Աննա․

Բարև ձեզ, հարգելի հաշվապահներ, կհուշե՞ք խնդրում եմ՝ ՀԾ հաշվապահ ծրագրում ինչպե՞ս տալ հետևյալ գործարքի ձևակերպումը․ վարձակալություն է տրված ֆիզ․ անձին կազմակերպության կողմից, կազմակերպությունը հանդիսանում է հարկային գործակալ 10%-ի չափով, ուշացման համար տուգանք է սահմանվել x գումար։

Արեգա․

Բարև Ձեզ։ Խնդրում եմ պատասխանեք հետևյալ հարցիս. 20.12.2022թ․ լիզինգով ձեռք եմ բերել արևային պանելներ՝ 26 920 000 դրամ արժողությամբ։

Հարց 1. 2023թ համար ինչպե՞ս հաշվարկեմ ամորտիզացիան

Հարց 2. օգտակար ծառայության ժամկետը քանի՞ տարի է

Հարց 3. Հաշվապահական ձևակերպումները

Կանխավ շնորհակալություն։

Աննա․

Խնդրում եմ օգնեք լուծել այս խնդիրըԽնդիր: Պահանջվում է ձևակերպել արտադրանքի վաճառքի գործառնությունները և որոշել իրացումից ստացված շահույթը կամ վնասը: Բացել հաշիվները և դրանցում արտացոլել շահույթի կամ վնասի բացահայտման հետ կապված գործառնությունները: Տվյալներ: Գնորդներին վաճառվել է պատրաստի արտադրանք: Հասույթը, կանխիկ գումարով 300,000 դրամ, գումարած 20% ԱԱՀ, մուտքագրվել է դրամարկղ: Ապառիկ վաճառվել է 800,000 դրամի արտադրանք, գումարած 20% ԱԱՀ: Վաճառված արտադրանքի փաստացի արտադրական ինքնարժեքը կազմել է 950,000 դրամ: Վաճառքի հետ կապված՝ կատարվել են հետևյալ ծախսերը.

ա) Հաշվարկվել է աշխատավարձ պահեստում փաթեթավորող բանվորներին` 50,000 դրամ, բ) Տրանսպորտային կազմակերպությանը հաշվարկային հաշվից փոխանցվել է 24,000 դրամ, ներառյալ ԱԱՀ, գ) Գովազդի համար ստացվել է գովազդային թերթի հաշիվը` 36,000 դրամ, ներառյալ ԱԱՀ:

Այլ հաշվապահական խնդիրներ

Անուշ․

Խնդրում եմ օգնեք ձևակերպումները ճիշտ լրացնեմ: Կազմակերպությունը երկարաժամկետ լիզինգով ստացել է հիմնական միջոց, որի համար տրվել է նաև սուբսիդավորում: Յուրաքանչյուր ամիս ստացված հաշիվ ստանալիս ինչպիսի՞ ձևակերպում տամ։

Ի սկզբանե ձևակերպել եմ 119-413, 414-413, յուրաքանչյուր փոխանցումն էլ 413-252։

Սակայն միայն 119-413 ով հիմնական միջոցի համար ծրագիրը ամորտիզացիա չի կատարում, միայն 111 հաշվով է լինում։

Նարե․

Բարև Ձեզ, կխնդրեմ ստուգել՝ արդյո՞ք ճիշտ են կատարված բոլոր գործառնությունները։ Տվյալներ. Ընկերությունը հետ է գնել 2000 դրամ անվանական արժեք ունեցող 600 հատ սովորական բաժնետոմս և 3000 դրամ անվանական արժեք ունեցող 300 հատ արտոնյալ բաժնետոմս։ Դրամարկղից վճարվել է հետ գնված բաժնետոմսերի արժեքը. յուրաքանչյուր սովորական բաժնետոմսի՝ համար` 2400 դրամ, իսկ յուրաքանչյուր արտոնյալ բաժնետոմսի համար` 3300 դրամ: Հետ գնված սովորական բաժնետոմսերը վաճառվել են` յուրաքանչյուրը 2300 դրամով: Բաժնետերերի կողմից վճարումները այդ բաժնետոմսերի դիմաց կատարվելու են երկու ամսվա ընթացքում։ Արտոնյալ բաժնետոմսերը մարվել են:

1. Սովորական բաժնետոմսերի հետ գնում՝
Դտ – 3131 1.440.000
Կտ – 251 1.440.000
600x2400= 1.440.000

2. Արտոնյալ բաժնետոմսերի հետ գնում՝
Դտ – 3132 990.000
Կտ – 251 990.000
300x3300= 990.000

3. Հետ գնված սովորական բաժնետոմսերի վերավաճառք.
ա) վաճառքի գնով
Դտ – 3123 1.380.000
Կտ – 3131 1.380.000
600x2300= 1.380.000
բ) վաճառքի և հետ գնման գնի տարբերությամբ՝
Դտ – 3131 180.000
Կտ – 314 180.000
600x(2300-2000)= 180.000

4. Հետ գնված արտոնյալ բաժնետոմսերը մարվել են.
ա) անվանական արժեքով՝
Դտ – 3112 900.000
Կտ – 3132 900.000
300x3000= 900.000
բ) հետ գնման գնի և անվանական արժեքի տարբերությամբ՝
Դտ – 314 90.000
Կտ – 3132 90.000
300x(3300-3000)= 90.000

Դիտել այլ հաշվապահական խնդիրներ

Անահիտ․

Կազմակերպությունը հաշվետու ժամանակահատվածում արտադրում է Ա, Բ, Գ արտադրանքներ, Ա-ի վրա կատարվող ուղղակի նյութական ծախսերը կազմել են 600.000, աշխատանքային ծախսումները 350.000, Բ-ի նյութական ծախսումները 500.000, աշխատանքայւն ծախսումները 300.000, Գ-ինը համապատասխանաբար `400.000 և 250.000 : Հաշվետու ժամանակաշրջանում անուղղակի ծախսերը կազմել են 1.200.000։ Որոշել ըստ արտադրատեսակների, արտադրված արտադրանքի լրիվ ինքնարժեքը։

Այլ հաշվապահական խնդիրներ

Աշոտ․

Բարև ձեզ։ Ուրիշ կազմակերպության բաժնետոմսերի մի մասը անհատույց տրվել է մեր կազմակերպությանը, դրա հաշվապահական ձևակերպումները ինչպե՞ս տալ, ո՞վ կօգնի։

Սիրանուշ․

Բարև Ձեզ։ Կարո՞ղ եք օգնել մի հարցով․ լիզինգով ՀՄ ենք ստացել 50 000 եվրո գումարով։ Ինչպիսի՞ ձևակերպումներ պետք է տրվեն ստացման, տոկոսների վճարման և մայր գումարի վճարման ժամանակ։ Շնորհակալություն։

Ժաննա․

Բարև Ձեզ, հարգելի հաշվապահներ, խնդրում եմ օգնել հետևյալ հարցում․

Եթե ՀՀ ռեզիդենտ ՍՊԸ-ն ունի կրեդիտորական պարտք ոչ ռեզիդենտ ՍՊԸ-ին, և այդ ՍՊԸ-ն զիջում է մեր պարտքը մեկ այլ ոչ ռեզիդենտ ՍՊԸ-ի։ Ասացեք խնդրեմ՝ ի՞նչ հաշվապահական ձևակերպումներ պիտի տամ, և ի՞նչ փաստաթղթեր են անհրաժեշտ, արդյո՞ք պետք է պարտքի փոխանցման եռակողմ համաձայնագիր։

Թամարա․

Բարև Ձեզ, հարգելի հաշվապահներ։ Ասացեք խնդրեմ՝ ինչպե՞ս են ստեղծում պահուստային ֆոնդ անհուսալի դեբիտորական պարտքը ծախսագրելու համար, ի՞նչ ձևակերպումներ կան, և կա՞ արդյոք վաղեմության ժամկետ։ Շնորհակալություն:

Վալենտինա․

Բարև ձեզ։ Խնդրում եմ օգնեք ձևակերպել վաճառքի հետ կապված գործառնությունները և որոշել վաճառքից ստացված շահույթը կամ վնասը։

Խնդիր. Կարի ֆաբրիկան դուրս է գրել շահագործումից կարի մեքենաներ վաճառելու նպատակով։ Երկու ամիս անց մեքենաները վաճառվել են 540 000 դրամով, ներառյալ ԱԱՀ-ն։ Դուրս գրման պահի դրությամբ մեքենաների սկզբնական արժեքը կազմել է 980 000 դրամ, կուտակված մաշվածությունը` 520 000 դրամ։ Մեքենաների ապատեղակայման և տեղափոխման համար կատարվել են հետևյալ ծախսումները` ա) հաշվարկվել է աշխատավարձ բանվորներին՝ 60 000 դրամ, բ) տրանսպարտային կազմակերպության կողմից կատարվել են կարի մեքենաների տեղափոխման ծառայությունները 25 000 դրամ։ Գնորդի կողմից վճարումը կատարվելու է 2 ամսվա ընթացքում։

Կանխավ շնորհակալություն։

Դիտել այլ հաշվապահական խնդիրներ

Նելլի․

Բարև Ձեզ։ Խնդրում եմ օգնել ինձ տալ աշխատավարձի ավանսի ճիշտ ձևակերպումները։

Կարեն․

Հարգելիներ, ընկերության քարտային հաշվից հակերները գումար են գողացել, որը հնարավոր չեղավ հետ բերել։ Խնդրում եմ հուշել հաշվապահական ձևակերպումը։

Նելլի․

Բարև ձեզ, հարգելի հաշվապահներ։ Եթե կազմակերպությունը ունի դեբիտորական պարտքեր, որոնք չեն մարվել արդեն 3-4 տարի, կարո՞ղ եմ լրիվ դուրս գրել և շահութահարկով ծախս ճանաչել։ Ասեմ, որ ոչ մի տարում պահուստային ֆոնդ չի եղել ստեղծված։ Շնորհակալություն։

Աննա․

Բարև Ձեզ, որտեղի՞ց կարող եմ գտնել հաշվապահական հաշվառման քաղաքականության օրինակելի ձև, կամ եթե ինչ-որ մեկն ունի, խնդրում եմ ուղարկել anna-grigoryan-anna@mail.ru էլ.փոստի հասցեով: Շնորհակալություն:

Օվսաննա․

Բարև ձեզ, որ խնդրեմ՝ ձևակերպման կամ թղթակցության օրինակներ կասե՞ք`

1. գործառնական գործունեությունից ծախսեր,
2. շարունակվող գործունեությունից ծախսեր,
3. ընդհատված գործունեությունից ծախսեր,
4. վերադասակարգման ճշգրտումներ, կորուստներ,
5. շահութահարկի գծով ծախս,
6. այլ համապարփակ ֆինանսական արդյունքում ճանաչող ծախս

Քրիստինե․

Բարև Ձեզ, մի խնդրանք հաշվապահներին, կարո՞ղ եք մի փոքր ինֆորմացիա տրամադրել կապիտալ ծախսերի արդիականության վերաբերյալ, կանխավ շնորհակալություն։

Մելինե․

Հարգելի հաշվապահներ, եթե ՍՊԸ-ն ժամկետից շուտ մարում է երկարաժամկետ վարկի գումարը, ի՞նչ ձևակերպում է տրվում: Խոսքս վերաբերում է չկրած տոկոսային ծախսեր հաշվի մնացորդին: Եվ փաստացի վճարած վարկի գումարը փոքր է 411 հաշվում առակա գումարից։ Դա ի՞նչ անել։

Աննա․

Հարգելի հաշվապահներ, շրջհարկով աշխատող ՍՊԸ -ն շուկայից ապրանք է գնել (մինչև 300 000), գնման ակտով դրամարկղից ելքագրելու թղթակցող հաշիվը 2282 ճի՞շտ է։