Ի՞նչ սկզբունքով են հաշվարկում նպաստը

Նպաստը հաշվարկելու ժամանակահատվածի այն ամիսների համար, որոնց ընթացքում աշխատողը գտնվել է մինչև երեք տարեկան երեխայի խնամքի արձակուրդում, որպես եկամուտ վերցվում է խնամքի արձակուրդը սկսվելու ամսվան նախորդող ամսին աշխ. պայմանագրով տվյալ աշխատողի համար սահմանված հիմնական աշխատավարձը:

Վարձու աշխատողի մայրության նպաստը հաշվարկելու համար հիմք ընդունվող միջին ամսական աշխատավարձը հաշվարկվում է ժամանակավոր անաշխատունակությունն առաջանալու ամսվան նախորդող 12-րդ ամսվա 1-ից մինչև ժամանակավոր անաշխատունակությունն առաջանալու ամսվան նախորդող ամսվա վերջին օրն ընկած ժամանակահատվածի համար գործատուի կողմից վարձու աշխատողին վճարված (հաշվարկված) եկամուտը 12-ի բաժանելու միջոցով:Եթե հաշվարկային ժամանակահատվածը ներառում է նաև վարձու աշխատողի` խնամքի արձակուրդում գտնվելու ամիսներ, ապա այդ ամիսներից յուրաքանչյուրի համար որպես եկամուտ հաշվառվում է խնամքի արձակուրդն սկսվելու ամսվան նախորդող ամսին աշխատանքային պայմանագրով կամ ՀՀ օրենսդրությամբ տվյալ վարձու աշխատողի պաշտոնի համար ՀՀ ԱՕ-ի 178-րդ հոդվածով սահմանված (անկախ հաշվարկվելու հանգամանքից) կամ հաշվարկված հիմնական աշխատավարձը: