Tag: դադարեցում

Լիլ․

Բարև ձեզ։ Ուզում եմ խորհրդատվություն ստանալ հետևյալ իրավիճակի վերաբերյալ (Գեղեցկության սրահ)․

ԱՁ-ն 2024թ․ աշխատել է միկրոձեռնարկատիրության կարգով, բայց չի վճարել դրոշմանիշը, որի համար հիմա ծանուցում կա։

2025թ․ անցել է շրջանառության հարկի համակարգ և ներկայացրել է միայն 1-ին եռամսյակի հաշվետվությունը։ Ապրիլից փաստացի գործունեություն չի իրականացրել, եկամուտ չի ունեցել, բայց գործունեության դադարեցման հայտ չի տվել, և մնացած եռամսյակների հաշվետվությունները չի ներկայացրել։

Հարցերս՝
1️⃣ Եթե փաստացի եկամուտ չի եղել, արդյո՞ք պարտավոր է վճարել ֆիքսված ամսական որևէ հարկ (օրինակ՝ 5 000 դրամական շահութահարկ և սոց վճար)
2️⃣ Չներկայացված եռամսյակների դեպքում պե՞տք է հիմա ներկայացնել զրոյական հաշվետվություններ
3️⃣ Արդյո՞ք հաշվարկվելու են պարտադիր սոցվճարներ, եթե աշխատողներ չկան
4️⃣ Ո՞րն է ճիշտ քայլերի հերթականությունը հիմա՝ տուգանքները նվազագույն պահելու համար։

Կանխավ շնորհակալություն։

Levon.

Քանի որ ընկերությունը գրանցումից հետո չէր կարող անմիջապես սկսել գործունեությունը, մենք ժամանակավորապես սառեցրեցինք գործունեությունը. անցել է մոտ 1.5 տարի։ Վերջերս մենք ստիպված էինք վճարել տրանսպորտային ընկերությանը սարքավորումների մատակարարման համար։ Այս բանկային փոխանցումը կարո՞ղ է հանգեցնել հարկային մարմինների կողմից տուգանքի։

Անահիտ․

Ա/Ձ-ն բացվել է այսօր, և ուզում եմ փակել, դեռ էլեկտրոնային հարթակում լիազոր չեմ բացել և ոչ մի հաշվառում չեմ անցել, բացի պետական գրանցումը, եթե հիմա հաշվառումից հանեմ, որևէ այլ գործողություն կա՞ կատարելու։

Սվետլանա Սարգսյան․

Բարև Ձեզ, խնդրում եմ օգնել։ Շրջ. հարկով աշխատող ՍՊԸ-ն գտնվում է ժամանակավոր դադարում հոկտեմբեր ամսից։ Մինչև փետրվարի 20-ը պիտի՞լրացնի 201 ձև և նորից 207-ը, քանի որ չգիտի, թե երբ է վերսկսելու։ Թե՞ միայն 201 ձևը։ Շնորհակալ եմ։

Մհեր․

Բարև ձեզ։ Անշարժ գույքի վարձակալության պայմանագրի վերջնաժամկետ օրը լրանալուց հետո չենք շարունակում վարձաակալության տալ, և ընդհանրապես գույքը վարձակալությամբ էլ չի շահագործվելու։ Նախորդ տարիների ընթացքում ՝ պայմանագրի գործողության ժամանակ հարկային վճարումները կատարվել են։ Հարց՝ գործունեությունը դադարեցնելու համար տարածքի սեփականատերը (ֆիզ. անձ ՀՎՀՀ-ով) ինչ-որ գործողություն ունի՞ անելու հարկայինում գործունեությունը կասեցնելու համար, եթե այո, ապա ի՞նչ է պետք անել։

Հասմիկ․

Բարև Ձեզ, հարգելի հաշվապահներ։ Եթե ԱՁ-ն գործունեությունը դեկտեմբեր ամսով դադարեցրել է, պե՞տք է արդյոք 2026 թվականին ներկայացնի “201. Շրջանառության հարկ վճարող համարվելու վերաբերյալ հայտարարություն” ձևը։

Անահիտ․

Բարև ՁԵզ: Եթե Ա/Ձ-ն գործունեությունը դադարեցրել է ժամանակավոր՝ 207 հաշվետվությամբ, դադարեցված ամիսների համար պե՞տք է վճարի ամսական 10 000 (5 000 սոց. վճար, 5 000 շահութահարկ)։

Լուսինե․

Բարև Ձեզ։ Եթե շրջ. հարկով աշխատող ԱՁ-ն 2025թ. 0-ական է, հունվարին 0 է եղել և դադարեցվել է: Նաև 1-ին եռամսյակը 0-ական է, հաշվետվությունը հանձնվել է: 2025թ-ի համար ունի՞ դրոշմանիշային վճար վճարելու։

Վարդինե․

Բարև բոլորին։
Հարգելի խմբակիցներ, խնդրում եմ, ովքեր ունեցել են նմանատիպ դեպք, օգնեն ինձ․
շրջանառության հարկով աշխատող ԱՁ գործունեությունը դադարեցրել ենք և բացել ՍՊԸ։ ԱԱՀ-ով պետք է աշխատի, մնացորդները ինչպե՞ս պետք է ՍՊԸ-ն ձեռք բերի ԱՁ-ից, մեկ անձից գնման ակտո՞վ, տնօրենը նույն անձն է, նախկին ԱՁ-ն։
Խնդրում եմ պատասխանել։

Տաթև․

Բարև Ձեզ, հարգելի հաշվապահներ կարո՞ղ եք ասել` ՓԲԸ-ի գործունեության դադարեցումը որևէ հատուկ կարգ ունի, թե՞ աշխատակիցներին ազատելը և դադարեցման մասին դիմում ներկայացնելը բավական է։

Հասմիկ․

Բարև ձեզ, հարցս այսպիսին է։ Գրանցված աշխատողը, ով նաև ունի Ա/Ձ, հունվարին գնում է ֆիզ․ արձակուրդ, այս դեպքում ինչպե՞ս են հաշվում մայրության նպաստը։ Ա/Ձ -ի գործունեությունը պե՞տք է դադարեցնել ֆիզ արձակուրդում լինելու ընթացքում։

Վիկա․

Բարև Ձեզ։ ՍՊԸ–ն պետք է անժամկետ դադար տրվի, ունի տնօրեն և մեկ աշխատող։ Երկուսին էլ պետք է ազատեմ, վճարեմ վերջնահաշվարկ (չօգտագործված արձակուրդային օրերի համար)։ Իսկ արձակման նպաստ վճարվելու՞ է։

Անի․

Խնդրեմ կասե՞ք՝ եթե կազմակերպության վերաբացումից հետո 201 (շրջհարկի) հայտարարություն ես տալիս, հայտարարության ամսաթիվը ո՞րն ենք ընտրում, ԱՁ-ի վերաբացմա՞ն օրը։

Վահագն․

Բարև ձեզ։ Ես գրանցվել եմ որպես ԱՁ, սակայն ոչինչ չեմ իրականացրել։ Եթե ԱՁ փակեմ, ինչ-որ գումարներ պե՞տք է վճարեմ։

Գարիկ․

Բարև Ձեզ։ Եթե ՍՊԸ հիմնադիրը ԱՁ է գրանցում մեկ այլ գործունեությամբ զբաղվելու համար, բայց ՍՊԸ-ն ժամանակավորապես դադարեցված է, ապա նույն հարկային դաշտում է հարկվելու՞ և համարվելու՞ է փոխկապակցված։ Շնորհակալություն։

Կիմա․

Բարև ձեզ։ Կարո՞ղ եմ խնդրել օգնել հասկանալ․ ՀԿ գործունեության դադարեցման դեպքում հարկային ստուգում պարտադիր կերպով իրականացնելու՞ են, թե՞ պարտադիր պայման չէ և կարող է առանց դրա էլ փակվել։ Եթե իրականացվում է, ի՞նչ խորությամբ ստուգման մասին է խոսք, ի՞նչ է իրենից ենթադրում։

Սոֆյա․

Բարև Ձեզ։ Հարգելի հաշվապահներ, ԱԱՀ-ի դաշտում գտնվող ԱՁ-ն 2024թ-ին գործունեության ժամանակավոր դադար է տվել։ Պե՞տք է արդյոք 2025թ-ի մինչև ապրիլի 20-ը ներկայացնի 240 և 244 ձևերը, և եթե շահույթ չի ունեցել, պարզապես իրեն ծառայություններ են մատուցել, որի համար կատարվել են վճարումներ, ի՞նչ հաշվետվություն պետք է ներկայացնի։ Կանխավ շնորհակալություն։

Անուշ․

Բարև ձեզ։ Եթե ես ունեմ ժամանակավորապես դադարեցված ԱՁ, ի՞նչ փաստաթղթեր է անհրաժեշտ մայրության նպաստ ձևակերպելու համար։ Եվ ի՞նչ ժամանակահատվածում է նստում գումարը։

Անի․

Բարև ձեզ։ ԱՁ-ն, որը աշխատում է ԱԱՀ-ով (պատահական է հայտնվել հարկման ընդհանուր համակարգում, քանի որ շրջ․ հարկի հայտարարության ժամկետը բաց է թողնվել) մտադրություն ունի կասեցնելու գործունեությունը՝ ՍՊԸ գրանցելու և նույն գործունեությունը շարունակելու նպատակով: ԱՁ-ն ունի որոշ սարքավորումներ, որոնք պետք է տեղափոխվեն ՍՊԸ, բացի այդ կա տարածք, որը ԱՁ-ի սեփականությունն է: Արդյո՞ք հնարավոր է անհատույց օգտագործման պայմանագրով տարածքը տրամադրել ՍՊԸ-ին, և արդյո՞ք որևէ հարկ կառաջանա։ Սարքավորումների տեղափոխման հետ կապված կհուշեք տարբերակներ՝ առավել նպաստավոր հարկային տեսանկյունից: Կանխավ շնորհակալ եմ:

Գասպար․

Բարև Ձեզ: ԱՁ-ն խանութը փակելու հետ կապված, խանութի ապրանքը հնարավո՞ր է տեղափոխել/վաճառք ձևակերպել այլ խանութ։

Նիկ․

Բարև ձեզ, ԱՁ-ի գործունեությունը անժամկետ դադարեցվել է 2023 թվականին, 2024-ին հանձնվել է 2023-ի հաշվետվությունները, 2024-ին ողջ տարի դադարեցված է եղել։ Արդյո՞ք 2025-ին պետք է 2024-ի համար որևից է հաշվետվություն տրվի, թեկուզև դադարեցված է եղել ողջ տարին։ Շնորհակալությու՛ն։

Լևոն․

Բարև ձեզ, սիրելի հաշվապահներ։ ՍՊԸ-ն կատարում է տպագրական աշխատանքներ (օֆսեթ տպարան է): 4 տարի գործունեության ժամանակավոր դադարից հետո ուզում եմ վերսկսել աշխատանքը: Կատարում եմ ա) գրքերի, բուկլետների, պլակատների և այլն օֆսեթ տպագրական աշխատանքներ պատվիրատուների պատվերով բ) և մեր նախաձեռնությամբ տպագրած նյութերի (գրքեր, օրացույցներ, բուլկլետներ) վաճառք հուշանվերների խանութներին և այլ կազմակերպությունների (տուրիստական և այլն): Վաճառքը կատարում եմ անմիջապես և ոչ թե գործակալական պայմանագրով:

Հարց 1. Կարո՞ղ եմ արդյոք աշխատել միկրոձեռնարկատիրական համակարգում:

Հարց 2. Պատվերով արտադրած տպագիր ապրանքը գնորդին առաքելուց պե՞տք է ԱՊՐԱՆՔՆԵՐԻ ՄԱՏԱԿԱՐԱՐՄԱՆ ՀԱՇԻՎ ՎԱՎԵՐԱԳԻՐ դուրս գրեմ, թե՞ ԱՇԽԱՏԱՆՔՆԵՐԻ ԿԱՏԱՐՄԱՆ ՎԱՎԵՐԱԳԻՐ, արդյոք տարբերություն կա՞: Երկրորդ դեպքում քանի որ առաքման նշանակման վայրը չեմ կարող նշել (այդպիսի տեղ չկա ԱՇԽԱՏԱՆՔՆԵՐԻ ԿԱՏԱՐՄԱՆ ՎԱՎԵՐԱԳՐՈՒՄ) երևի պետք է նաև ԱՊՐԱՆՔԻ ՏԵՂԱՓՈԽՈՒԹՅԱՆ ԲԵՌՆԱԳԻՐ գրե՞լ:

Հարգանքներով Լևոն:

Գրիգոր․

Բարև Ձեզ։ Չէի՞ք հուշի՝ ՀԿ գործունեությունը դադարեցնելու քայլերի հաջորդականությունը որն է, ու ժողովի որոշման օրինակ կարո՞ղ եք տրամադրել, որով լուծարվում է կառույցը։

Տաթև․

Բարև ձեզ, հարգելիներս։ Եթե շրջ. հարկով աշխատող Ա/Ձ-ն (աշխատող չունի, ծառայությունների մատուցում է կատարում) 2 ամիս շրջանառություն չունի, ապա անհրաժե՞շտ է ամսական շահութահարկի և սոց․ վճարի 5000-ական վճարումները կատարել:

Մարիամ․

Հարգելի հաշվապահներ, կխնդրեմ օգնեք պարզեմ, արդյո՞ք ԱՁ-ն ներկայացնում է ԱԱՀ-ի զրոյական հաշվետվություն: ԱՁ- բացվել է 2019թ, հարկման դաշտ չի ընտրվել, գործունեություն չի ծավալել և դադարեցման դիմում է տրվել 2 ամսից: 2024-ի սեպտեմբերից վերսկսման դիմում է տվել, կրկին առանց հարկային դաշտ ընտրելու: Ստացվում է,որ մեխանիկորեն անցել է ԱԱՀ-ի հարկման դաշտ, կրկին գործունեություն չի ծավալել 2024թ: Արդյո՞ք պետք է լրացվի թեկուզ և ուշացումով ԱԱՀ-ի 0-ական հաշվետվություն: Ասեմ,որ հաշվետվություն չի լինում լրացնել, հարկման բազան 0 գրելիս, գրվում է «Դաշտը սխալ է լրացված»: Նախապես շնորհակալ եմ արձագանքների համար։

Վահե․

Բարև Ձեզ։ ԱՁ-ն բացվել է 01.01.2024-ին (Գործունեության ոլորտ – 62.01.0) : 17.05.2024-ին ուղարկվել է (207. Հայտարարություն` հարկ վճարողի գործունեությունը որևէ օրվանից անորոշ կամ որոշակի ժամկետով դադարեցնելու և գործունեությունը վերսկսելու մասին) դիմում, որի համաձայն, անորոշ ժամանակով դադարեցվել է գործունեությունը: 1-ին և 2-րդ եռամսյակների (232 Շրջանառության հարկի) – հաշվետվությունները տրված են:

Հարց 1. Կհուշե՞ք տարեկան հաշվետվության որ ձևը կամ ձևերը պետք է լրացնեմ հիմա (ի՞նչ լրացնեմ, երբևիցե չեմ արել)

Հարց 2. Եթե կա ակնկալիք, 2025-ի ընթացում վերսկսել գործունեությունը, Շրջհարկով հարկվելու մասին դիմում պետք է հիմա՞ լրացնեմ (անկախ նրանից, որ ԱՁ-ն կասեցված է տվյալ պահին) , թե՞ ԱՁ գործունեությունը վերսկսելուց հետո պետք է ուղարկել Շրջհարկով հարկվելու (201 դիմումը):

Հարց 3. Եթե իրավաբանական բանկային հաշիվը փակված է և այլևս գոյություն չունի, որպեսզի փոխանցում անեմ միասնական հաշվին – կարո՞ղ եմ ուղակի ՀՎՀՀ-ով ցանկացած անձնական հաշվից փոխանցել միասնականին, կամ ինչպե՞ս վարվել նման դեպքում, որպեսզի տարեկան հաշվետվության ներկայացումից հետո ձևավորված պարտքը (սոց , դրոշմանիշ) մարվի միասնական հաշվից:

Կանխավ շնորհակալ եմ բոլորից, հստակ խատասխանների համար:

Աննա․

Բարև Ձեզ։ Հարցս այսպիսին է․ ՍՊԸ-ն ընդհանրապես գործունեություն չի իրականացրել, չի ստացել հաշիվներ, դուրս չի գրել: Եվ զուգահեռ հիմանդիրն ունի Ա/Ձ-ը, որը նույնպես գործունեություն չի իրականացրել, միայն ունի ստացված հաշիվներ՝ ինտերնետ ծառայությունների։

Հարց 1․ Կարո՞ղ եմ ՍՊԸ-ի գործունեությունը դադարեցնել և 2025-ից աշխատել Ա/Ձ-ով շրջ․ հարկի դաշտում։

Հարց 2․ Արդյո՞ք քանի որ ՍՊԸ-ն գրանցել է 2020թ-ին, պետք է նրա համար 0-ական հաշվետվություններ ներկայացնել։ Եվ Ա/Ձ-ի մասով նույնպե՞ս անհրաժեշտ է ներկայացնել հաշվետվություններ (կային ստացված հաշիվներ), թե՞ կարող եմ տալ շրջանառության հարկ վճարող համարվելու մասին հայտարարություն և սկսեմ գործունեությունս։

Անչափ շնորհակալ կլինեմ արձագանքելու համար։

Հեմա․

Բարև Ձեզ։ Ինձ հետաքրքրում է երկար ժամանակ գործունեությունը դադարեցրած ՍՊԸ-ի լուծարման կարգը։

Արամ․

Բարև Ձեզ։ ՍՊԸ դադարեցման փուլում է, գրանցվել է, բայց գործնեություն չի ծավալել։ Հիմա ԵԱՏՄ սարքավորում պետք է ձեռք բերի գործնեության թեստավորման համար, կառաջանա՞ արդյոք 20 ԱԱՀ վճարելու պահանջ։

Տիգրան․

Բարև ձեզ։ Ֆիզ․ անձը ՀՎՀՀ-ով տարածք է տվել վարձակալության պայմանագրով ԱՁ-ին և պայմանագրի ժամկետը լրանալուն պես դադարեցնում է գործարքը: Հարկը վճարել է ԱՁ-ի հաշվապահը։ Ի՞նչ է պետք ներայացնել հարկային մարմին գործարքը դադարեցնելու համար։