Category: Այլ

Անի․

Բարև Ձեզ։ Ընկերության անունով ներմուծվել է թամբային քարշակ և կցորդ։ Որ խնդրեմ կասե՞ք՝ ի՞նչ ձևակերպումներ պետք է անեմ։ Այս պահին մուտք եմ արել պահեստ և ԲՄՀ եմ նստացրել, բայց 2161 եմ արել։

Նարինե․

Բարև Ձեզ։ ԱԱՀ-ով աշխատող ՍՊԸ-ն անհատույց վարձակալությամբ տարածք է ձեռք բերել ֆիզ անձից։ Այդ տարածքի համար ձեռք է բերվել վերելակ։ Արդյո՞ք կարող եմ վերելակը հաշվառել որպես ՍՊԸ-ի հիմնական միջոց, և ամորտիզացիոն նվազագույն ժամկետը քանի՞ տարի է վերելակի դեպքում։

Արուս․

Բարև Ձեզ։
Եթե աղջիկս ՏՏ ոլորտով զբաղվող կազմակերպության 50% բաժնետեր է, ես և՞ս կարող եմ բացել ՍՊԸ և զբաղվել նույն դասակարգիչով նախատեսված գործունեությամբ։ Արդյո՞ք կհամարվենք փոխկապակցված կազմակերպություններ։
Նշեմ, որ գործող կազմակերպութան իրավաբանական հասցեն ուրիշ է, իմը այլ է լինելու։

Նարինե․

ՍՊԸ-ն, որն աշխատում է ԱԱՀ-ով, կազմակերպում է խաղարկություն՝ 20․000 ից ավել գնումների դեպքում գնորդներին նվիրելով ապրանքներ։ Հարց՝ ինչպե՞ս պետք է այդ ապրանքները դուրս գրվեն ՍՊԸ ի հաշվեկշռից։

Իրինա․

Բարև ձեզ, հարգելիներս։ Ես Ա/Ձ եմ բացել, Wildberries – ով վաճառք եմ իրականացնում շրջհարկի։ Դեռ նոր եմ սկսել, խնդրում եմ մի փոքր ուղղորդեք՝ արդյո՞ք ճիշտ եմ անում։ Ամեն անգամ, երբ уведомление о выкупе եմ ստանում, հաշիվ վավերագիր եմ դուրս գրում։ Եռամսյակային հաշվետվության մեջ եռամսյակի վաճառքի գինը շրջանառության տողում եմ գրում, իսկ լոգիստիկայի և վայլդբերիսի կոմիսիոն գումարը որպես անուղղակի ծախս, ապրանքի ինքնարժեքի համար փաստաթուղթ չունեմ` ուղղակի ծախս չեմ լրացնում։ Խնդրում եմ կպատասխանե՞ք՝ ճի՞շտ եմ անում, թե՞ բացթողում ունեմ։ Կանխավ շնորհակալ եմ։

Հարություն․

Բարև ձեզ։ Իմ ԱՁ-ն աշխատում է միկրոյի տակ։ Զբաղվում եմ էլեկտրական շարժիչների վերանորոգմամբ։ Ուզում եմ իմանալ, արդյոք պե՞տք է ունենամ ՀԴՄ, եթե ես աշխատում եմ կազմակերպությունների հետ միայն ու նրանց ուղարկում եմ հաշիվ վավերագիր։ Ի դեպ՝ առևտրի տաղավարում է։

Գայանե․

Բարև Ձեզ, կխնդրեմ օգնել այս հարցում․

Ռեստորանային բիզնես է, պետք է խմիչքի դուրսգրում անել, որը կոտրվել է։ Հանձնաժողով պե՞տք է կազմել, և կասե՞ք փաստաթղթի Ձևը:

Շնորհակալություն։

Դավիթ․

Հարգելի հաշվապահներ, ՍՊԸ-ի բաժնետերերից մեկը, ով հանդիսանում է ֆիզ․ անձ, կարո՞ղ է շահաբաժինը ստանա կանխիկ, ոչ թե փոխանցումով: Կանխավ շնորհակալ եմ։

Անի․

Եթե կազմակերպությունն ունի կուտակված վնաս, բայց այս տարվա հունիսին ապահովել է շահույթ, որը չի փակում կուտակված վնասը, կարո՞ղ է այս ամսվա շահույթը ուղղել կանոնադրական կապիտալի համալրմանը, հաշվապահական և հարկային առումով։

Դավիթ․

Բարև Ձեզ:

Բնակելի շենք կառուցապատող ընկերության հիմնադիրը 2024թ. որպես ֆիզ անձ ձեռք է բերել հողատարածք, որը 2025թ. ներդրել է ընկերության կանոնադրական կապիտալում: Խնդրում եմ նշել՝ հողի արժեքը (գնահատված կամ ձեռքբերման) հնարավո՞ր է լինելու ներառել ընկերության ծախսերում։

Անի․

Հարգելի՛ հաշվապահներ, ապրանք ենք ստացել հաշվով և վճարել ենք առաքիչին կանխիկ: Մեզ ուղարկել են իրենց բանկի մուտքի կտրոնը: Կարո՞ղ եմ ձևակերպել 252-251 : Դա ի՞նչ խնդիր կարող է առաջացնել իմ դրամարկղային գրքում լրացնելու դեպքում:

Հապետ․

Հարգելի գործընկերներ, հարցս վերաբերում է շահաբաժնի և փոխառության փոխմարմանը: 2024թ-ի արդյունքներով առաջացել է բաշխման ենթակա շահաբաժին՝ 29 մլն. դրամ: Հիմնադիը ընկերությանը պարտք է 29 մլն. դրամ փոխառության գումար: Հարց – փոխմարման ժամանակ մարվում է 29/29մլն, թե՞ (29մլն *5% = 27,55)/ 27,55մլն և հիմնադիրը պարտք է մնալու 1,45 մլն դրամ։

Վիկա․

Հարգելի հաշվապահներ, խնդրում եմ պատասխանեք` եթե գործատուն չի հայտարարել շահաբաժին 2019–ից հետո, ինչպե՞ս կարող է հիմա սկսել վճարել։ Հիմնադիրը, որը և տնօրեն է, ցանկանում է գումար ստանալ, կարո՞ղ է վերցնել փոխառություն և հետո դա ձևակերպել որպես շահաբաժին։ Ինչպիսի՞ պարտավորությունների հաշվանցման փաստաթուղթ կարող է կազմել։ Կարո՞ղ եք հղում տալ։ Շնորհակալ եմ։

Մարիամ․

Բարև ձեզ։

Ցանկանում եմ բիզնես սկսել և օրինակացնել, ունեմ մի քանի հարց, խնդրում եմ պատասխանել, նախապես շնորհակալություն։

Տան պայմաններում (առանձին խոհանոց) պատրաստելու եմ տորթեր, քաղցրավենիքներ, աշխատակից չեմ ունենալու, վաճառքը իրականացնելու եմ Instagram-յան էջի միջոցով, աշխատելու եմ միայն առաքումով, առաքումը իրականացնելու եմ ես: Բացի այդ ունենալու ենք փաթեթներ, որ օրինակ փոքրիկ տորթ և փոքրիկ շամպայն է լինելու կամ բաժակ է ներառելու փաթեթը , այս դեպքում այլ ապրանքները , որոնք իմ արտադրանքը չեն ինչպե՞ս եմ կարողանալու վերավաճառել։

1. Խնդրում եմ ասեք, այս ոլորտում բիզնես սկսելու քայլերը, ի՞նչ է պետք անել հերթականությունը նաև իմ բիզնեսի համար ամենահարմար կազմակերպաիրավական տեսակը , հարկման տեսակը, պարտավորությունները եւ վճարումները (ամսական եւ տարեկան) որո՞նք են
2. Արդյո՞ք պետք է առանձին հաշիվ բացեմ փոխանցումների համար, նաև կխնդրեմ նշել օնլայն վաճառքի դեպքում ինչպես եմ ՀԴՄ տրամադրելու

Իմ դեպքում օնլայն ՀԴՄ է լինելու և արդյոք ճի՞շտ է, որ ոչ բոլորին են թույլատրում էլեկտրոնային ՀԴՄ։

Կարեն․

Հարգելի հաշվապահներ, ընկերությունը շրջանառության հարկի դաշտում է, ռեստորանի տարածքում դրվել է սարք, որը հոսանք է ծախսում, կցանկանայի իմանալ՝ ի՞նչ տարբերակներով կարելի է վճարել այդ հոսանքի ծախսը։ Ու արդյո՞ք հնարավոր է մեր ընկերությունից վճարել այլ ընկերության հոսանքի վճարը, համապատասխան չափով ինչքան որ սարքը ծախսում է, վարձատուից հաշիվ չպահանջել և մեր մոտ այդ կատարված վճարը որպես ծախս չներկայացնել։
Հարցը հիմանակնում նրանում է, որ գործընկերներին չծանրաբեռնել հավելյալ հաշիվ գրելով։ Մուտքի համար 10% հարկվում է և որպես ծախս նվազեցում տալը տվյալ դեպքում առաջնային չէ։

Անի․

Օզոնով վաճառք իրականացնելու հետ կապված 2 հարց ունեմ․
1․ հաշիվը ու՞մ պետք է դուրս գրվի ՝ ՕՄԱՐՄ ՍՊԸ ին, թե՞ յուրաքանչյուր գնորդի անունով
2․ եթե յուրաքանչյուր վաճառքի համար գնորդի անունով պետք է գրվի, ապա ինչպե՞ս լրացնել անձնագրային տվյալները

Ռոբերտ․

Բարև Ձեզ։ Առևտրական գործունեութամբ զբաղվող շրջ. հարկ վճարող կազմակերպությունը պե՞տք է գույքագրի ապրանքները, եթե այո՝ իրավական ակտի հղում կտրամադրե՞ք։

Նարինե․

Բարև Ձեզ, եթե մի կազմակերպությունը ԱԱՀ-ով հարկվող ՍՊԸ է, ցանկանում է ստեղծել այլ ՍՊԸ, որտեղ ինքը հանդիսանում է որպես 100% բաժնետեր, ապա նոր ստեղծված ՍՊԸ-ն ի՞նչ հարկով է հարկվելու։ Տվյալ նոր ՍՊԸ-ն եթե շահաբաժին է վճարում իր հիմնադիր ընկերությանը, ապա դրանից ի՞նչ հարկեր են առաջանում։ Հիմնադիր ընկերությունը նոր ստեղծած ընկերության ծախսերի համար ներդրումները ի՞նչ ձևով կարող է անել՝ փոխանցման, թե՞ փոխառության ձևով։

Աննա․

Բարի երկուշաբթի բոլորին, ցանկանում եմ Ձեզանից խլել մի քանի րոպե ժամանակ, եթե ստացվի)
Վաղուց չեմ եղել հարցազրույցների, բայց պատրաստվում եմ փոխել աշխատանքս ու քանի որ ունեմ խնդիր (կապված լարված ժամանակ հարցերին բանավոր պատասխանելու և միտքս ճիշտ ու արագ ձևակերպելու հետ, դեռ ուսանողական տարիներից միակ բարձր գնահատական ստանալուս տարբերակը նստել հանգիստ մտքերս հավաքել գրելն էր, բանավորը մի խայտառակություն) կցանկանայի իմանալ՝ մոտավոր ի՞նչ հարցեր են տրվում հաշվապահներին հարցազրույցների ժամանակ։

Եթե նաև հուշեիք հաշվապահական գրասենյակներ, որտեղ կարելի է դիմել աշխատանքի համար, ուրեմն չգիտեմ, վիրտուալ կոնյակ-բամբանյերկա ինձանից )
Շնորհակալություն։

Սոֆյա․

Բարև Ձեզ։ Հարգելի հաշվապահներ, կազմակերպությունը ՍՊԸ է և աշխատում է շրջհարկով։ Գործունեությունը՝ օտար լեզվի դասեր և փայտե իրերի արտադրություն։ Հարցը հետևյալն է ․ Կարելի՞ է արդյոք ՍՊԸ-ի անվան տակ այլ դասակարգիչով գործունեություն ծավալել (ֆեյսբուքյան էջում գովազների տեղադրում վճարովի հիմունքներով), և ձևավորված վճարը ուղարկել ՍՊԸ-ի հաշվեհամարին։ Եթե այո, ի՞նչ դասակարգիչ է, որքա՞ն է հարկվելու, ինչպե՞ս պետք է հաշվապահորեն ցույց տալ այս հաշիվների մուտքը հաշվեհամարին, եթե անկանխիկով պետք է աշխատենք, և կա՞ արդյոք օրենսդրական որոշում օնլայն գործունեության վերաբերյալ։ Շնորհակալություն։

Հայկ․

Բարև Ձեզ։ Հարկային օրենսգրքի 60-րդ հոդվածի 3-րդ մասի համաձայն՝
Բեռների, փոստի և (կամ) ուղևորների` ցանկացած տեսակի տրանսպորտային միջոցով փոխադրման տրանսպորտային ծառայության մատուցման գործարքը ԱԱՀ-ով հարկման օբյեկտ չի համարվում, եթե այն սկսվում և ավարտվում է Հայաստանի Հանրապետության տարածքից դուրս: Սույն մասի կիրառության իմաստով` տրանսպորտային ծառայություն է համարվում նաև այլ կազմակերպությունների և (կամ) ֆիզիկական անձանց միջոցով (ներգրավմամբ) Հայաստանի Հանրապետության տարածքից դուրս սկսվող և Հայաստանի Հանրապետության տարածքից դուրս ավարտվող բեռների, փոստի և (կամ) ուղևորների փոխադրման կազմակերպման միջնորդական գործունեությունը:

Հարց. ՀՀ ռեզիդենտ կազմակերպությունն իրականացրել է բեռնափոխադրում օտարերկյա Ա երկրից դեբի Բ երկիր։ Այս դեպքում ՀՀ ռեզիդենտ կազմակերպությունը հաշիվ չի՞ գրելու և եթե այս գործարքը ԱԱՀ-ով հարկվող օբյեկտ չի, ի՞նչ նրբություն կա։

Գոռ․

Բարև Ձեզ,
Հարգելի հաշվապահներ, ինձ անհրաժեշտ է բացել ԱՁ Youtube adsense-ից վաստակած գումարը օրինական կերպով ստանալու և հարկ վճարելու համար։
Ի՞նչ դասակարգիչ է պետք կիրառել այս պարագայում։
Շնորհակալություն։

Ռոբ․

Բարև Ձեզ, կազմակերպությունը աշխատում է շրջ. հարկով և ունի վարձակալությամբ վերցրած մեքենա, որի համար գնում ենք ամեն ամիս վառելիք։ Խնդրում եմ ասեք՝ ի՞նչ կարգով պետք է վառելիքը ցույց տալ ծախս, կա՞ արդյոք նորմա։

Անի․

Հարգելի հաշվապահներ, արդյո՞ք նոր փոփոխություններով պարտադիր է, որ ՀԿ գլխավոր հաշվապահը լինի որակավորված և ունենա լիցենզիա։

Էրիկ․

Հարգելի հաշվապահներ, ո՞վ կարող է օգնել: Էլեկտրոնային դրամարկղի գիրքը գրանցել եմ 21.05.2025-ին:

1. 13.06-ին դրամարկղի մուտքի օրդերը կազմելիս 22.05-ի փոխարեն ընտրվել է 16.05, չէի նկատել ու հաստատել էի: Հնարավո՞ր է խմբագրել հաստատված օրդերը ու փոխել կամ հեռացնել: «Խմբագրել» կոճակը սեղմում եմ, բայց թույլ չի տալիս խմբագրեմ:

2. Մուտքի օրդերը կազմվել է, պահպանվել, հետո ելքի օրդերը նույն օրով ու նույն գումարով պահպանելու ժամանակ բերում է խնդիր, որ ելքի գումարները գերազանցում են մնացորդին, բայց մնացորդը բավարարում է:

Կանխավ շնորհակալություն։

Աննա․

Ընկերության միաձուլման ընթացքում տարբեր մասնաբաժիններ ունեցող ներդրողներին կարո՞ղ է առաջարկվել ընկերության բաժնեմասի դիմաց տարբեր գումարներ։

Վահե․

Բարև ձեզ, POS տերմինալի բանկը ինչպե՞ս է հնարավոր փոխել, ի՞նչ ձև պետք է լրացնել, և հիմա ո՞ր բանկերն են տրամադրում այդ ծառայությունը բացի Ամերիա և Ակբա բանկերից։

Բարև ձեզ: Մի հարց ունեմ: Հանրային սննդի ոլորտում աշխատող կազմակերպությունը Glovo – ի և Yandex – ի միջոցով վաճառք է անում: Քանի որ այդ վաճառքից գումարը փոխանցվում է կազմակերպության բանկային հաշվին Յանդեքսի և Գլովոյի կողմից, ՀԴՄ չպետք է տպվի, այդպե՞ս է: Իսկ ինչպե՞ս կազմակերպությունը հարկայինում ցույց տա եկամուտը:

Արևիկ․

Բարև Ձեզ։ Ընկերությունը աշխատում է ԱԱՀ-ով, Հայաստանից վաճառում է ապրանքների Wildberries – ի միջոցով և Հայաստանի ներսում և դուրս։
Երկու երկրների իրացումների համար միայն դուրս է գրվում հաշիվ ապրանքագիր, թե՞ Ռուսաստանի վաճառքների համար գրվում է հաշիվ վավերագիր։

Եվս Մեկ հարց․ եթե նախորդ ամիսներից հայտնաբերվել են պակաս դուրս գրված հաշիվներ, որոնք եղել են Վայդբերրիզ ՍՊԸ-ի ժամանակ, ոչ թե ԻՄՎԲԱՄ-ի, կարո՞ղ եմ հիմա Վայդբերրիզին գրել դրա հաշիվը:

Հայկ․

Բարև Ձեզ: Խնդրում եմ հուշեք՝ որտե՞ղ կարող եմ տեսնել ԱՁ-ի համար ներմուծման ԱԱՀ-ի և բնապահպանական հարկի վճարման հաշվեհամարները: Նախապես շնորհակալություն։