հաշվետվությունները ներկայացրել է և հարկերը վճարել է ժամանակին, ինչ խնդիրներ կարող են առաջանալ հարկային մարմինների հետ: Նախապես շնորհակալություն:

Աննա.

Ես 2018թ․ մարտի 1-ից մինչև դեկտեմբերի 3-ը աշխատելու եմ ամսական 110 000 մաքուր աշխատավարձով: Ունեմ 12 օր չօգտագործված արձակուրդային օրեր: Կասե՞ք` ինչքան վերջնահաշվարկ պետք է ստանամ:

Կարինե.

Բարև ձեզ, խնդրում եմ ինձ օգնել, ես սկսնակ հաշվապահ եմ: Եթե կազմակերպությունը անհատույց տալիս է սառնարաններ, ընդունման-հանձնման ակտով, արդյո՞ք օրենքը փոխվելուց հետո այդ սառանարանների համար անհրաժեշտ է հաշիվ-ապրանքագիր գրել ԱԱՀ-ով: Եվ շշերի հետ կապված, եթե նրանք բազմակի շրջանառելի են համարվում մեր կազմակերպության համար, և մենք չենք ներառում դա Հ/Ա-ի մեջ, արդյո՞ք հիմա պետք է ներառենք և գրենք ԱԱՀ-ով: Խնդրում եմ որքան հնարավոր է շուտ արձագանքեք: Շնորհակալություն:

Ընկերություն` Էքստերիեր Գրուպ
Հեռախոս` 060668888
Էլ. փոստ` hr շնիկ exterior.am
Թափուր աշխատատեղ` Գանձապահ-օպերատոր
Աշխատանքի նկարագրություն` Աշխատանքային պարտականությունները. 1.Կանխիկ դրամական մուտքերի և ելքերի կառավարում, 2.Դրամարկղի շարժի և դրամական հոսքերի հաշվետվության կազմում, 3.Դրամարկղային գործառնությունների ստուգում և ամփոփում, 4. Նմանատիպ այլ հանձնարարությունների կատարում: Պահանջվող որակավորումները. 1. Բարձրագույն կրթություն, 2. Համակարգչային հմտություններ` մասնավորապես 1C ծրագրի 8.3 տարբերակի, excel-ի լավ իմացություն, 3. Գանձապահի աշխատանքային փորձ, 4. Պատասխանատվության բարձր զգացում:
Աշխատավարձ` 150 000

Անահիտ.

Բարև ձեզ:
Գրանցված աշխատող եմ 1 տարի ու 8 ամիս արդեն, աշխատավարձը 70.000 (ֆիքսված), ցանկանում եմ աշխատանքից դուրս գալ, ինձ հետաքրքրում է` վերջնահաշվարկ պահանջելու իրավունք ունե՞մ, և որքա՞ն կկազմի այն: Արձակուրդից օգտվել եմ մեկ անգամ` 7 օրով: Շնորհակալություն:

Հարցազրույցում ներկայացված մասնագիտական խումբը Facebook-ում – Taxpayers and Taxes.

Աստղիկ.

2017 թվականի հերթական արձակուրդիցս հետ եմ կանչվել 10 օր շուտ իմ համաձայնությամբ` ելնելով անհրաժեշտությունից: 2018-ին գնալու եմ արձակուրդ իմ 24 աշխատանքային օրվա համար (6 օրյա աշխատանքային ռեժիմ), միևնույն ժամանակ ցանկանում եմ, որ գումարվի նաև նախորդ տարվա չօգտագործածս 10 օրը: Ցանկանում եմ իմանալ` վճարումն ինչպե՞ս է կատարվելու` 24 օրվա համար, թե՞ արդեն 34: Կանխավ շնորհակալություն:

Ընկերություն` Տանժեռ
Հասցե` Կասյան 7-11
Հեռախոս` 275310, 091 291892, 077 291892
Էլ. փոստ` info շնիկ tanger.am
Թափուր աշխատատեղ` հաշվապահ
Աշխատանքի նկարագրություն` Պահանջվում է հաշվապահ արտադրական ընկերությունում։ Հիմնական պարտականություններ՝ • Հաշվապահական հաշվառման վարում, • Հաշվետվությունների կազմում, • Բանկային գործարքների ամենօրյա ձևակերպում, • Հարկային հաշիվների էլեկտրոնային դուրս գրում, • Գլխավոր հաշվապահի հանձնարարությամբ այլ աշխատանքների իրականացում: Պահանջներ՝ կին 28-35 տ., բարձրագույն կրթություն, հայերեն, ռուսերեն, անգլերեն լեզուների լավ իմացությունը ցանկալի է։ 1C և e-invoicing ծրագրերի տիրապետում։ Համապատասխան ոլորտում 5 տարվա աշխատանքային փորձի առկայություն։ Աշխատանքային օրեր և ժամեր՝ երկուշաբթի-ուրբաթ 09:00-18:00։ Աշխատավարձը (մաքուր) 150 000 դրամ։ Հեռ.: 27-53-10, 091-29-18-92, 077-29-18-92 e-mail: info շնիկ tanger.am www.tanger.am
Աշխատավարձ` Աշխատավարձը (մաքուր) 150 000 դրամ

Ընկերություն` Ներմուծող արտադրող կազմակերպություն
Հասցե` Էրեբունի վարչական շրջան
Հեռախոս` 093867369 099867369
Էլ. փոստ` sambezh շնիկ mail.ru
Թափուր աշխատատեղ` հաշվապահ
Աշխատանքի նկարագրություն` Հարկային հաշիվների էլեկտրոնային դուրս գրում, ներմուծված ապրանքների մուտքագրում,նյութական արժեքների տեղաշարժ,ՀԾ ծրագրի իմացություն
Աշխատավարձ` 100 000 – 130 000
Այլ նշումներ` Հետաքրքրված անձինք ինքնակենսագրականները կարող են ուղարկել հետևյալ էլ. հասցեին sambezh շնիկ mail.ru

Նարեկ.

Ես ցանկանում եմ գրանցվել որպես ԱՁ ու չորացված թփեր արտադրեմ` 4 տեսակի: Ի՞նչ հարկեր եմ վճարելու:

Արթուր.

Հարգելի գործընկերներ, խնդրում եմ պարզաբանել` արդյո՞ք որևիցե հարկ առաջանում է, եթե սահմանափակ պատասխանատվությամբ ընկերության մասնակիցները (ֆիզիկական անձիք են) վաճառում են ընկերության իրենց փայաբաժինները:

Արևիկ.

Բարև ձեզ, հաշվապահներ ջան: Խնդրում եմ օրինակով ներկայացնել ֆինանսական վարձակալության հաշվառումը վարձատուի մոտ, տրված ձևակերպումները, անուիտետը: Կանխավ շնորհակալ եմ:

Siran.

Բարև ձեզ: Եթե հնարավոր է, կարո՞ղ եք ինձ էլ ուղարկել մեմորիալ օրդերի ձև- hiddengoldsiran շնիկ mail.ru: Նախապես շնորհակալ եմ:

Միշա.

Արձակուրդ գնալու ժամանակ, երբ աշխատակցի պարտականությունները դրվում է ավելի ցածր աշխատավարձ ստացող աշխատակցի վրա, գործատուն իրավունք ունի՞ երկու աշխատակիցների պարտականությունները կատարող աշխատակցին վճարել բարձր վարձատրվող դրույքաչափով: Խնդրում եմ դրական կամ բացասական պատասխանների դեպքում հղում անել համապատսխան օրենքի համապատասխան կետին:

Սիրունիկ.

Բարև ձեզ: Աշխատում եմ խանութում, ստանում եմ մեկ հերթափոխի համար 3 000 դրամ: Սակայն լինում են օրեր, երկու հերթափոխ եմ աշխատում: Աշխատավարձ չվճարելու պատճառով ազատվել եմ աշխատանքից: Ունեմ 1 ամիս 17 օրվա չվճարված աշխատավարձ: Աշխատել եմ հունիսից նոյեմբեր: Խնդրում եմ ասել – քանի՞ օրվա ընթացքում պետք է ստանամ իմ աշխատավարձը, ու վերջնահաշվարկ ինչպե՞ս են հաշվարկելու: