Զավեն․
Բարև ձեզ։ Ունեմ հաշվիս վրա կալանք հարկադիր մարմնի կողմից, բայց ցանկանում եմ բացել ԱՁ։ Արդյո՞ք հնարավոր է։
Tag: ֆիզ. անձ
Հակոբ․
Բարև Ձեզ։ Temu կայքից ապրանք եմ գնել, սահմանաչափերը պահպանել եմ, մի ծանրոց մաքսայինը պահել է։ Ի՞նչ հարցեր կարող են լինել։ Ճշտեմ, նոր գնամ։
Մարգարիտա․
Բարև Ձեզ, խնդրում եմ ասեք՝ ես խորհրդատվական ծառայություն եմ մատուցելու արտերկրում գործող կազմակերպությանը։ Արդյո՞ք պարտադիր է ԱՁ ունենալը, եթե ոչ, ապա որպես ֆիզ․ անձ ի՞նչ հարկեր եմ վճարելու։
Լիլիթ․
Բարև Ձեզ: Խնդրում եմ պարզաբանել հետևյալը: ԱՁ-ն իր հաշվին ստանում է գործարքներից առաջացած գումարներ, յուրաքանչյուր ամիս վճարում է ԱՁ-ի հարկերը, եռամսյակը մեկ՝ շրջանառության հարկը: Կարո՞ղ է այդ անձը ԱՁ-ի հաշվից գումարները կանխիկացնել: Եվ ի՞նչ պարտավորություններ են առաջանում, եթե չի թույլատրվում: Ինչպես նաև՝ կարո՞ղ է ԱՁ-հաշվից փոխանցի իր ֆիզիկական անձի նաշվին, նոր կանխիկացնի:
Վահան․
Բարև ձեզ, հարգելի հաշվապահներ։ Այս պահին գրանցված աշխատող եմ IT ընկերությունում։ Եթե ճիշտ եմ հասկացել՝ մյուս տարի մինչև մայիս պետք է հայտարարագիր ներկայացնեմ այս տարվա համար։ Ի՞նչ կլինի, եթե ընդհանրապես չներկայացնեմ հայտարարագիր։ Ինչ-որ տուգանք սահմանվու՞մ է։ Ու արդյո՞ք տուգանքով կլուծվի հարցը, թե՞ ոչ։
Մուշեղ․
Հարգելի փորձագետներ, խնդրում եմ օգնեք ինձ պարզաբանել հետևյալ հարցը.
Եթե անհատն իր մեքենայով ԵԱՏՄ երկրից ներմուծում է անձնական օգտագործման ապրանքներ, ապա նա պարտավո՞ր է ԱԱՀ վճարել յուրաքանչյուր ապրանքի համար, թե՞ միայն այն ապրանքների համար, որոնք գերազանցում են 2020 ԹՎԱԿԱՆԻ ՓԵՏՐՎԱՐԻ 13-Ի N 171-Ն որոշման մեջ նշված թույլատրելի սահմանը։ Կանխավ շնորհակալ եմ։
Գոռ․
Բարև Ձեզ։ Ես ֆիզիկական անձ եմ, ով եկամուտ է ստանում տոկոսներով իմ պատրաստած 3D դիզայնի մոդելի հեղինակային իրավունքից։ Կարո՞ղ է սա համարվել ռոյալթի, և որքա՞ն հարկ պետք է վճարեմ դրա համար:
Հասմիկ․
Բարև Ձեզ։ Պատվիրել եմ անձնական օգտագործման համար իր, մաքսայինը առաքանին պահել է, քանակը թույլատրվածից շատ է (իմ կարծիքով դա է խնդիր առաջացրել), ի՞նչ պետք է անեմ, որպեսզի բեռը ստանամ, և ի՞նչ վճարների հետ է կապված (բեռը 60 յուան է, փոխադրման վճարը 6 500֏)։
Posted in Այլ, Հարց ու պատասխան
Ֆիզ. անձի անունով գրանցված դոմեն
Լիլիթ․
Բարև Ձեզ։ Ֆիզիկական անձն ունի իր անունով դոմեն: Արդյո՞ք կարող է այդ դոմենը օգտագործել իր կազմակերպության համար։
Posted in Ա/Ձ, Ֆիզ. անձ, Հարկեր, տուրքեր, վճարներ, Հարց ու պատասխան
Մեքենայի վաճառք
06/09/2024 5 Comments on Մեքենայի վաճառք
Արսեն․
Բարև Ձեզ։ Որքանով որ պարզեցի՝ մեքենա վաճառելիս ձեռք բերումից 365 օր առաջ և հետո եկամտային հարկի վճարման կարգը չի գործում, պետք է առաջնորդվել ՀՕ 150 հոդվածի 9-րդ կետով՝ այսինքն 10 տոկոս եկամտային հարկ և գործում է դրամարկղային մեթոդը՝ այսինքն եթե վճարվում է մաս մաս, եկամտային հարկը նույնպես վճարվում է մասերով։ Այսպե՞ս է արդյոք, և մյուս հարցը, եթե կազմակերպությունը ֆիզիկական անձից գնել է մեքենա և առք ու վաճառքի պայմանագրում նշված է մեքենայի արժեքը պայմանական 1 մլն դրամ, ապա վաճառողին վճարվում է 909 000 դրամ, իսկ եկամտային հարկը կազմում է 91 000, թե՞ պետք է վճարվի 1 մլն, իսկ հարկը 100 000։ Շնորհակալություն։
Posted in Ա/Ձ, Ֆիզ. անձ, Այլ, Հարց ու պատասխան
Անշարժ գույքի վարձակալություն
27/08/2024 5 Comments on Անշարժ գույքի վարձակալություն
Հայկ․
Բարև Ձեզ: Խնդրում եմ օգնել հետևյալ հարցում. ֆիզ․ անձը իրեն պատկանող անշարժ գույքը տվել է վարձակալության ԱՁ-ի, կամ ՍՊԸ-ի: Եթե գործարքը կադաստրում պետական գրանցում չի ստացել, ապա այստեղ ի՞նչ անելիք ունի ֆիզ անձը: Եվ խախտումների դեպքում ինչպիսի՞ պատասխանատվության կարող է նա ենթարկվել: Շնորհակալություն։
Posted in Ա/Ձ, Ֆիզ. անձ, Հարկեր, տուրքեր, վճարներ, Հարց ու պատասխան
Անշարժ գույքի վաճառք
19/08/2024 2 Comments on Անշարժ գույքի վաճառք
Լիլիթ․
ՀՀ ռեզիդենտ ֆիզիկական անձը իր անշարժ գույքը վաճառելիս հարկ վճարու՞մ է։
Գոռ․
Բարև Ձեզ։ Ֆիզիկական անձից կազմակերպությունը գնել է ապրանք, գնման ակտով այս պարագայում տվյալ փաստաթուղթը համարվու՞մ է հիմք շահութահարկով ծախսագրման համար, և եկամտային հարկը ո՞ր կետով է հաշվարկվում։
Կարեն․
Բարև Ձեզ։ Գնալու եմ Դուբայ և հետ գալուց ցանկանում եմ ինձ հետ երկու հատ փակ տուփով Iphone բերեմ։ Կասե՞ք՝ Զվարթնոցում մաքսային ստուգման ժամանակ խնդիր կլինի՞։ Առհասարակ ըստ օրենքի ես ինձ հետ որպես ուղեկցվող բեռ քանի՞ հատ փակ և/կամ բաց տուփով Iphone կարող եմ բերել։ Եվ մեկ էլ եթե համ էլ ցանկանում եմ հետը բերեմ notebook, այդ մասով ի՞նչ խնդիր կարող է լինել։ Թե՞ ապրանքները դիտարկվում են առանձին կատեգորիաներով, և հեռախոս ունենալը notebook-ին չի խանգարում։ Կխնդրեմ՝ ով լավ տեղեկացված է, հնարավորինս մանրամասն բացատրի, որ անակնկալի չգամ։ Շնորհակալություն։
Աշոտ․
Բարև Ձեզ։ ԱԱՀ Վճարող համարվող կազմակերպությունը ՀՄ է վաճառում ֆիզ․ անձին։ Ի՞նչ հարկային պարտավորություններ են առաջանալու, և ինչպիսի՞ հաշիվ պետք է դուրս գրվի։
Posted in Ա/Ձ, Ֆիզ. անձ, Այլ, Հարց ու պատասխան
Շինության ձեռքբերում
09/08/2024 4 Comments on Շինության ձեռքբերում
Սեդա․
Բարև Ձեզ։ Ֆիզ․ անձից պետք է ձեռք բերի ՀՄ (շենք,շինություն): Հարցս հետևյալն է՝ Շինությունը ձեռք բերել ֆիզ․ անձով, թե՞ իրավաբանական անձով, ո՞ր դեպքում է ավելի ձեռնտու:
Posted in Այլ, Հարկեր, տուրքեր, վճարներ, Հարց ու պատասխան
Ավտոմեքենայի ձեռքբերում
29/07/2024 8 Comments on Ավտոմեքենայի ձեռքբերում
Սասուն․
Բարև ձեզ։ Շրջհարկով աշխատող ՍՊԸ-ն ցանկանում է ձեռք բերել մեքենա 4 000 000 դրամ արժեքով։ Ի՞նչ փաստաթղթեր են անհրաժեշտ, ի՞նչ կարգով է ձեռք բերվում իրավաբանական համարանիշը, ֆիզանձից գնելու դեպքում ինչպե՞ս է վճարվում մեքենայի գումարը, և ի՞նչ հարկային պարտավորություններ կառաջանան։
Վահագն․
Բարև Ձեզ։ ԱՁ-ն կարո՞ղ է իրեն պատկանող եվրոն կամ դոլարը արտարժույթի փոխանակման կետում փոխանակել դրամով։ Ինչու՞ է այդ հարցը իմ մոտ առաջացել, որովհետև փոխանակման կետերը անդորրագիր են տալիս միայն ֆիզ․ անձի անձնագրի տվյալներով և իրավունք չունեն անդորագրում նշել ԱՁ-ի կամ ՍՊԸ-ի տվյալներ։ (ԱՁ-ն ԱԱՀ վճարող չէ և չի օգտագործում դրամարկղի գիրք)։
Արմինե․
Ունեմ հիմնական աշխատանք, գրանցված աշխատող եմ։ Սակայն երբեմն կատարում եմ թարգմանության պատվերներ դրսից (freelance հիմունքով), տարեկան ընդամենը 1 000 USD։ Ի՞նչ քայլեր պետք է անեմ, որտե՞ղ գրանցվեմ՝ ԱՁ, թե՞ միկրոբիզնես/ինքնազբաղված։ Շնորհակալություն։
Ավետիս․
Բարև Ձեզ։ Ես գրքի հեղինակ եմ և գիրք եմ տպագրել հրատարակչության միջոցով։ Մտադիր եմ գրքերս (որպես ֆիզ․ անձ) վաճառել գրախանութների միջոցով։ Ինչպիսի՞ հարկեր/տուրքեր պետք է վճարեմ։
Վերջին մեկնաբանություններ