Tag: ՀԴՄ

Նարեկ․

Հարգելի հաշվապահներ, հարցս հետևյալն է՝ կազմակերպության աշխատակիցը կազմակերպությանը պատկանող մեքենայով գործուղվել է ՌԴ, ճանապարհի և մնացած բոլոր ծախսերը կատարել է իր գրպանից, վերադառնալուց ներակայացրել է սնունդի և վառելիքի ծախսերը հիմնավորող ՀԴՄ կտրոններ։

2335-Ն որոշումը ուսումնասիրել եմ, կխնդրեմ ուղղորդել՝ ինչպե՞ս կատարեմ ծախսերի փոխհատուցումը, ի՞նչ փաստաթղթեր են անհրաժեշտ պատրաստել բացի գործուղման հրամանից։

Նշեմ նաև, որ ծախսերը կատարվել են ռուբլով, իսկ հյուրանոցի գիշերավարձը հիմնավորող փաստաթղթեր առկա չեն։

Աշոտ․

Բարև Ձեզ, եթե ԱԱՀ գումարը հաշվանցման ենթակա չէ (ՀԴՄ կտրոնով ձեռք է բերվել 30 000 դրամ արժեքով գործիք, որի 5 000-ը ԱԱՀ է), ի՞նչ ձևակերպում տալ, շնորհակալություն։

Հասմիկ․

Բարև ձեզ, կարո՞ղ է ՀԴՄ տուգանքի վճարը այլևս չի երևալու հարկային պարտավորությունների ԱՀՔ քաղվածք բաժնում, մենք չենք վճարել, բայց հիմա չի երևում, նախկինում երևում էր։

Աննա.

Բարև Ձեզ, հարգելի հաշվապահներ։ Մի հարց կխնդրեի պարզաբանել. Ա կազմակերպությունը Բ կազմակերպությանը գործակալական պայմանագրով տալիս է ապրանք վաճառի։ Գործակալը ապրանքը վաճառում է իր անունից։ Հասկանալի է, որ գործակալ հանդես եկող ընկերությունը պետք է գործի ԱԱՀ-ի դաշտում, իսկ պրինցիպալ հանդես եկող կազմակերպությունը, եթե դիմացի կողմի հետ գործակալը գործարքն անում է իր անունից (հդմ-ով վաճառք է իրականցնում, ամսվա վերջում հաշվետվությամբ ցույց տալիս վաճառքը, որի համար դուրս է գրվում հաշվարկային փաստաթուղթ)։ Արդյո՞ք ճիշտ է։

Անի.

Բարև ձեզ, հարգելի հաշվապահներ։ Խնդրում եմ օգնել հետևյալ հարցում. ՍՊԸ-ն ունի վարձակալության պայմանագիր ֆիզ. անձի հետ, պայմանագիրը պետական գրանցում չունի: Կարո՞ղ է արդյոք ՍՊԸ-ն նշված տարածքում ՀԴՄ տեղադրել : Նախապես շնորհակալ եմ։

Արմենուհի.

Բարև Ձեզ։ Խնդրում եմ ինձ օգնեք հասկանալ, եթե շրջհարկով ներկայացված հաշվետվություններում վաճառքից եկամուտը ավել է ցույց տրված ՀԴՄ-ի թվից, կարո՞ղ եմ երկու տարվա կտրվածքով ճշտում տալ և ի՞նչ տույժեր ու տուգանքներ են կիրառվում այս դեպքում: Շնորհակալություն։

Հայկ․

Բարև Ձեզ: ԱՁ-ն, որի գործունեությունը ժամանակավորապես դադարեցված է, ունի իր անունով ՀԴՄ, որը գրանցումից հանել ենք 97 Ձևով: Հիմա ցանկանում է ՀԴՄ-ն նվիրել ուրիշ ընկերության: Կարելի՞ է նվիրատվության պայմանագիր կազմել և վերջ, որևէ իրավական կամ հարկային հետևանքներ կառաջանա՞ն: Շնորհակալություն։

Վարազդատ․

Հարգելի հաշվապահներ, ՍՊԸ-ն մատուցում է գովազդային ծառայություններ, կնքում է ծառայությունների մատուցման պայմանագիր: Արդյո՞ք անհրաժեշտ է ՀԴՄ-ով աշխատել:

Ռուզաննա․

Հարգելի հաշվապահներ, ֆիզ. անձը մատուցում է հետևյալ ծառայությունները՝ բանալիների պատրաստում, կոշիկների վերանորոգում և հագուստի վերանորոգում։

1. Այս դեպքում կարո՞ղ է գործունեությունն իրականացնել որպես ֆիզ անձ՝ առանց ԱՁ գրանցելու 2. Արդյո՞ք պարտադիր է ՀԴՄ ունենալ

3. Արդյո՞ք ֆիզ անձը վճարում է տարեկան դրոշմանիշային վճար

Նաև կասե՞ք, թե որն է բանալիների պատրաստման տնտեսական գործունեության դասակարգիչը, և արդյո՞ք այդ գործունեությունը հնարավոր է իրականացնել որպես ֆիզ անձ (առանց ԱՁ բացելու) միկրոհամակարգով։

Լուսինե․

Հարգելի գործընկերներ, արդյո՞ք ճիշտ է, որ հուլիսի 1-ից շրջանառության հարկ վճարողները պետք է ՀԴՄ կտրոնի վրա տպեն ապրանքի/ծառայության անվանումն ըստ դասակարգչի։

Նունե․

Բարև ձեզ։ Ես միկրոբիզնես եմ, օնլայն կուրսեր եմ վաճառելու առցանց։ Կայքի համար օգտագործելու եմ հայկական համակարգ՝ ucraft կամ uteach։ Իրենք ուղիղ ինտեգրվում են մեր բանկերի հետ, բայց էլեկտրոնային ՀԴՄ չունեն ավտոմատիզացված։ Իմ տպավորությամբ, իրենցից օգտվողներն այդ էլեկտրոնային ՀԴՄ-ները չեն ուղարկում։ Հիմա կասե՞ք խնդրում եմ՝ դա պարտադիր պայման է։

Տաթև․

Բարև Ձեզ, սիրելի հաշվապահներ 🙃 ԱՁ-ն շրջհարկով է գործում, կայքով թվային ապրանքներ պետք է վաճառվեն, փոխանցումները իդրամով, ինչպես նաև բանկային քարտերով կայքում կլինի: Խնդրում եմ օգնել հասկանալ.

1. ՀԴՄ կտրոնի գեներացումը բավարա՞ր է, թե՞ նաև հաշիվ վավերագիր պետք է դուրս գրել

2. Եթե գնորդը ՀՀ-ից դուրս է, այլ հարկեր առաջանու՞մ են

3. Վճարման համակարգից պահումները ինչ որ ձևով ծախս հնարավո՞ր է ձևակերպել, եթե արտադրություն է (ապրանքները մշակվում են ԱՁ-ի կողմից / չեն գնվում )։

Շնորհակալ եմ:

Գոհար․

Բարև ձեզ, հարգելի հաշվապահներ։ Խնդրում եմ օգնեք հասկանամ․

1․ Եթե վճարումներն քարտից քարտ է լինում, ՀԴՄ կտրոն տրամադրեմ, հերիք է, չէ՞

2․ Եթե ես ունեմ հյուրատուն, և ինձ կանխիկ են վճարում, իսկ ես հաշիվ եմ գրում, արդյո՞ք ճիշտ եմ աշխատում

Նանա․

Բարև Ձեզ։ էլոսի սարք եմ ուզում գնել, տարածք վարձել և սկսել զբաղվել մազահեռացմամբ: Կասե՞ք՝ ԱՁ գրանցման դեպքում ի՞նչ հարկատեսակներով եմ հարկվելու:

ՀԴՄ սարք պե՞տք է գնեմ։

Մելիք․

Բարև Ձեզ, սիրելի հաշվապահներ։ Մոռացել եմ շրջանառության հարկ վճարող համարվելու դիմումը ուղարկել, և Ա/Ձ-ն հայտնվել է ԱԱՀ դաշտում։ Հունվարին դուրս եմ գրել հաշիվ վավերագիր՝ համարելով շրջանառության հարկով հարկվող, ինչպես նաև ՀԴՄ կտրոններում չեմ առանձնացրել 16,67% ԱԱՀ-ն և ԱԱՀ-ից ազատված գործարքները։ Տվյալ պարագայում ինչպե՞ս վարվել և ինչպե՞ս լրացնել ԱԱՀ հաշվարկը։

Գոհար.

Բարև ձեզ, հաշվապահներ ջան։ Ինձ ո՞վ կարող է ՀԴՄ տուգանքը մաս-մաս վճարելու դիմումի ձև ուղղարկել։

Թամարա․

Հարգելի հաշվապահներ, ունեմ 1 հարց. ԱՁ -ը (ռեստորան) աշխատել է շրջ. հարկով: 2022թ․ նոյեմբերի 30 ից անցել է 115 մլն. շեմը և համարվել է ԱԱՀ վճարող։ Նոյեմբերի 1 օրվա համար ուղարկել ենք ԱԱՀ հաշվետվություն: Ասացեք խնդրեմ՝ շահութահարկի հաշվարկում պետք է ներառվի ամբո՞ղջ նոյեմբերի տվյալները, թե միայն նոյեմբեր 30 -ի տվյալները՝ դեկտեմբերի հետ միասին, և այդ ամիսներին ձեռք բերված ՀԴՄ կտրոնները (Սիթի) կարո՞ղ են համարվել ծախս՝ շահութահարկի հաշվարկում: Շնորհակալություն:

Ռուբեն․

Բարև ձեզ, հարգելի հաշվապահներ։ Խնդրում եմ օգնել հետևյալ հարցում: Կազմակերպությունը իրականացնում է գործունեութուն՝ շրջիկ վաճառք: Վաճառում է պատրաստի սառը կամ տաք սուրճ, թեյ, ֆրեշ: ՀԴՄ կտրոնը ապրանքացանկով է:

Հարց 1․ ԱՏԳԱԱ կոդը պետք է նշել հանրային սննդի ծառայությու՞ն, թե՞ կոնկրետ պատրաստի թեյի, սուրճի, ֆրեշի ԱՏԳԱԱ

Հարց 2․ Պատրաստի սուրճը 3 չափի է՝ 50մլ, 70մլ, և 85 մլ չափերով: Խախտում կլինի՞, եթե չափը չգրվի ՀԴՄ կտրոնի վրա