Tag: դրոշմանիշային վճար

Հայկ.

Բարրև Ձեզ։ Դրոշմանիշային վճարը հաշվարկելու դեպքում համատեղության կարգով և հիմնական աշխատանքների աշխատավարձերը գումարվու՞մ են, թե ամեն աշխատանքի համար առանձին առանձին է հաշվարկվում դրոշմանիշային վճարը։ Օրինակ ես աշխատում եմ համալսարանում դասախոս և համատեղության կարգով նույն համալսարանի գիտահետազոտական մարմնի գիտաշխատող։ Առաջին վայրում աշխատավարձը 191 000 է, իսկ 2-րդում 50 000 դրամ։ Ասում են, որ այս երկու աշխատավարձերը գումարվում են, և դրոշմանիշային վճարը կազմում է 5500 դրամ, եթե առանձին են հաշվում, լինում է 3500 դրամ, այսինքն 50 000 դրամի պարագայում չի գանձվում։ Խնդրում եմ նշել՝ ո՞ր օրենքով է կարգավորվում։ Խնդրում եմ պատճառաբանված պատասխան, քանի որ ես գտնում եմ, որ առանձին պետք է ամեն վայրում հաշվարկվի։

Արամ. Բարև ձեզ: Ա/Ձ աշխատում է շրջանառության հարկով: Հանրային սննդի գործունեություն է իրականացնում: Ունի 3 գրանցված աշխատող, որոնց աշխատավարձերը կազմում են 100 000-ական դրամ, ներառյալ՝ հարկերը: Հարց 1. արդյո՞ք ծախսերի մեջ կարող է ներառվել ամբողջ 300 000 դրամ աշխատավարձը, որի մեջ ներառված է նաև դրոշմանիշային վճարը: Հարց 2. Ա/Ձ շահութահարկը և սոցի 5 000 դրամները կարո՞ղ է ներառվել, թե՞ ոչ։ Խնդրում եմ հստակ պատասխանել հարցին, հոդվածը copy paste չանել)) Կանխավ շնորհակալ եմ)))

Ա/Ձ դրոշմանիշային վճարը ինչպե՞ս է հաշվարկվում, շրջանառությունից ելնելով սահմանաչափ կա՞, որտե՞ղ կարող եմ դա կարդալ, և վճարվում է մե՞կ անգամ մինչև հաջորդ տարվա ապրիլի 20-ը։

Տաթև. Բարև ձեզ, հարգելի հաշվապահներ: Դրոշմանիշ վճարելու ժամանակ ՏՀՏ կոդ դաշտում ո՞ր կոդը նշել: Կանխավ շնորհակալ եմ:

Արմինե. Բարև Ձեզ։ Դրոշմանիշային վճարի հետ կապված ուզում եմ հասկանամ՝ հստակ թիվ կա՞ օրենքով, կամ ես ինչքա՞ն գումարի դեպքում պիտի պահեմ դրոշմանիշային վճար։

Կարեն. Ողջույն։ Ինչպե՞ս կլինի դրոշմանիշային վճարը և պարտադիր սոցիալական ապահովության վճարը անգլերեն լեզվով։ Կանխավ շնորհակալ եմ։

Անուշ. Բարև ձեզ։ Կասեք՝ 1 դրույքաչափի դեպքում, եթե կեղտոտ աշխատավարձը 107 000 դրամ է, իսկ մաքուրը` 81 000, ապա կես դրույքը ինչպե՞ս հաշվել, ինչքա՞ն կլինի, տվյալ դեպքում դրոշմանիշ պահվու՞մ է, թե՞ ոչ։ Մանրամասնեք և եթե օրենքի հղում կա։

Անի. Բարև Ձեզ: Մի հարցով ուղղություն ցույց կտա՞ք. կատարվել է հարկային վճարումները, սակայն չի երևում մուծումը՝ սոց. վճարը և դրոշմանիշային վճարը պարտք է ցույց տալիս, ի՞նչ քայլ անել։

Արդյո՞ք արձակուրդային հաշվարկելիս պահվում է դրոշմանիշային վճարը։ Բերեմ օրինակ. օգոստոս ամսվա 18-31 նախատեսվում է արձակուրդ (10օր): ՏՏ ոլորտի արտոնագրով աշխատող կազմակերպությունում աշխատակիցը վերջին 12 ամիսներին ստացել է 250 000 գրանցված աշխատավարձ, աշխատանքը 5-օրյա գրաֆիկով։ Խնդրում եմ ստուգել՝ արդյոք ճի՞շտ եմ հաշվարկում արձակուրդայինն ու աշխատավարձը։ Արձակուրդային՝ 250000/21=11904.7 10 x 11904.7= 119047 119047-11905-5357-3000=98785 Աշխատավարձ 2022 Օգոստոսն ունի 23 աշխ. օր, այսինքն՝ վարձատրվելու է 13 աշխատած օրվա համար։ 250000/23=10869.5 13 x 10869.5= 141304 141304-14130-6359-3000=117815 Փաստացի ստացվում է, որ դրոշմանիշային վճարը գանձվում է 2 անգամ 3 000-ական դրամ, այնինչ այդ 2-ի գումարայինի դեպքում պետք է պահվեր 5500 դրամ։ Խնդրում եմ օգնել հասկանալ՝ արդյո՞ք ճիշտ եմ կատարել հաշվարկները։

Արփինե. Բարև Ձեզ։ Արդյո՞ք կարելի է հուլիսի 1-ից հարկային պարտավորությունները՝ դրոշմանիշային վճարը և հդմ սպասարկման վճարը վճարել տերմինալի միջոցով։

Սյուզաննա․ Բարև Ձեզ, հարգելի ընկերներ։ Ա/Ձ հունվարից դադարեցում եմ տվել, ՀԴՄ դադարեցրել եմ, բայց հաշվետվությունների ներկայացման էլ․ համակարգի իմ էջում դրոշմանիշայն հարկ է երևում 96 000։ Խնդրում եմ ասեք՝ արդյո՞ք դա այդպես պետք է լինի։

Սոֆյա. Բարև Ձեզ, հարգելի հաշվապահներ։ Կազմակերպության աշխատակցին /ով սկսել է աշխատել 17.05.22թ-ից/ մայիս ամսվա համար հաշվարկվել է 52 381դրամ կեղտոտ աշխատավարձ: Ասացեք խնդրեմ՝ դրոշմանիշային վճարը աշխատավարձից է պահվելու, թե՞ ոչ:

Սոֆա․ Բարև Ձեզ։ Մի հարց՝ եթե աշխատողը գրանցված է ոչ լրիվ դրույքով, աշխատավարձը եկամտային հարկի հաշվարկում 60 000 է, մաքուր աշխատավարձը հուլիսի 1-ից, որ փոխանցեմ, 1 500 դրոշմանիշային վճարը պիտի հանե՞մ: Շնորհակալ եմ։

Հայարփի. Բարև Ձեզ, հարգելի հաշվապահներ։ Խնդրում եմ, թե՞ կարող եք՝ օգնեք հասկանամ։ Արդյոք մանկավարժները, դասպատրաստողները և հոգեբանները ընդգրկվու՞մ են կրճատ աշխատաժամանակի մեջ՝ մինչև 36 ժամ նորմալ տևողությամբ, շաբաթ, և ըստ դրա նվազագույնը սահմանվու՞մ է արդյոք 454 դրամ։ 2. Եթե ժամավճարով աշխատողին 1 ժամվա համար վճարում եմ 1000 դրամ աշխատավարձ, ներառյալ՝ հարկերը, դրոշմանիշային վճարը ո՞վ պետք վճարի։ Նշեմ նաև, որ ամսական ընդհանուր ծավալը չի գերազանցում, օրինակ՝ 25 000-ը, այսինքն՝ փաստացի քիչ ժամեր է աշխատում, օրինակ՝ 25ժամ*1000 դրամ=25 000 դրամ՝ հարկերով։ Կանխավ շնորհակալ եմ։

Նաիրա. ԱԱՀ ունենք գերավճար դեբետում՝ ինչպե՞ս անել, որ այդ գումարով փակենք դրոշմանիշի և շահութահարկի գումարները։

Աննա. Բարև Ձեզ, հարգելի գործընկերներ: Կարո՞ղ եք ասել, եթե աշխատողի մեկ դրույքը 95 000 դրամ է (մինիմում դրույքից բարձր), բայց աաշխատում է կես դրույքով (47 500), այս դեպքում՝ դրոշմանիշի գումարը պետք է պահվի աշխատողից, թե՞ վճարելու է գործատուն:

Ռոման․ Բարև ձեզ: Կազմակերպությունը աշխատում է շրջանառության հարկով և իրականցնում է հանրային սննդի գործունեություն: Հարց 1․ Արդյո՞ք աշխատողների մասով կարող ենք և աշխատավարձ և աշխատավարձի մասով հաշվարկված հարկեր այդ թվում դրոշմանիշային վճար, ներառել ծախսերի մեջ և նվազեցնել հարկից: Հարց 2․ Եթե բացարձակ չներառենք աշխատավարձի ծախսերը հարկերի մեջ, արդյո՞ք որևէ խնդիր կլինի։