Tag: հաշվետվություն

Անահիտ․

Բարև բոլորին։ Taxservice համակարգում աշխատակիցներից մեկի մասով նպաստ ենթապատուհանում նպաստ է արտացոլվում, գործատուի կողմից վճարման ենթակա դաշտում 5 օրվա համար հաշվարկված նպաստի գումար։ Ինձ մնում է միայն հաշվետվության մեջ գործատուի կողմից վճարվող նպաստ դաշտում այդ թիվը լրացնե՞լ և աշխատակցին աշխատավարձ փոխանցելիս այդ գումարը նույնպես փոխանցե՞լ։ Նախապես շնորհակալ եմ։

Նարե․

Բարև Ձեզ, հարգելի հաշվապահներ, շրջ․ հարկով աշխատող կազմակերպությունը, որն իրականացնում է ինտերնետ ծառայությունների մատուցում, այլ կազմակերպության վաճառել է իր հիմնական միջոցներից և արագամաշ առարկաներից, վաճառված բոլոր իրերը եղել են կապի սարքավորումներ և մալուխներ։ Խնդրում եմ օգնել` վաճառքի մասով շրջ․ հարկի հաշվարկի ո՞ր տողը պետք է լրացնել և վերջում տնտեսական գործունեության ի՞նչ դասակարգիչ նշել։

Աննա․

Ողջույն, հարգելի գործընկերներ: Խնդրում եմ ձեր մասնագիտական խորհուրդը և կարծիքը հետևյալ իրավիճակի վերաբերյալ.Աշխատողի պայմանագրային (հաշվարկային) աշխատավարձը կազմում է 156,800 դրամ: Նախորդ ամիսներին աշխատողին բանկով փաստացի ավել է փոխանցվել 31,200 դրամ մաքուր աշխատավարձ: Ընթացիկ ամսվա եկամտային հարկի և սոցիալական վճարների ամսական հաշվետվությունը լրացնելիս ո՞ր տարբերակն է ճիշտ և անռիսկ.

1. Հաշվետվության մեջ ցույց տալ ամբողջական հաշվարկային հիմքը՝ 156,800 դրամ, իսկ ավել վճարված 31,200 դրամի հետպահումը (նվազեցումը) կատարել բացառապես բանկային փոխանցման փուլում:
2. Թե՞ հաշվետվության մեջ արհեստականորեն նվազեցնել հաշվարկային բազան և գրել 125,600 դրամ:
   
   Կանխավ շնորհակալ եմ արձագանքների և ձեր փորձով կիսվելու համար:

Անի․

Բարև Ձեզ, հարցս վերաբերվում է շրջանառության հարկի հաշվարկում 5․11 (Կատարված ծախսերի մասով հարկի գումարից չնվազեցվող և հաջորդ եռամսյակներ փոխանցվող գումար) տողին, նախորդ տարվա 3-րդ եռամսյակի 5․11 տողի գումարը չեմ ներառել հաջորդ եռամսյակի 5․7 (Նախորդ եռամսյակներում կատարված ծախսերի մասով հարկի գումարից չնվազեցված և փոխանցված գումար) տողում, կարո՞ղ եմ արդյոք ներառել 2026թ 2-րդ եռամսյակի 5․7 տողում, թե՞ անպայման պետք է ճշգրտեմ 2025թ․ 4-րդ եռամսյակը։

Արթուր․

Բարև Ձեզ։ Որ խնդրեմ, կասե՞ք՝ հացի արտադրության դեպքում ի՞նչ հաշվետվություններ է պետք հանձնել ու ի՞նչ հաշվառում է պետք անել։ Ու նաև սննդի անվտանգության տեսչություն դիմելու գործընթացը ինչպե՞ս կազմակերպել։

Նարինե․

Բարև։

Եթե նախկինում 247 ձևը հանձնել եմ դրոշմապտակ պատվիրելու համար, հիմա նոր կարգով E-Mark – ում պետք է պատվիրենք դրոշմապիտակ, այս դեպքում հարկայինով ի՞նչ հաշվետվություն ունեմ հանձնելու։

Արմինե․

Հարգելի գործընկերներ, խնդրում եմ գրել՝ ինքնուրույն հարկ վճարողը ի՞նչ հաշվետվություններ ներկայացնելու պարտավորություն ունի: Շնորհակալություն։

Անահիտ․

Մի քանի րոպե խլեմ։ Հացի փուռ է, գտնվում է մարզում, միայն իր արտադրանքն է վաճառում և միայն տեղում, աշխատում է միկրոյով․

1. Բացի միկրոյի շրջանառության հաշվետվությունից կա՞ն էլի հաշվետվություններ որ պետք է հանձնեմ, օրինակ ֆիզիկական ծավալների ու գների վերաբերյալը մտքովս անցավ։ Աշխատողների գծովը գիտեմ։
2. Մեր դեպքում խնդի՞ր է, եթե ծախսեր ցույց չենք տալիս։ ՀԴՄ-ն տպվում է նորմալ, շրջանառությունը շատ փոքր է, բայց բացի ՀԴՄ սպասարկումից այլ հաշիվներ չենք ստանում։
3. Նաև, բոնուսային հարց, կարող ե՞նք ասել՝ տարածքը անվճար են տրամադրել։
   Նախապես շնորհակալ եմ։

Հարություն․

Բարև Ձեզ, նորաբաց ԱՁ առցանց բացել եմ մեկ շաբաթ ժամկետով, գործունեություն չեմ իրականացրել, նույն եղանակով հանել եմ հաշվառումից, ասացեք խնդրեմ՝ հետագա հարկային պարտավորություններից խուսափելու համար ի՞նչ գործողություններ պետք է իրականացնեմ, դեռևս 20 օրյա ժամկետի մեջ եմ։

Սավա․

Բարի օր։ Միկրոյով աշխատող ԱՁ-ն 2025, 2026 թ․ սկզբին չի ներկայացրել դիմում, ընկել է ԱԱՀ դաշտ։ 2026-ի ապրիլից դադարեցվել է գործունեությունը։ 2025, 2026 թվականների համար ի՞նչ ամսական, տարեկան հաշվետվություններ են բաց թողնվել։ Կխնդրեի նշել ձևերը։ Շնորհակալ կլինեմ։

Օֆելյա․

Ինչպե՞ս ստանամ մաքսային վիճակագրական հաշվետվության կոդերը։

Վերա․

Բարև Ձեզ։ Խնդրում եմ կասե՞ք՝ մետաղադրամով շահագործվող սուրճի սարքավորման համար ամեն ամիս վճարում ենք պետական տուրք, հայտարարությունն էլ տալիս ենք։ Տարեկան այլ հաշվետվություն կա՞ ԱՁ համար։

Լիանա․

Բարև ձեզ։ Եթե ԱՁ-ն ծավալում է արտադրական գործունեություն և ունի տեղադրած սուրճի ապարատ, հարց՝ շրջանառության հարկի դաշտում պե՞տք է ներառվի սուրճի ապարատի եկամուտը։ Եվ եկամուտներ ըստ գործունեության պե՞տք է դասակարգել 2 գործունեության։

Ուղղակի 23 տողում նշվում է սուրճի ապարատի շրջանառության գումարը և եկամուտներ ըստ գործունեության պե՞տք է դասակարգել 2 գործունեության։

Տիգրան․

Բարև Ձեզ: Ընդհանուր հարկման դաշտում գործող ԱԱՀ վճարող անհատ ձեռնարկատերը 2025թ համար վճարվելիք շահութահարկում ԱՁ-ի տարեկան սոց. վճարը և դրոշմանիշային վճարը կարո՞ղ է ծախսագրել, և եթե կարող է, այդ նվազեցումները հաշվետվության ո՞ր տողում են նշվում։

Նարինե․

Բարև Ձեզ, ունեմ 2 հարց շահութահարկի հաշվետվության հետ կապված․

1․ ԱԱՀ-ով աշխատող ՍՊԸ-ն 2024 թիվը փակել է հարկային վնասով։ Կարելի՞ է հաջորդ 5 տարիների շահութահարկի հաշվետվության մեջ 76 տողում նշել այդ գումարը և նվազեցնել վճարման ենթակա գումարը

2. 2025 թվականին ընկերության հիմնադրին վճարվել է շահաբաժին։ Արդյո՞ք հաշվետվության 80 տողը դրան վերաբերելի է

Ալլա․

Բարև բոլորին, հարգելի հաշվապահներ ջան, մի քանի հարց ունեմ։ 2025թ․ հոկտեմբերին բացել եմ ԱՁ (Wildberries – ով գործունեություն ծավալելու նպատակով), սակայն բացարձակ ոչ մի գործունեություն չեմ իրականացրել։ Բացելուց 20 օրվա ընթացքում հանձնել եմ 201 հաշվետվությունը։ Այս տարի հանձնել եմ 286՝ 0-ական հաշվետվություն, ինչպես նաև նորից 201 ձևի հաշվետվությունը։ Ամսի 17-ին հանձնել եմ նաև 240 և 244 հաշվետվությունները, իսկ վճարումը կատարել եմ ամսի 19-ին, սակայն համակարգում դեռևս 15,000-ական դրամ պարտք է ցույց տալիս։

Սա նորմա՞լ է, որ դեռ պարտք է երևում, թե՞ պետք է ինչ-որ տեղ դիմեմ։ Բացի այդ, արդյո՞ք կան այլ հաշվետվություններ, որոնք բաց եմ թողել և պետք է ներկայացնեմ, քանի որ ցանկանում եմ դադարեցնել գործունեությունս և չեմ ուզում որևէ բան կիսատ մնա։ Գործունեությունը դադարեցնելու համար ո՞ր հաշվետվությամբ պետք է անեմ, ու հստակ ինչեր լրացնեմ: Եվ ևս մեկ հարց, դադարեցնելուց հետո, այս եռամսյակի ավարտին պե՞տք է կրկին 286 հաշվետվություն ներկայացնեմ, թե՞ այլևս կարիք չկա։ Նաև՝ այս 3 ամսվա համար պե՞տք է կրկին 240 և 244 հաշվետվությունները ներկայացնել, թե՞ դա արդեն հաջորդ տարում է արվում։

Նախապես շատ-շատ շնորհակալ եմ։

Սիրանույշ․

Բարև Ձեզ։ ԱՁ աշխատում է ծրագրային ապահովման ոլորտում, արտերկրում է ծառայություն մատուցում և աշխատող չունի։ Արդյո՞ք պետք է նախարարություն հաշվետվություններ հանձնի։

Սոֆյա․

Հարգելի հաշվապահներ, ՌԴ-ից ՀՀ ներմուծման հետ կապված հայտարարությունները ներկայացնելուց հետո պարզ դաձավ, որ ներմուծման օրը սխալ եմ գրել վիճ․ հաշվետվության և ներմուծման հայտարարագրի մեջ (05.12.2025թ 07.12.2025թ-ի փոխարեն), իսկ անուղղակի հարկերի հայտարարությունը ուշացրել եմ և լրացրել 07.12.2025թ-ով։ Ի պատասխան ՊԵԿ-ից ծանուցում է եկել անուղղակի հարկի վճարման փաստի հաստատման վերաբերյալ, մերժման հիմքը՝ <<Հայտարարության և հայտարարագրի ներմուծման ամսաթվերը տարբեր են, անհասկանալի փոխարժեք>>։ ԵՏՄ գործիքների դարանում նշված է գործարքը ենթակա է ճշգրտման, սակայն ես չեմ կարող ճշգրտել հարկային հայտարարագրի օրը, ԱԱՀ-ի հաշվարկը ճշտելու համար, արդյո՞ք եթե նոր գործարք սկսեմ, դա կդիտարկվի նախորդի ճշգրտում։ Խնդրում եմ ասեք՝ ի՞նչ անել, և արդյո՞ք պարտադիր է վիճ հաշվետվությունն էլ ճշտել։ Կանխավ շնորհակալություն։

Արմեն․

Բարև ձեզ։ Տարեկան ի՞նչ հաշվետվություն պետք է ներկայացնի ՀԿ-ն։ ՀԿ կողմից դասընթացների անցկացման համար վճարված գումարները արդյո՞ք համարվում են շահույթ և ենթակա՞ են ամսական կամ տարեկան հաշվետվության մեջ ներառման, եթե ՀԿ-ն չունի գրանցված աշխատողներ, այլ գործում է կամավորների միջոցով։

Մարինե․

Բարև, հարգելի խմբակիցներ։ Մի քանի հարց ունեմ Wildberries – ի վերաբերյալ։ Իրականացնում եմ վաճառք Wildberries հարթակում։ Ստացել եմ Դետալիզացիայի հաշվետվություն, որտեղ ապրանքները ունեն 3 կարգավիճակ՝ 1) Продажа 2) Обработка 3) Логистика

Հարցս հետևյալն է ՝ Հաշիվ վավերագիր դուրս գրելուց պե՞տք է առևտրի շրջանառությունը ներառի միայն վաճառված ապրանքի գինը, այսինքն Продажа կարգավիճակով, թե՞ ամբողջովին։ Եթե այո, ապա շրջ․ հարկի հաշվետվության մեջ այն ապրանքների ծախսերը, որոնք դեռ չունեն Продажа կարգավիճակը, չե՞նք կարող ընդգրկել ծախսերի մեջ, այսինքն շրջանառությունը հաշվարկվում է տվյալ ժամանակաշրջանի համար, իսկ ծախսերը հաշվարկվում են, տեղափոխվում են հաջո՞րդ ժամանակաշրջան։

Սոֆյա․

Բարև Ձեզ։ Խնդրում եմ ասեք՝ ՌԴ-ից ներմուծում կատարելու դեպքում Z8 և Z3 ձևերը բավակա՞ն է հանձնել, թե՞ էլի հաշվետվություններ կան։ Արդյո՞ք z4 ձևը ՊԵԿ-ն է ներկայացնում, թե՞ ոչ։ Շնորհակալություն։

Նարինե․

Բարև Ձեզ։ 165 հաշվետվության մեջ ո՞ր գումարներն են արտացոլվում։

Հարգելի գործընկերներ,

2026թ. մարտի 1-ը 2025թ․ ընթացքում ֆիզիկական անձանց վճարված պասիվ եկամուտների (օրինակ՝ վարձավճար, շահաբաժին…) և եկամտային հարկի մասին տեղեկություններ ներկայացնելու վերջնաժամկետն է: Անհրաժեշտ է ներկայացնել.

165. Տեղեկություններ՝ ֆիզիկական անձանց եկամուտների և եկամտային հարկի մասին

Ռուզաննա․

Հարգելի հաշվապահներ, խնդրում եմ պատասխանել հետևյալ հարցին. Կազմակերպությունը, որն իրականացնում է ծառայությունների մատուցում, մինչև 01.07.25թ-ը աշխատել է շրջ. հարկով, իսկ 01.07.25թ-ից անցել է հարկման ընդհանուր համակարգ:

Հարց․ Շահութահարկի տարեկան հաշվարկում արդյո՞ք 1-ին բաժինը լրացնելիս պետք է արտացոլել միայն 01.07.25թ-ից հետո ստացված եկամուտներն ու կատարված ծախսերը, իսկ 8-րդ բաժինը լրացնելիս պետք է արտացոլել ակտիվների և պարտավորությունների ամբողջ տարվա շարժը՝ սկսած 01.01.25թ-ից: Եթե այո, ապա այս դեպքում հաշվարկիս 1-ին բաժնի 85 կետում ստացված հարկային վնասի և 8-րդ բաժնի 33 կետում արտացոլված հարկային վնասի գումարները տարբեր թվեր են ստացվում, դա արդյո՞ք խնդիր չէ:

Լիլ․

Բարև ձեզ։ Ուզում եմ խորհրդատվություն ստանալ հետևյալ իրավիճակի վերաբերյալ (Գեղեցկության սրահ)․

ԱՁ-ն 2024թ․ աշխատել է միկրոձեռնարկատիրության կարգով, բայց չի վճարել դրոշմանիշը, որի համար հիմա ծանուցում կա։

2025թ․ անցել է շրջանառության հարկի համակարգ և ներկայացրել է միայն 1-ին եռամսյակի հաշվետվությունը։ Ապրիլից փաստացի գործունեություն չի իրականացրել, եկամուտ չի ունեցել, բայց գործունեության դադարեցման հայտ չի տվել, և մնացած եռամսյակների հաշվետվությունները չի ներկայացրել։

Հարցերս՝
1️⃣ Եթե փաստացի եկամուտ չի եղել, արդյո՞ք պարտավոր է վճարել ֆիքսված ամսական որևէ հարկ (օրինակ՝ 5 000 դրամական շահութահարկ և սոց վճար)
2️⃣ Չներկայացված եռամսյակների դեպքում պե՞տք է հիմա ներկայացնել զրոյական հաշվետվություններ
3️⃣ Արդյո՞ք հաշվարկվելու են պարտադիր սոցվճարներ, եթե աշխատողներ չկան
4️⃣ Ո՞րն է ճիշտ քայլերի հերթականությունը հիմա՝ տուգանքները նվազագույն պահելու համար։

Կանխավ շնորհակալություն։

Նելլի․

Բարև Ձեզ։ Ֆիզիկական անձը Ռուսաստանից դեկտեմբեր ամսին սահմանված քանակից ավելի ապրանք է ներմուծել, դեռ ոչ ԵՏՄ ներմուծումն է արել, ոչ էլ որևէ հաշվետվություն ուղարկել։ Խնդրում եմ կհուշե՞ք՝ ի՞նչ հնարավոր տույժ ու տուգանք կարող է առաջանալ, և ի՞նչ հաշվետվություններ անհրաժետ կլինի ուղարկել։ Կանխավ շնորհակալություն։

Հարգելի գործընկերներ, 2026թ. փետրվարի 1-ը միկրոձեռնարկատիրության սուբյեկտի՝ 2025թ․ իրացման շրջանառության վերաբերյալ հաշվետվության ներկայացման վերջնաժամկետն է։ Պետք է հանձնել ձև N 256. “Հաշվետվություն միկրոձեռնարկատիրության սուբյեկտի իրացման շրջանառության վերաբերյալ”:

ՀՀ Հարկային օրենսգիրք, Հոդված 270. Միկրոձեռնարկատիրության սուբյեկտների կողմից հարկային հաշվարկներ ներկայացնելը․

Միկրոձեռնարկատիրության սուբյեկտ համարվող ռեզիդենտ առևտրային կազմակերպությունները և անհատ ձեռնարկատերերը (բացառությամբ բացառապես Օրենսգրքի բաղկացուցիչ մասը կազմող հավելված 3-ով սահմանված գործունեության տեսակների մասով միկրոձեռնարկատիրության սուբյեկտ համարվող անհատ ձեռնարկատերերի) մինչև հարկային տարվան հաջորդող հարկային տարվա փետրվարի 1-ը ներառյալ Օրենսգրքի 53-րդ հոդվածով սահմանված կարգով հարկային մարմին են ներկայացնում հաշվետվություն` նախորդ հարկային տարվա ընթացքում գործունեության բոլոր տեսակների մասով իրացման շրջանառության վերաբերյալ:

Լանա․

Բարև ձեզ, կարո՞ղ եք ասել՝ եթե ԱՁ-ն շրջհարկով է աշխատել 2025թ-ին, սակայն շրջանառություն չի ունեցել, սոց․ վճար և շահութահարկի հաշվետվություն պե՞տք է ուղարկել ու վճարել (երկուսը միասին 120 000դրամ)։

Հայկ․

Բարև Ձեզ, հարգելի մասնագետներ։ Շրջհարկով աշխատող ԱՁ եմ։ Առաջին անգամ Ozon-ից ստացել եմ Отчет о реализации դեկտեմբեր ամսվա համար, ունեմ միայն մեկ վաճառք։ Վաճառքի ամսաթիվը 12․12․2025թ է, գումարն էլ ռուբլիով։ Ունեմ մի քանի հարց․

1․ Այդ վաճառքի համար պե՞տք է դուրս գրեմ հաշիվ վավերագիր, և եթե այո, ապա ու՞մ անունով, և ո՞ր ամսաթվով։

2․ Ապրանքների մատակարարման վայրը և նշանակման վայրը որ՞ հասցեները պետք է գրել։

3․ Գինը հաշվել ո՞ր օրվա ռուբլու կուրսով։

4․ Բացի շրջհարկի հաշվետվությունից, որևէ այլ հաշվետվություն ներկայացնելու կարիք կա՞։

Անչափ շնորհակալ կլինեմ օգնելու համար։

Արսեն․

Բարև ձեզ։ ԱՁ-ն (1974թ-ից հետո ծնված) աշխատում է շրջանառության հարկով ՏՏ ոլորտում, չունի աշխատողներ։

1. Արդյո՞ք պետք է կատարել կենսաթոշակային կուտակային պարտադիր վճարում, և եթե այո, ի՞նչ ձևով է կատարվում հաշվարկը, արդյո՞ք կա վերին շեմ, որից հետո այլևս չի հարկվում։

2. Ձև 240 և 244 ե՞ն միայն տարեկան հաշվետվությունները: Ձև 244-ում 6-րդ և 8-րդ կետերում ի՞նչ պետք է լրացնել: