Էլլա․

Ես ԱՁ բացել եմ 29.05.2025թ-ին, որպես ծրագրային ապահովում և սկսել եմ աշխատել օնլայն 10.06.2025-ից, խնդրում եմ հուշեք՝ այս պահի դրությամբ ի՞նչ պիտի պարտադիր լրացվի, կամ որտե՞ղ պիտի հարկային պարտավորությունների մասին տեղեկանամ։ Կանխավ շնորհակալություն։

Արևիկ․

Բարև Ձեզ, ԱՁ-ն վաճառել է իրեն պատկանող ֆուռի քարշակը, հարկային պարտավորություն կառաջանա՞, թե՞ ոչ, ԱՁ – ն աշխատում է շրջանառության հարկով և կատարում է բեռնափոխադրում։

Khatun.

Ես բացել եմ 3 տարի առաջ ԱՁ, բայց չեմ օգտագործել ու չեմ իմացել, որ պետք է փակեմ։ Բացել եմ 22.04.2022 թվականից։ Խնդրում եմ ասեք՝ մինչև այժմ որքա՞ն հարկ պետք է վճարեմ։

Վահագն․

Բարև ձեզ։ Ես գրանցվել եմ որպես ԱՁ, սակայն ոչինչ չեմ իրականացրել։ Եթե ԱՁ փակեմ, ինչ-որ գումարներ պե՞տք է վճարեմ։

Գարիկ․

Բարև Ձեզ։ Եթե ՍՊԸ հիմնադիրը ԱՁ է գրանցում մեկ այլ գործունեությամբ զբաղվելու համար, բայց ՍՊԸ-ն ժամանակավորապես դադարեցված է, ապա նույն հարկային դաշտում է հարկվելու՞ և համարվելու՞ է փոխկապակցված։ Շնորհակալություն։

Անահիտ․

Բարև ձեզ։ Արդյո՞ք ԱՁ գրանցվելուց հետո մինչև 2տ երեխայի խնամքի նպաստը այլևս չեմ ստանա։

Արմենուհի․

Բարև Ձեզ: Ունեմ շրջհարկով գործող ԱՁ։ Դեկրետի անցնելու դեպքում հաշվարկը կատարելիս հիմք պետք է ընդունվի վերջին 3 տարիների, թե՞ 6 ամիսների ընթացքում ստացված եկամուտը։

Սոֆյա․

Բարև Ձեզ։ Հարգելի հաշվապահներ, ԱԱՀ-ի դաշտում գտնվող ԱՁ-ն 2024թ-ին գործունեության ժամանակավոր դադար է տվել։ Պե՞տք է արդյոք 2025թ-ի մինչև ապրիլի 20-ը ներկայացնի 240 և 244 ձևերը, և եթե շահույթ չի ունեցել, պարզապես իրեն ծառայություններ են մատուցել, որի համար կատարվել են վճարումներ, ի՞նչ հաշվետվություն պետք է ներկայացնի։ Կանխավ շնորհակալություն։

Ելենա․

Բարև ձեզ։

Դասավանդում եմ, ինչպես նաև զբաղվում ֆրիլանս աշխատանքով։

Ցանկանում եմ բացել ԱՁ ։ Ի՞նչ քայլեր պետք է ձեռնարկեմ անմիջապես դրանից հետո, եթե ամսական եկամուտները մինչև 1 000 000 դրամ են։

Ի՞նչ հարկեր պետք է վճարեմ և ինչպե՞ս։

Անուշ․

Բարև ձեզ։ Եթե ես ունեմ ժամանակավորապես դադարեցված ԱՁ, ի՞նչ փաստաթղթեր է անհրաժեշտ մայրության նպաստ ձևակերպելու համար։ Եվ ի՞նչ ժամանակահատվածում է նստում գումարը։

Nara.

Հանդիսանում եմ ԱՁ-ի տնօրեն, ստանում եմ թոշակ, որը ձևակերպել եմ 2 տարի առաջ։ Ուզում եմ վերահաշվարկեն թոշակս։ Online.ssa.am հարթակի վրա ներկայացրել եմ դիմում կենսաթոշակի վերահաշվարկման համար, բայց մերժել են դիմումս։ Մերժման պատճառ՝ Դիմողը վարձու աշխատող չէ։ Բայց ամեն տարի մուծում եմ 60 հազ դրամ սոց ԱՁ-ի կողմից։ Կարո՞ղ եք պարզաբանեք, ԱՁ-ի տնօրենը չի՞ համարվում վարձու աշխատող։

Գևորգ․

Բարև Ձեզ, երկար տարիներ անհատ ձեռնարկատեր եմ, զբաղվում եմ ձկնաբուծությամբ, ինչպե՞ս կարող եմ բիզնես գործունեությունս Ա/Ձ-ից փոխել ՍՊԸ-ն։ Փոխելու նպատակը հետևյալն է, որպեսզի բիզնես-գործունեությունը շարունակեմ եղբորս հետ միասին՝ համամասնորեն։ Շնորհակալություն։

Սոնա․

Բարև ձեզ։ Կասե՞ք խնդրեմ՝ եթե ես աշխատում եմ հեռահար, դասավանդում եմ, այժմ ցանկանում եմ գրանցվել որպես ԱՁ, և ամեն ամիս գումարը տարբեր է, ինչպե՞ս է հաշվարկվելու հարկը։

Արամ․

Փետրվարի 27-ին գրանցել եմ ԱՁ, երեկ լրացրել եմ 201 հաշվետվությունը շրջհարկով աշխատելու մասին, ԱՁ-ն գործելու է ՏՏ ոլորտում, աշխատող չունեմ, գիտեմ որ պետք է վճարեմ շրջհարկ, սոց․ վճար և ֆիքսված հարկ։ Ուզում էի իմանալ՝ ամսական և եռամսյակային ի՞նչ հաշվետվություններ պետք է ներկայացնեմ։ Շնորհակալ եմ։

Նիկ․

Բարև ձեզ, ԱՁ-ի գործունեությունը անժամկետ դադարեցվել է 2023 թվականին, 2024-ին հանձնվել է 2023-ի հաշվետվությունները, 2024-ին ողջ տարի դադարեցված է եղել։ Արդյո՞ք 2025-ին պետք է 2024-ի համար որևից է հաշվետվություն տրվի, թեկուզև դադարեցված է եղել ողջ տարին։ Շնորհակալությու՛ն։

Միլենա․

Բարև Ձեզ։

Արդյո՞ք այն անձը, ով հանդիսանում է ՍՊԸ-ի 50%-ի բաժնետեր, կարող է հետագայում բացել ԱՁ իր անունով։

Zara.

Բարև ձեզ։ Ունեմ մի քանի հարց ԱՁ-ի 2025թ․ հարկերի և դրանց վճարման վերաբերյալ։ ԱՁ-ն գործելու է շրջանառության հարկի դաշտում, աշխատողներ չի ունենալու։

Հարց 1 – Ճի՞շտ եմ հասկանում, որ վճարելու եմ հետևյալ հարկերը՝ – 5 000 դրամ ամսական շահութահարկ – 5 000 դրամ ամսական սոց․ վճար – 10% եռամսյակային շրջանառության հարկ – դրոշմանիշային վճար՝ տարեկան կտրվածքով: Կա՞ն այլ վճարներ, որոնք մոռացել եմ հաշվի առնել։ Եկամտային հարկը վճարվում է միայն աշխատող ունենալու դեպքում, ճի՞շտ է։

Հարց 2 – հնարավո՞ր է արդյոք ամսական վճարները կուտակել և վճարել միանգամից՝ տարվա վերջում, կամ օրինակ եռամսյակը մեկ։ Եվ եթե այո, դա ինչ-որ հատուկ քայլերո՞վ է արվում, թե պարզապես վճարումը կատարում եմ այդ ժամանակ և վերջ։

Հարց 3 – Ինչպե՞ս եմ կատարում վճարումները։ Արդյո՞ք բոլորը կարող եմ անել պետական վճարումների էլեկտրոնային համակարգով՝ https://www.e-payments.am/hy/ թե՞ պարտադիր է բանկով կատարել։

Հարց 4 – Ո՞ր վճարների համար պետք է հաշվետվություն ներկայացնեմ հարկային ծառայության էլեկտրոնային համակարգում։ Շրջանառության հարկ, շահութահարկ, այսքա՞նը, թե սոց վճարների և դրոշմանիշների համար էլ է պետք հաշվետվություն

Հարց 5 – արդյո՞ք դրոշմանիշային վճարի հաշվարկի սանդղակը այստեղ նշվածն է՝ https://www.arlis.am/documentview.aspx?docid=175713 “հաշվարկման բազա” ասելով հասկանում ենք տարեկան եկամուտների գումա՞րը, թե՞ սա այլ եզր է։

Անչափ շնորհակալ կլինեմ պատասխանների համար։

Մարգարիտա․

Բարև Ձեզ։ Անհատ ձեռնարկատիրոջ տարեկան սոցիալական վճարը շահութահարկով ծա՞խս է համարվում։

Արման․

Նորաբաց ԱՁ եմ, աշխատողներ չունեմ, զբաղվում եմ ԲՏ ոլորտի պետական աջակցության ենթակա գործունեությամբ (ցանկը դեռ վերջնական հաստատված չէ), շրջանառության հարկի դաշտում, ֆրիլանս տարբերակով։

Շատ քիչ տեղեկություն կա ընդհանրապես, բայց որքանով հասկացա ներկայացնում եմ հետևյալ հաշվետվությունները․

– 201 ձև – ամեն տարի մինչև փետրվարի 20-ը
– 240 ձև – ամեն տարի մինչև ապրիլի 20-ը (լրացվում է միայն 107 կետը, տարվա համար վճարվում է 12 * 5 000 = 60 000 դրամ)
– 244 ձև – ամեն տարի մինչև ապրիլի 20-ը (լրացվում է միայն 8-րդ կետը, տարվա համար վճարվում է 12 * 5 000 = 60 000 դրամ)
– 286 ձև – եռամսյակը մեկ, մինչև հաջորդ ամսվա 20-ը (վճարվում է շրջանառության 1%-ը)
– Ըստ տարեկան շրջանառության ամեն տարի մինչև ապրիլի 20-ը վճարվում է դրոշմանիշային վճար (ըստ ամենայնի 24 000 դրամ (2 400 001-ից մինչև 6 000 000 դրամ հաշվարկման բազայի դեպքում))

Բոլոր հարկատեսակները վճարվում են պետական գանձապետարանի միասնական հաշվեհամարին՝ 900008000490 Դրոշմանիշային վճարը վճարվում է 900005001186 հաշվեհամարին Կարելի է վճարել ԱՁ հաշվեհամարից, իսկ դրա բացակայության դեպքում ցանկացած հաշվեհամարից նշելով ՀՎՀՀ-ն։ Խնդրում եմ ասեք, արդյո՞ք ամեն ինչ ճիշտ եմ հասկացել, կա՞ն այլ հաշվետվություններ կամ վճարումներ։

Շուշանիկ․

Բարև Ձեզ, հարգելի հաշվապահներ, խնդրում եմ օգնել հետևյալ հարցում: ԱՁ-ն, որն աշխատում է ԱԱՀ-ի դաշտում, զբաղվում է բաժակով սուրճի արտադրությամբ և վաճառքով, ի՞նչ հաշվետվություններ պետք է ներկայացնի և ի՞նչ պարտադիր հարկեր պետք է վճարի: Նաև կխնդրեի պարզաբանել՝ ԱՁ-ն կարող է տնօրեն չունենալ։