Հայկ․

Բարև Ձեզ։ ԱԱՀ-ով աշխատող ընկերությունն անվադողեր է ներմուծել (ԱՏԳԱ 4011)։ ՀՀ-ում վաճառելու է 25 000 ՀՀ դրամով՝ ներառյալ ԱԱՀ-ն։ 171 հոդվածի համնաձայն բնապահպանական վճարը 1 տոկոս է։

Հարց 1. ՀՀ վաճառքից պե՞տք է 208 ՀՀ դրամ բնապահպանական հարկ վճարի։
Հարց 2. Բնապահպանական հաշվետվություն հանձնելու՞ է։
Հարց 3. Ներմուծման ժամանակ վճարված բնապահպանական հարկը ինքնարժե՞ք է մտնում

Արմինե․

Բարև Ձեզ։ 3-րդ երկրից հիմնական միջոց ենք ներմուծել։ Ես արել ՊՄՕ և ԲՄՀ փաստաթղթերը։ Որ խնդրեմ կասե՞ք՝ դրանից հետո ի՞նչ ձևակերպումներով պետք է պահեստից ելք անեմ և դարձնեմ հիմնական միջոց։

Անդրանիկ․

Բարև ձեզ, ես ուզում եմ հասկանալ՝ ներմուծում 3-րդ երկրից և ԵԱՏՄ-ից, տարբերությունները, ի՞նչն է մտնում ինքնարժեքի մեջ և ինչը ոչ։

Հասմիկ․

Բարև ձեզ, կազմակերպությունը կազմակերպում է ներմուծում Չինաստանից՝ կտորեղեն։ Կարո՞ղ եք օգնել հասկանալ, թե ինչ փաստաթղթեր են անհրաժեշտ ներմուծումը սկզբից մինչև վերջ իրականացնելու համար։

Լիանա․

Բարև ձեզ։ 3-րդ երկրից ներմուծվել է ապրանք, որի մաքսային արժեքը ավելի բարձր է, քան ինվոյսի արժեքը։ Այս դեպքում ապրանքի սկզբնական արժեքը դրամով ո՞րն ենք համարում՝ մաքսայի՞ն, թե՞ ինվոյսային արժեքը։

Հասմիկ․

Չինաստանից ՍՊԸ ներմուծել է էլեկտրամոբիլ որպես հիմնական միջոց: Ինչպե՞ս պետք է ձևակեպեմ նրա ձեռքբերման ինքնարժեքը ըստ հաշիվների՝ մեքենայի բեռնափոխադրման վճարը, ինվոյսը, բնապահպանական վճարը և բրոկերային ծառայությունը։

Տաթև․

Շրջանառության հարկով աշխատող ԱՁ առք ու վաճառք է իրականացնում, ապրանքները ձեռք է բերում Չինաստանից և անցնում մաքսայինով։ Խնդրում եմ նշել՝ ինվոյսը նվազեցնու՞մ է ծախսերը, թե՞ ոչ։

Նարեկ․

Ես նախատեսում եմ Ռուսաստանից ներկրել էլեկտրական ծխախոտներ։ Խնդրում եմ պարզաբանել հետևյալը՝ ինչպիսի՞ փաստաթղթեր և թույլտվություններ են անհրաժեշտ ներմուծման գործընթացի համար։ Ի՞նչ տեսակի հարկեր կառաջանան ներմուծման ժամանակ (Ներմուծման մաքսատուրք, ԱԱՀ և այլ հարկեր)։ Ի՞նչ հիմունքներով են հաշվարկվում մաքսային վճարները և հարկերը։ Կա՞ն արդյոք որևէ հատուկ սահմանափակումներ կամ կարգավորումներ, որոնք վերաբերում են էլեկտրոնային ծխախոտների ներմուծմանը, որ պետք է հաշվի առնեմ։

Անի․

Ողջույն, հարգելի մասնագետներ: Խնդրում եմ օգնել. մեր կազմակերպությունը ԱԱՀ վճարող է։ ԵՏՄ -ից ներմուծել ենք բազային յուղ, դասակարգիչը՝ 2710199800, որը պետք է օգտագործվի որպես հումք՝ շարժիչային յուղ արտադրելու համար: Իրավիճակը. ԵՏՄ հաշվետվություն ենք ներկայացրել, և ավտոմատորեն հաշվարկվել է ներմուծման ակցիզային հարկ՝ գործող դրույքաչափով, որը վճարել ենք պետ բյուջե: Հարցը. արդյո՞ք պետք է վճարել նաև ԱԱՀ:

Հակոբ․

Բարև Ձեզ։ Temu կայքից ապրանք եմ գնել, սահմանաչափերը պահպանել եմ, մի ծանրոց մաքսայինը պահել է։ Ի՞նչ հարցեր կարող են լինել։ Ճշտեմ, նոր գնամ։

Նոնա․

Խնդրում եմ պարզաբանել: Կազմակերպությունը գործում է հարկման ընդհանուր համակարգում: Միասնական հաշվում ունի կուտակված ԱԱՀ-ի դեբետային գումար: Արդյո՞ք ԵՏՄ երկրից ներմուծվող ավտոմեքենայի ԱԱՀ-ը հնարավո՞ր է հաշվանցել այդ դեբետի հաշվին (այսինքն չվճարել ԱԱՀ-ն):

Մուշեղ․

Հարգելի փորձագետներ, խնդրում եմ օգնեք ինձ պարզաբանել հետևյալ հարցը.

Եթե ​​անհատն իր մեքենայով ԵԱՏՄ երկրից ներմուծում է անձնական օգտագործման ապրանքներ, ապա նա պարտավո՞ր է ԱԱՀ վճարել յուրաքանչյուր ապրանքի համար, թե՞ միայն այն ապրանքների համար, որոնք գերազանցում են 2020 ԹՎԱԿԱՆԻ ՓԵՏՐՎԱՐԻ 13-Ի N 171-Ն որոշման մեջ նշված թույլատրելի սահմանը։ Կանխավ շնորհակալ եմ։

Հասմիկ․

Բարև Ձեզ։ Պատվիրել եմ անձնական օգտագործման համար իր, մաքսայինը առաքանին պահել է, քանակը թույլատրվածից շատ է (իմ կարծիքով դա է խնդիր առաջացրել), ի՞նչ պետք է անեմ, որպեսզի բեռը ստանամ, և ի՞նչ վճարների հետ է կապված (բեռը 60 յուան է, փոխադրման վճարը 6 500֏)։

Արսեն․

Բարև ձեզ։

Ես ուզում եմ խաղալիքներ ներկրել Պարսկաստանից Հայաստան, ու ինձ անհրաժեշտ է իմանալ՝ եթե ձեռքով անցկացնենք և ոչ թե մեքենայով, ի՞նչ է անհրաժեշտ։

Կարեն․

Եթե ունեմ ԱՁ և ինքնաթիռով գալուց հետս ցանկանում եմ 20 հատ հեռախոս բերել, որ հայտարարագրվի, հարկ մուծվի, և ԱՁ-ով վաճառեմ։ Ապրանքը լինելու է իմ ուղեբեռում։ Կասե՞ք՝ որտեղ ինչ քայլեր պետք է կատարեմ։

Կարեն․

Բարև Ձեզ։ Գնալու եմ Դուբայ և հետ գալուց ցանկանում եմ ինձ հետ երկու հատ փակ տուփով Iphone բերեմ։ Կասե՞ք՝ Զվարթնոցում մաքսային ստուգման ժամանակ խնդիր կլինի՞։ Առհասարակ ըստ օրենքի ես ինձ հետ որպես ուղեկցվող բեռ քանի՞ հատ փակ և/կամ բաց տուփով Iphone կարող եմ բերել։ Եվ մեկ էլ եթե համ էլ ցանկանում եմ հետը բերեմ notebook, այդ մասով ի՞նչ խնդիր կարող է լինել։ Թե՞ ապրանքները դիտարկվում են առանձին կատեգորիաներով, և հեռախոս ունենալը notebook-ին չի խանգարում։ Կխնդրեմ՝ ով լավ տեղեկացված է, հնարավորինս մանրամասն բացատրի, որ անակնկալի չգամ։ Շնորհակալություն։

Վարդ․

Բարև Ձեզ, հարցս հետևյալն է․ ընկերությունը գարի է ներմուծում (ԱԱՀ-ի հարկման դաշտ), սահմանին վճարում է 20% ներմուծման ԱԱՀ և վաճառքի ժամանակ նորից ևս 20% ԱԱՀ։ Հնարավո՞ր է՝ ինչ-որ արտոնություններ կան՝ կապված գարու ներմուծման հետ։

Հայկ․

Հաշվապահներ ջան, ԵՏՄ երկրներից ապրանք ներկրելուց, եթե մաքսազերծում չկա, ապա ի՞նչ հարկի մասին է խոսքը։ Հարկը արդյոք չի՞ վճարվելու այդ ապրանքների վաճառքից։ Եվ ինչպե՞ս է հաշվարկվում հարկի չափը։

Անի․

Ողջույն, հարգելի մասնագետներ, խնդրում եմ ասել՝ երրորդ երկրից ներմուծման ժամանակ արտարժույթի փոխարժեքը ո՞ր օրվանն ենք վերցնում՝ հայտարարագրման օրվա, թե՞ մաքսայինի կնիքի վրա նշվածը։

Դիանա․

Սիրելի հաշվապահներ, ֆիզ․ անձ եմ, Եվրոպայից փոխադրողի միջոցով շարժական գույք եմ տեղափոխում ՀՀ անձնական օգտագործման համար: Բացի այն փաստաթղթերից, որ պահանջում է մաքսատունը, հարկավո՞ր է արդյոք ներմուծման փաստաթուղթ ներկայացնել ՀՀ սահմանից դեպի մաքսատուն անցնելու համար: Էս դեպքում, որպեսզի բեռնատարի վարորդը նրկայացնի, ՀՀ մուտք գործելու համար: