Wildberries հարթակի հետ կապված հարցեր
Արևիկ․
Բարև Ձեզ։ Ընկերությունը աշխատում է ԱԱՀ-ով, Հայաստանից վաճառում է ապրանքների Wildberries - ի միջոցով և Հայաստանի ներսում և դուրս։
Երկու երկրների իրացումների համար միայն դուրս է գրվում հաշիվ ապրանքագիր, թե՞ Ռուսաստանի վաճառքների համար գրվում է հաշիվ վավերագիր։
Եվս Մեկ հարց․ եթե նախորդ ամիսներից հայտնաբերվել են պակաս դուրս գրված հաշիվներ, որոնք եղել են Վայդբերրիզ ՍՊԸ-ի ժամանակ, ոչ թե ԻՄՎԲԱՄ-ի, կարո՞ղ եմ հիմա Վայդբերրիզին գրել դրա հաշիվը:
Հաշիվ և կանխիկ վճարման անդորրագիր ՌԴ տարածքում
Արման․
Հարգելի գործընկերներ, ի՞նչ եք կարծում, եթե բեռնափոխադրող ընկերության վարորդը ՌԴ տարածքում ծախս է կատարում մեքենայի հետ կապված (օրինակ, յուղի փոխարինում կամ նորոգում), ստանում է ՌԴ հաշիվ ընկերության անունով և կանխիկ վճարման անդորրագիր, այդ ծախսն ընդունելի՞ է որպես նվազեցում շահութահարկի հաշվարկման ժամանակ։ Շնորհակալություն։
Արդյո՞ք պարտադիր է հաշիվ դուրս գրելը
Արշալույս․
Բարև ձեզ։ Նոր եմ ԱՁ բացել, ընտրել շրջանառության հարկով հարկման հարկատեսակը։ Ոչ ռեզիդենտ, ՀՀ-ից դուրս գործող կազմակերպությանը մատուցվում է ծառայություն։ Կասե՞ք՝ ինվոյս դուրս գրելը պարտադիր է` ՊԵԿ-ի հետ հետագայում խնդիրներ չունենալու տեսանկյունից, թե՞ ինվոյս ՊԵԿ չի ներկայացվում (ոչ ռեզիդենտ կազմակերպությունը չի պահանջում ինվոյս)։ Եթե պարտադիր է ինվոյս գրելը, կասե՞ք՝ ո՞ր ծրագրով է դա գրվում։ Շնորհակալություն։
Շրջանառության հարկով աշխատող ԱՁ չունի ձեռքբերման փաստաթղթեր
Մելինե․
Օնլայն առևտրով զբաղվող ԱՁ-ն, որը շրջանառության հարկով է հարկվում, 2024 թվականին 7 մլն դրամի էլեկտրոնիկա է ձեռք բերել Չինաստանից առանց հաշիվ ֆակտուրաների կամ այլ թղթերի, այնուհետև վաճառել Հայաստանում՝ դուրս գրելով հաշիվ վավերագիր ֆիզ անձին։ Եռամսյակային հաշվետվության ժամանակ ներկայացրել եմ վաճառքի այդ գումարը և վճարել համապատասխան հարկերը։ Հարցս հետևյալն է․ արդյո՞ք խնդիրներ կունենամ, եթե չունեմ ձեռքբերումը փաստող թղթեր, և ինչպե՞ս այսուհետ դա կազմակերպեմ։
Հաշվի դուրսգրում ոչ ռեզիդենտին
Ռուզաննա․
Հարգելի հաշվապահներ, ՍՊԸ-ն իրավաբանական ծառայություն է մատուցելու ոչ ռեզիդենտ ֆիզ անձին, որի դիմաց վճարումը կատարելու է վերջինիս գործատուն, որը հանդիսանում է ոչ ռեզիդենտ իրավաբանական անձ: Այս պարագայում արդյո՞ք ՍՊԸ-ն պետք է էլեկտրոնային եղանակով դուրս գրի հաշիվը ոչ ռեզիդենտ իրավաբանական անձի անունով:
Ավիատոմսի ձեռքբերում
Լուսինե․
Բարև Ձեզ։ Կազմակերպության տնօրենը գործուղման նպատակով Ֆլայ Դուբայի կայքից օնլայն ձեռք է բերել ավիատոմս, վճարել է 450 ԱՄՆ դոլար կազմակերպության դրամային բիզնես քարտով (օրվա կուրսով հաշվել է, ավտոմատ փոխարկվել է)։ Ֆլայ Դուբայի կայքը տրամադրել է միայն ավիատոմսի ամրագրման և հաստատման փաստաթուղթը, որտեղ երևում է նաև ավիատոմսի արժեքը։
Հարց 1․ Արդյո՞ք այս մասով պետք է գրվի ինքնահաշիվ
2․ Արդյո՞ք այս մասով առաջանում է ոչ ռեզիդենտի շահութահարկ։
Հ․Գ․ նշեմ նաև, որ Ֆլայ Դուբայից ստացված նամակով տեղեկացնում են, որ առանձին ինվոյս իրենք չեն տրամադրում, ավիատոմսի փաստաթուղթը ինքնին համարվում է նաև ինվոյս։
Առցանց դասավանդում
Լիլիթ․
Այլ երկրների բնակիչներին անգլերեն եմ դասավանդում օնլայն պլատֆորմում: Որպես ֆիզիկական անձ միկրոձեռնարկատիրության ոլորտում գործող կարո՞ղ եմ նաև դասավանդել եվրոպական ընկերությունների աշխատակիցներին և հաշիվ-ապրանքագիր ուղարկել։
Ռուսերեն և անգլերեն հաշիվների օրինակներ
Մարի․
Հարգելի հաշվապահներ, ինձ շտապ հարկավոր է ռուսերեն և անգլերեն ինվոյսի օրինակներ։ Խնդրում եմ zenfira.muradyan@bk.ru -ին ուղարկել ։ Շատ մեծ օգնություն կլիներ։ Նախապես շնորհակալություն։
Ինքնահաշիվ
Սոֆյա․
Հարգելի հաշվապահներ, շրջանառության հարկով հարկվող ՍՊԸ-ն իրականացնում է դիզայներական գործունեություն և իր ծառայությունները գովազդում է Ինստագրամ, Ֆեյսբուք կայքերով: Արդյո՞ք պարտադիր է հաշիվ կամ ինքնահաշիվ գրել իրենց միացրաց գովազդի համար, եթե վճարումները նոյեմբեր ամսվա համար արդեն կատարել ենք, և ինչպե՞ս է հաշիվ կամ ինքնահաշիվը գրվում: Խնդրում եմ մանրամասնեք: Շնորհակալություն:
Մատակարարի հաշիվները բացակայում են
Գոհար․
Բարև Ձեզ: Համայնքային ոչ առևտրային կազմակերպություն է, հաշվառումը վարում ենք հանրային հատվածի հաշվապահական հաշվառման օրենքով: Մատակարարից ստացել ենք ապրանք, որի համար ունենք ակտ և արձանագրություն հանձնման-ընդունման, չունենք հաշիվ ապրանքագիր: Կազմակերպությունը գրանցված է Ղարաբաղում: Հաշիվ ապրանքագրերը բացակայում են մինչև ֆորս մաժորը և դրանից հետո: Արդյո՞ք իրավունք ունենք հաշվապահական ձևակերպում տալ և գումարը փոխանցել: Շնորհակալություն:
Ավտոմեքենայի յուղերի առք ու վաճառք
Հասմիկ․
Բարև ձեզ, հարգելի հաշվապահներ։ Հարցս վերաբերում է ավտոմեքենայի յուղերի առք ու վաճառքին։ Պարտադի՞ր է արդյոք յուղման կետի համար յուղը ձեռք բերել բացառապես հաշվարկային փաստաթղթերով։ Կա՞ համապատասխան օրենքի հղում։
Ինչու՞ է տարանջատվում բեռնափոխադրումը
Սեդա․
Բարև Ձեզ։ Ապրանք ներմուծելիս տեղական բեռնափոխադրողը հաշիվը գրում է 2 տողով՝ մինչև ՀՀ սահման և ՀՀ սահման - ք․ Երևան։ Հարցս հետևյալն է՝ ինչու՞ է տարանջատվում:
Վաճառք Wildberries կայքում
Մարիա․
Բարև ձեզ։ Կասե՞ք խնդրում եմ՝ վայլդբերիսով վաճառք անելուց հաշիվ հաշիվ ինչպե՞ս պետք է գրեմ գնորդին, եթե օրինակ ինչ որ մեկը ապրանք է պատվիրել այլ երկրից։ Նշեմ, որ ԱՁ-ն շրջ. հարկով է գործում։
Հաշվի դուրս գրում օտարերկրյա ընկերությանը
Անի․
Բարև Ձեզ։ ԱՁ-ն արտասահմանյան ընկերության համար ուսուցողական հոդվածներ է գրել, պետք է դուրս գրի հաշիվ վավերագիր: Վճարումն առանձին յուրաքանչյուր հոդվածի համար է` կախված հոդվածի երկարությունից և մի շարք հանգամանքներից, այսինքն գումարներն տարբեր են:
Այս դեպքում հաշիվ վավերագրում ճի՞շտ է գրել չափման միավորն ՀԱՏ, տևողությունն ու ընդհանուր գումարը, որը պետք է փոխանցվի: Գումարն նշվում է առա՞նց միջազգային փոխանցման պահումների:
Եվս մեկ հարց: Ծառայության մատուցումն սկսվել է անցած տարի, սակայն գումարը նոր է փոխանցվում որոշակի շեմն անցնելուց հետո: Այս դեպքում տևողությունն նշելուց խնդիր չի՞ լինի:
Արտահանում ԵՏՄ
Կարինե․
Կազմակերպությունը ապրանք է արտահանել ԵՏՄ, արդյո՞ք բացի հայտարարագրից պետք է դուրս գրի հաշիվ վավերագիր, և ԱԱՀ-ի հաշվետվության մեջ ցույց տրվու՞մ է։
Մատակարարված ապրանքի զեղչ
Տաթևիկ․
Բարև Ձեզ։ Ապրիլ ամսին ապրանք ենք մատակարարել, հիմա ցանկանում ենք գինը նվազեցնել, որ խանութը զեղչի գնապիտակով վաճառի։ Ինչպե՞ս վարվենք, ճշգրտող հաշվով զեղչ կիրառել կարելի՞ է։
Ո՞ր օրվա փոխարժեքը կիրառել
Քրիստինե․
ԱՁ-ն ծառայություններ է մատուցել արտասահմանյան կազմակերպության, վճարումը ստացել արտարժույթով: Հարց - հաշիվ վավերագիր դուրս գրելիս, եթե ծառայությունը մատուցվել է ամսի 10-ին, իսկ հաշիվը դուրս գրվել 14-ին, կուրսը հաշվում ենք ամսի 10-ի դրությամբ, թե՞ 14-ի։ Շնորհակալ եմ:
Զեղչ
Տաթևիկ․
Հարգելի գործընկերներ, արտադրում ենք գինի և ցանկանում ենք, որ խանութում ապրանքի վրա զեղչ կիրառվի։ Հաշվի մեջ զեղչ կիրառելը բավարա՞ր է։
Հաշիվը չեղյալ համարելու սահմանափակումներ
Հռիփսիմե․
Բարև ձեզ։ Հարգելի հաշվապահներ, հարցս կայանում է նրանում, թե արդյո՞ք հաշիվը չեղյալ համարելը ունի քանակական սահմանափակում կամ ժամկետը նշանակություն ունի, թե երբ է գրվել։
Ձևակերպում ՀԾ-ում
Սաթեն․
2022թ․ ստացել ենք ինվոյս, համաձայն որի 300 ֆունտ ստերլինգ պետք է վճարենք: Հիմա պետք է կատարեմ վճարում, բայց ֆունտային հաշիվ բանկում չունեմ և պետք է վճարեմ դոլարով: Ինչպե՞ս ձևակերպեմ ՀԾ-ում: