Արամ.

Բարև ձեզ։ IT ոլորտում կազմակերպություն գրանցելու համար ինչպե՞ս ծանոթանամ հարկային ծախսերին։ Կազմակերպությունը իրականացնում է արտասահմանից ֆրիլանս եղանակով վեբ ծրագրավորման պատվերներ, ի՞նչ դրույքաչափով է հարկվում այդ ոլորտը։

Ընկերություն՝ ՍՊԱՅԿԱ ՍՊԸ
Հասցե՝ Բագրատունյաց փող. 70/18, Երևան 0007, ՀՀ
Հեռախոս՝ +374 10 444 470
Էլ․ փոստ՝ spayka@spayka.com
Թափուր աշխատատեղ՝ Հաշվապահ
Աշխատանքի նկարագրություն՝ Ֆինանսական դեպարտամենտում կատարել հաշվապահի անհրաժեշտ պարտականությունները։
Պահանջներ՝

-Իրականացնել ընթացիկ հաշվապահական ձևակերպումները,
-Կատարել բանկային գործառնությունների ծրագրային ձևակերպումները,
-Վարել Ընկերության ներքին հաշվապահությունը,
-Կատարել կազմակերպության դեբիտորական և կրեդիտորական պարտքերի վարումը,
-Սահմանված կարգով կազմել ամսական և եռամսյակային հաշվետվություններ,
-Կատարել գլխավոր հաշվապահի և ֆինանսական տնօրենի հանձնարարությունները։

Անհրաժեշտ հմտություններ՝

-Բարձրագույն կրթություն,
-MS Office իմացություն,
-Հաշվապահական հաշվառման, հարկային, աշխատանքային օրենսդրության և հաշվապահական ստանդարտների իմացություն,
-Հաշվապահական ծրագրերի իմացություն (Հայկական Ծրագրերի իմացությունը պարտադիր է),
-Ռուսերեն լեզվի գերազանց իմացություն (այլ օտար լեզվի իմացությունը կդիտվի որպես առավելություն),
-Առնվազն 2-3 տարվա աշխատանքային փորձը պարտադիր է։

Աշխատավարձ՝ Մրցակցային
Այլ նշումներ՝ Ուղարկիր հենց հիմա ինքնակենսագրականը hr@spayka.com էլեկտրոնային հասցեին և դարձի՛ր Սպայկայի համախմբված ընտանիքի մի մասնիկը։

Անահիտ.

Բարև Ձեզ։
Հանրային սննդի գործունեություն իրականացնող կազմակերպությունը շրջանառության հարկից կարո՞ղ է նվազեցնել՝
1.ՀԴՄ ամսական սպասարկման գումարը,
2.սփռոցների վարձույթ, լվացք, արդուկի գումարը,
3.հանրային սննդի և ոգելից խմիչքի վաճառքի թույլտվության, արտաքին գովազդի վճարները,
4. SMM-ի համար ստացված հաշվի և ֆեյսբուքին գովազդի համար վճարված գումարները:
Նախապես շնորհակալություն:

Լիդա.

Բարև ձեզ, հարգելի հաշվապահներ: Միկրոյով աշխատող Ա/Ձ հաշիվ է դուրս գրել և դարձել է ԱԱՀ-ով հարկվող։ Ի՞նչ կարելի է անել և ո՞նց է հարկվելու:

Մայա.

Բարև Ձեզ: Աշխատում եմ շրջհարկով: Դուրս եմ գրում նաև ապրանքի առաքման հաշիվ-վավերագրեր: Ասացեք խնդրեմ՝ պարտադի՞ր պայման է արդյոք առաքող մեքենայի տվյալների նշումը դուրս գրվող փաստաթղթի վրա:

Ռուզաննա.

Ողջույն, հարգելի գործընկերներ։ Խնդրում եմ՝ ինձ ուղարկեք խոտանորոշման հանձնաժողով նշանակելու հրամանի ձև։

Ռիտա.

Բարև Ձեզ: Եթե հիմնական միջոցի ծախսերը համարվում են կապիտալ բնույթի ծախսեր, ապա մինչև 5 տոկոսը ծախսագրվում է, իսկ 5 տոկոսից ավել կապիտալացվու՞մ, թե՞ բոլոր ծախսերը պետք է կապիտալ ծախսեր համարել և միացնել հաշվեկշռային արժեքին:

Սոֆյա.

Հարգելի հաշվապահներ, շրջհարկով գործող ՍՊԸ-ն զբաղվում է փայտե իրերի արտադրությամբ: Կարո՞ղ է արդյոք նույն ՍՊԸ-ն զբաղվել լեզուների ուսուցումով, դուրս գրելով հաշիվներ, որպես ծառայության վճար, նշելով ծածկագիրը՝ ուսուցում: Եթե այո, որքա՞ն կկազմի հարկը: Շնորհակալություն:

Գրիգոր.

Բարև Ձեզ: Աշխատակիցը գործուղման է մեկնում արտասահման: Վճարումը կատարել եմ համաձայն 2335-Ն որոշման: Հարց 1՝ գիշերավարձի և օրապահիկի համար ի՞նչ-որ հիիմնավորող փաստաթղթեր են պետք, թե՞ միայն գործուղման վկայականը բավական է շահութահարկի գծով ծախս ճանաչելու համար: Հրաց 2՝ վճարումը կարո՞ղ ենք կատարել արտարժույթով, թե՞ միայն ՀՀ դրամով:

Ալինա.

Բարև Ձեզ։ Խնդրում եմ մի հարցում ինձ օգնեք։ Եթե շրջհարկով աշխատող կազմակերպությունը տվյալ պահին ունի 80մլ դրամ շրջանառություն՝ 28․09․2022թ., կկատարի 50մլ դրամի միանվագ գործարք (անշարժ գույքի վաճարք) և դուրս կգրվի հաշիվ վավերագիր, որը կներառվի 3 եռ. շրջհարկի հաշվարկի մեջ, հարկը կհաշվարկվի 10% և կփոխանցվի օրենքով սահմանված կարգով։ Խնդրում եմ ասեք՝ թե ո՞ր պահից կփոխվի կազմակերպության հարկման դաշտը, սեպտեմբերի 28․09․2022թ-ից, թե՞ 01․10․2022թ.-ից։ Եթե կարող եք՝ հղումը գրեք։
Շնորհակալություն

Ժաննա.

Բարև Ձեզ: Ռուսաստանի քաղաքացին Անհատ ձեռնարկատեր է Հայաստանում: Լուծարվել է, աշխատել է շրջանային հարկով: Ինքը պարտավո՞ր է կուտակային կենսաթոշակ վճարի:

Էմանուել.

Բարև Ձեզ։ Եթե ես աշխատել եմ 10 ամիս և գործատուն վճարել է ընդամենը 10 օրվա արձակուրդայինի գումար, ես աշխատում եմ 6/1գրաֆիկով։ Հիմա ես ուզում եմ աշխատանքից դուրս գալ և գործատուն հրաժարվում է վերջնահաշվարկ կատարելուց, պատճառաբանելով, որ արդեն իսկ վճարել է արձակուրդային գումար մի քանի ամիս առաջ։ Եվ ասում է, որ դա է վերջնահաշվարկը և չի վճարելու այլ գումար։ Հիմա ես ուզում եմ իմանալ՝ գործատուն պետք է առանձին վերջնահաշվարկ կատարի, թե՞ ոչ։

Կարինե.

Բարև ձեզ։ Եթե աշխատողին ընդունում ես, օրինակ՝ 2021թ․ դեկտեմբեր ամսին, իրեն արձակուրդ տրամադրելու ժամանակ հրամանի մեջ գրվում է տրամադրել արձակուրդ 2021-2022թթ․-ի համար, թե՞ 2022-2023թթ․-ի համար։ Կանխավ շնորհակալություն։

Նունե.

Բարև Ձեզ: Ասացեք խնդրեմ՝ բակային փոքր մթերային խանութներում pos-terminal-ների համար ժամկե՞տ կա։

Բարև Ձեզ։ Խնդրում եմ ասեք՝ արձակուրդի դիմումը գրվում է արձակուրդ գնալուց մեկ ամիս առա՞ջ, իսկ հրամանը` 5 օր շու՞տ։ Շնորհակալ եմ։

Շուշան Դարինյան.

Բարև Ձեզ։ Հարգելիներս, աշխատողը կարո՞ղ է հրաժարվել վճարել պարտադիր կուտակայինը։
Շնորհակալություն։

Արտյոմ.

Բարև ձեզ։ Ընկերությունը աշխատողի աշխատավարձը փոխանցել է Իդրամի աշխատողի էլ․ դրամապանակին՝ ստացող դաշտում նշել է՝ Իդրամ ՍՊԸ, նպատակ դաշտում տվյալ աշխատողի անուն, ազգանունը ստացման հիմքը, այսինքն՝ աշխատավարձ։ Հարցս հետևյալն է․ ինչպե՞ս կդիտարկվի այս փոխանցումը՝ որպես աշխատավա՞րձ, թե՞ ՍՊԸ-ին տրված գումար ինչ որ ծառայության համար։

Գոհար.

Բարև ձեզ, հարգելի հաշվապահներ: Ինձ կասեք՝ հղիության և ծննդաբերության նպաստի համար որ փաստաթղթերը որտեղ պետք է ուղարկեմ, նաև գործատուին փոխհատուցման փաստաթղթից բացի կա՞ այլ փաստաթուղթ, որ պիտի ներկայացնեմ սոցապ փոխհատուցման համար (ասեմ նաև, որ այս ամսվա եկամտային հարկը կազմել է 420դրամ):

Մարգարիտա.

Բարև Ձեզ։ Որտե՞ղ կարող եմ տեսնել անաշխատունակության թերթիկները՝ օնլայն։

Արմինե.

Բարև ձեզ, հարգելիներս։ Մի հարց ունեմ. եթե աշխատողի հաստիքը կրճատվել է և նա օգոստոսի 1-ից չի աշխատում, նրան արձակման նպաստ և վերջնահաշվարկ հասնու՞մ է՝ 2֊ը միասին։
2. Կասե՞ք՝ 0,625 և 0,75 դրույքի աշխատաժամանակը 9 ժամային աշխատանքի դեպքում, աշխատանքը քանիսի՞ն է ավարտվում։
Նախապես շնորհակալություն։