Tag: դասակարգիչ

Տաթև․

Բարև Ձեզ, ես Տաթևն եմ։ Ունեմ հաշվապահական բազային գիտելիքներ ու պետք է ընկերուհուս արտելի հաշվապահությունը վարեմ։ Հաշվառումից հանած ԱՁ-ն կրկին հաշվառել եմ, ՏԳՏ դասակարգիչը՝ 95․29․0 ՝ ճի՞շտ է սա։ Այժմ պետք է՝ ներկայացնեմ միկրոձեռնարկատիրության սուբյեկտ համարվելու վերաբերյալ հայտարարություն որպես ԱՁ, կամ որպես ԱՁ չհանդիսացող ֆիզիկական անձ։

Հարցս հետևյալն է․ 1-ինի դեպքում առանց ՀԴՄ կարո՞ղ է աշխատել արտելը, թե ոչ, իսկ եթե այո, ապա ի՞նչ պետք է անել։ Իսկ 2-րդի դեպքում, տեղյակ եմ Արտոնագրի մասին, դա ինչպե՞ս ունենալ։ Խնդրում եմ նաև վճարումների մասով օգնել։ Տեղյակ եմ միայն տարեկան 12 000 դրոշմանիշային վճարի մասով միայն։ Կանխավ շնորհակալ եմ։

Արթուր․

Բարև ձեզ, մի հարց ունեմ․ ԱՁ-ն աշխատում է շրջ․ հարկով։ Պետք է իրականացնի առցանց վաճառք կայքից կցված է էլեկտրոնային ՀԴՄ և վճարում քարտով։ Մատուցում է 3D տպիչով տպագրված ապրանքների առցանց վաճառք։ Կարո՞ղ եք նշել էլեկտրոնային ՀԴՄ-ի վրա ի՞նչ ԱՏԳ կոդ պետք նշեմ, նախապես շնորհակալ եմ։

Մարիա․

Բարև Ձեզ, կասե՞ք Wildberries ստացման կետի տնտեսական գործունեության դասակարգիչը ըստ ՀՀ էկոնոմիկայի նախարարության, որպեսզի կարողանա գործունեությունը շարունակել միկրոձեռնարկատիրության շրջանակներում: Նախապես շնորհակալություն:

Վիկտոր․

Բարև Ձեզ։ Բջջային հավելվածների հրատարակության համար (Apple Store, Google Play) ո՞ր դասակարգիչը պիտի նշվի։ Այսինքն՝ եկամուտը ձևավորվում է օգտատերերի կողմից՝ հրատարակված հավելվածներին բաժանորդագրություններից։ Համապատասխան դասակարգիչը չգտա, հաշվարկներում նշել եմ՝ J62.01 Ծրագրային ապահովման մշակում

1․ Ճի՞շտ եմ նշել, թե ավելի լավ է փոխել J58.29.0 Այլ համակարգչային ծրագրերի հրատարակություն։ Սա մոտ է, բայց “համակարգչային ծրագիր” և “հեռախոսային հավելված” մի քիչ տարբեր բաներ են։ Կամ միգուցե այլ տարբերակ կառաջարկեք։

2․ Ամեն դեպքում դա էական նշանակություն ունի՞։ Երկու դասակարգիչներն էլ շրջանառության հարկով են։ Արժե՞ փոխել։

Արմեն.

Բարև ձեզ։ Կասե՞ք՝ Glovo կամ Yandex հարթակներում աշխատելու դեպքում որպես ԱՁ ի՞նչ հարկեր պետք է վճարվեն, ինչպես նաև ի՞նչ տեսակի բանկային հաշիվ է անհրաժեշտ բացել։ Նաև խնդրում եմ նշել գործունեության դասակարգիչը:

Մերի․

Բարև ձեզ, խնդրում եմ ասեք՝ Wildberries վաճառողի տնտեսական գործունեության դասակարգիչը ո՞րն է։

Լիլիթ․

Բարև ձեզ։ ԱՁ-ն իրականացնում է պոլիէթիլենային խողովակների զոդման աշխատանքներ։ Խնդրում եմ օգնեք ճիշտ դասակարգչի ընտրության հարցում և հուշեք, թե կարո՞ղ է արդյոք միկրո հարկման համակարգում աշխատել։ Նախապես շնորհակալ եմ։

Աննա․

Բարև ձեզ։ Կասե՞ք՝ ԱՏԳ ԱԱ ծածկագրերը պարտադի՞ր է ՀԴՄ ցանկի մեջ նշել։

Գայա․

Բարև ձեզ, հարգելի հաշվապահներ։ Մի հարց ունեմ՝ եթե օնլայն վաճառքներ եմ կատարում և ապրանքս վերավաճառում եմ, իսկ ես շրջանառության հարկ վճարող եմ, հարցս հետևյալն է՝ ինչպե՞ս և որտե՞ղ պետք է նշվի ապրանքի ԱՏԳԱԱ կոդը։

Բարև ձեզ։ Եթե կազմակերպությունը նախորդ տարվա արդյունքներով չի անցել 24 մլնի շեմը, և ՀԴՄ այս պահին անվանացանկով չէ։ 2026թ․ տպվող ՀԴՄ կտրոնի վրա արդյո՞ք պիտի արտացոլվի ԱՏԳ ԱԱ կոդերը։

Նիկա․

Բարև Ձեզ։ Շնորհավոր Ամանոր և Սուրբ Ծնունդ։ Եթե ԱՁ-ն զբաղվում է վարձույթով, տվյալ դեպքում գործունեության տեսակը ի՞նչ է պետք նշել։ Ցանկում վարձույթ չկա։

Ալբերտ․

Բարև Ձեզ, հաշվապահներ ջան, մեկ հարց ունեմ․ հագուստի և կոշիկի խանութ սրահ է, 2025 թվականին անցել է 24 միլիոն շրջանառությունը, և հունվարի 1-ից պետք է անցնեմ անվանացանկի, բայց ունեմ այսպիսի խնդիր՝ ես խանութում ունեմ օրինակ կանացի մայկաներ, որ այդ ապրանքներին չունեմ ձեռքբերման փասթաթուղթ, այդ դեպքում ի՞նչ է լինում և ի՞նչ է նշանակում, եթե ապրանքի ձեռքբերման փասթաթուղթ ունես, ապա հարկերդ կլինի ցածր, եթե չունես՝ կլինի բարձր։ Շնորհակալություն։

Սոնա․

Բարև ՁԵզ։ Մեր կազմակերպությունն ունի ՎԵԲ կայք, որը գրանցված է ՌԴ ինտերնետային տիրույթում։ Պատրաստում ենք մասնագիտական վիդեոդասընթացներ և կայքի միջոցով վաճառում ենք առցանց դասընթացներին մուտք գործելու հնարավորություն։ Կայքում առկա է Հրապարակային առաջարկի պայմանագիր տեղեկատվական և ուսումնական ծառայությունների մատուցման և ծառայության պարբերաբար երկարաձգման (բաժանաորդագրության) վերաբերյալ։ Առաջանում են մի շարք հարցեր․

1․ Ինչպե՞ս որոշենք մեր գործունեության կարգավիճակը, այն համարվում է ծառայություն, արտադրություն, թե՞ վաճառք

2․ Արդյո՞ք այն կհամարվի գործունեություն ՏՏ ոլորտում

3․ Տնտեսական գործունեության ո՞ր դասակարգիչը կհամապատասխանի դրան

4․ Եթե կայքը գտնվում է ռուսական ինտերնետային տիրույթում, իսկ կայքի սեփականատերը ՀՀ ռեզիդենտ կազմակերպությունն է, որը հանդիսանում է Հրապարակային առաջարկի համաձայնագրի կատարող կողմ, ապա որտե՞ղ է համարվում եկամուտը ստացված

5․ Հրապարակային առաջարկի պայմանագիրը ո՞ր երկրի օրենսդրության համաձայն պիտի կնքվի

Գևորգ․

Հարգելի հաշվապահներ, ֆիզիկական անձը ֆրիլանս ձևաչափով և առանց պայմանագրի իրականացնում է հանակարգչային ծրագրերի թեստավորում (crowdtesting) արտասահմանյան ընկերության համար և ցանկանում է գրանցվել որպես ինքնազբաղված ֆիզիկական անձ։

1. Կարո՞ղ է հարկային հաշվետվությունները և վճարումները ներկայացնել տարեկան կարգով։

2. Պարտադի՞ր է Invoice դուրս գրել, եթե եկամուտը ստացվում է Payoneer-ի միջոցով։

3. Ո՞ր տնտեսական գործունեության կոդով է ճիշտ գրանցվել՝ 62.02 կամ 62.09, թե՞ այլ։

Կանխավ շնորհակալություն։

Նաիրա․

Բարև Ձեզ, կոլեգաներ ջան, կասե՞ք, թե որ օրենքով է սահմանվում, թե հաշվարկներում ինչ կարգով պետք է լրացվեն տնտեսական գործունեության դասակարգիչները, դրանց սխալ լինելու դեպքում կարո՞ղ է ուղղում կատարվել, թե՞ ոչ։

Սուրեն․

Հարգելի հաշվապահներ, Ա/Ձ-ն զբաղվել է այլ գործունեությամբ, որից հետո դադարել է գործունեություն իրականացնել 2023 թվականին: Այժմ ցանկանում է զբաղվել ավտոպահեստամասերի վաճառքով: Խնդրում եմ ասել՝ ինչպե՞ս պետք է գործունեության տեսակը փոխվի և ի՞նչ տնտեսական գործունեության տեսակ պետք է նշվի։

Լիդա․

Բարև ձեզ։ ԱՁ ցանկանում է զբաղվել տան իրերի ճիշտ դասավորվածության, ինտերիերի ճիշտ կազմակերպման վերաբերյալ հոլովակների արտադրությամբ և վաճառքով։ Հոլովակների վաճառքը իրականացվելու է սոց․ հարթակներով։ Ինչպես հասկանում եմ՝ դասակարգիչը լինելու է 59.11.0: Բայց չգիտեմ՝ դա միկրոյով աշխատելու վերաբերյալ կետերից որևէ մեկին հակասում է, թե՞ ոչ։ Խնդրում եմ ասել, թե որպես ինչ աշխատանք է այս գործունեությունը դիտարկվում, և հնարավոր է միկրոյով աշխատել, թե ոչ։ Կանխավ շնորհակալություն։

Սոֆյա․

Բարև Ձեզ։ Հարգելի հաշվապահներ, կազմակերպությունը ՍՊԸ է և աշխատում է շրջհարկով։ Գործունեությունը՝ օտար լեզվի դասեր և փայտե իրերի արտադրություն։ Հարցը հետևյալն է ․ Կարելի՞ է արդյոք ՍՊԸ-ի անվան տակ այլ դասակարգիչով գործունեություն ծավալել (ֆեյսբուքյան էջում գովազների տեղադրում վճարովի հիմունքներով), և ձևավորված վճարը ուղարկել ՍՊԸ-ի հաշվեհամարին։ Եթե այո, ի՞նչ դասակարգիչ է, որքա՞ն է հարկվելու, ինչպե՞ս պետք է հաշվապահորեն ցույց տալ այս հաշիվների մուտքը հաշվեհամարին, եթե անկանխիկով պետք է աշխատենք, և կա՞ արդյոք օրենսդրական որոշում օնլայն գործունեության վերաբերյալ։ Շնորհակալություն։

Գոռ․

Բարև Ձեզ,
Հարգելի հաշվապահներ, ինձ անհրաժեշտ է բացել ԱՁ Youtube adsense-ից վաստակած գումարը օրինական կերպով ստանալու և հարկ վճարելու համար։
Ի՞նչ դասակարգիչ է պետք կիրառել այս պարագայում։
Շնորհակալություն։

Վարդան․

Բարև Ձեզ։ Ժամանակին ԱՁ-ն զբաղվել է Ավտոմեքենաների մասերի և պարագաների մանրածախ առևտրով։ Այժմ ցանկանում է ՏՏ գործունեությամբ զբաղվել՝ օգտվելով 1% շրջհարկի ռեժիմից (J62.02.1 – Էլեկտրոնային համակարգերի նախագծում, թեստավորում և մշակում)։ Խնդրում եմ հուշել՝ արդյո՞ք պետք է ԱՁ-ի գործունեության ոլորտի փոփոխության համար որևէ գործողություն անել, թե՞ դա ինքնաշխատ է տեղի ունենում, երբ ներկայացվի եռամսյակային շրջհարկի հաշվետվություն և ներքևում նշվի եկամուտների 100% ՏՏ գործունեության ոլորտի համապատասխան դասակարգիչը։ Շնորհակալություն։

Լուսինե․

Բարև Ձեզ։ Խնդրում եմ նշել՝ եթե բանջարեղենի խանութը շրջհարկի հայտը չի տվել ու ԱԱՀ դաշտ է ընկել, ու 24 մլն շեմը չի անցնում, ՀԴՄ-ն անվանացանկո՞վ պիտի լինի պարտադիր:

Նունե․

Հարգելի կոլեգաներ, ճի՞շտ եմ հասկանում, որ 2024թ-ին այլ գործունեությամբ զբաղվող ԱՁ-ն (միկրո), եթե 2025թ-ին ՏՏ ոլորտում ցանկանա աշխատել, 1 տոկոս արտոնությունից չի օգտվի այս հիմքով.

1) Հայաստանի Հանրապետության հարկային օրենսգրքի 123-րդ հոդվածի 2-րդ մասի 2-րդ կետով և նույն մասի երկրորդ պարբերությամբ սահմանված նվազեցումները 2024 թվականի հունվարի 1-ից ծագած հարաբերությունների վրա կիրառելու դեպքում պետական աջակցության համար դիմող տնտեսավարող սուբյեկտները տնտեսական գործունեության դասակարգիչների մասով չպետք է փոփոխություն կատարած լինեն առնվազն 2024 թվականի հուլիս-դեկտեմբեր ամիսների հարկային մարմնին տրամադրվող իրենց հաշվետվություններում:

2) 2025 թվականի հունվարի 1-ից սկսած՝ պետական աջակցության հայցվող ժամանակաշրջանում, պետական աջակցության համար դիմող տնտեսավարող սուբյեկտները տնտեսական գործունեության դասակարգիչների մասով չպետք է փոփոխություն կատարած լինեն հարկային մարմնին տրամադրվող իրենց հաշվետվություններում:

2024թ. այլ գործունեությամբ եմ աշխատել, այժմ ցանկանում եմ ՏՏ ոլորտում գործունեություն ծավալել, կարո՞ղ եմ 2025թ-ին օգտվել 1 տոկոս արտոնությունից։

Վարդուհի․

Բարև ձեզ։ Ջերմա և ձայնամեկուսացման աշխատանքներ կատարող ԱՁ-ն կարո՞ղ է համարվել միկրոձեռնարկատիրության սուբյեկտ, հաշիվներ է գրելու ֆիզ․ անձանց։ Խնդրում եմ նշել նաև տնտեսական գործունեության դասակարգիչը։

Ջուլիա․

Բարև ձեզ, հարգելի հաշվապահներ։ Նորաբաց ԱՁ-ն գործելու է որպես ավտոպահեստամասերի խանութ, շրջհարկի դաշտում, կխնդրեի նշել՝ ո՞ր ապրանքները պետք է ՀԴՄ կտրոնի վրա ունենան ԱՏԳԱԱ կոդեր, որպեսզի չլինի օրենքի խախտում։

Օլգա․

Բարև Ձեզ։ Խնդրում եմ օգնել, մի քանի հարցերին պատասխանել: Պետք է ԱՁ բացեմ և մատուցեմ հոգեբանական խորհրդատվություն:

1․ Ի՞նչ կոդ պետք է ընտրել ծառայությունների դասակարգչում, քանի որ ես հոգեբույժ/հոգեթերապևտ չեմ:

2․ Հաշիվ դուրս գրելու ժամանակ ինչպե՞ս նշեմ ծառայությունների տեսակը, որպեսզի խնդիր չառաջանա:

Շնորհակալ կլինեմ օգնության համար:

Բարև Ձեզ։ Սիրելի մասնագետներ, կխնդրեի օգնել ճիշտ ընտրել աուդիոձայնագրություններ մատուցող ԱՁ-ի դասակարգիչը, ես ուզում եմ գրել R90030, և արդյո՞ք այս ոլորտը կարող է միկրոյի դաշտում աշխատել։

Արմենուհի․

Բարև Ձեզ: Խնդրում եմ ասել՝ ո՞րն է ավտոտեխսպասարկման դասակարգիչը: Նաև նշել, թե որտեղից կարող եմ գտնել դասակարգիչները:

Աննա․

Ողջույն բոլորին։ Աշխատում եմ ԱՁ-ով, զբաղվում եմ Work and Travel ծրագրի կազմակերպմամբ։ Ծրագրի մասնակիցները վճարում են ինձ, իսկ ես կազմակերպում եմ թղթաբանական բոլոր աշխատանքները արտերկրում աշխատանքի տեղավորման և վիզայի ստացման համար: Որտե՞ղ կարող եմ տեղեկանալ՝ արդյո՞ք շարունակելու եմ աշխատել որպես միկրոձեռնարկատիրություն, թե՞ նոր օրենքով փոխվում է։

Հ.Գ տարեկան ֆինանսական շահույթն անգամ մոտ չի լինում միկրոյի շեմին: Նշեմ, որ դասակարգիչը նշված է N81.10.1, որը նույնպես սխալ է, ըստ դասակարգիչների ըստ իս ավելի համապատասխան է N78.1 -ը կամ S96.09- ը, խնդրում եմ ասեք նաև՝ ինչպե՞ս փոխել դա։

Կանխավ շնորհակալություն։

Մարի․

Ողջունում եմ, հարգելի հաշվապահներ։ Խնդրում եմ ասեք՝ որտե՞ղ կարող եմ նայել միկրոձեռնակատիրության վրա տարածվող դասակարգիչները։ Այսինքն՝ ուզում եմ իմանալ ձեռնարկատիրության այն տեսակները, որոնք մտնում են միկրոյի մեջ ու չեն հարկվում։ Կանխավ շնորհակալ եմ։

Հասմիկ․

Ողջույն, հարգելի կոլեգաներ։ Թարգմանչությամբ զբաղվող ԱՁ-ն նաև տերմինալ է տեղադրել այն տարածքում, որտեղ իրականացնում է թարգմանչական գործունեությունը, տերմինալը անհատույց է իրեն տրվել, տարածքը իր անունով չի։ Խնդրում եմ ուղղորդել՝ ի՞նչ հարկատեսակով է հարկվելու, տերմինալի դասակարգիչը և արդյո՞ք տարածքի և տերմինալի անհատույց վարձակալության պայմանագիր անհրաժեշտ է, որտեղ տեղադրված է տերմինալը։ Կանխավ շնորհակալ եմ։