Ելենա․

Բարև ձեզ։

Դասավանդում եմ, ինչպես նաև զբաղվում ֆրիլանս աշխատանքով։

Ցանկանում եմ բացել ԱՁ ։ Ի՞նչ քայլեր պետք է ձեռնարկեմ անմիջապես դրանից հետո, եթե ամսական եկամուտները մինչև 1 000 000 դրամ են։

Ի՞նչ հարկեր պետք է վճարեմ և ինչպե՞ս։

Սոնա․

Ողջույն, հարգելի՛ հաշվապահներ։ Կասե՞ք՝ որպես ֆրիլանսեր աշխատելու դեպքում, եթե եկամուտը քիչ է, ոչ ստաբիլ (ամսական 300 դրամից քիչ), ո՞րն է հարկային պարտավորությունները կատարելու ամենահարմար տարբերակը, որպեսզի շատ չտուժեմ։ Նախապես շնորհակալ եմ արձագանքի համար։

Սյուզաննա․

Բարև Ձեզ։ Անչափ շնրոհակալ կլինեմ, եթե պատասխանեք։ 2025թ-ին ֆրիլանս հարթակներից ամիսը մինչև 80 000 դրամ աշխատող ֆիզ․ անձը կարո՞ղ է միկրոձեռնարկատիրության սուբյեկտ համարվել։

Անուշ․

Ես որպես ֆրիլանս աշխատող ինչպե՞ս պետք է հարկերն վճարեմ, եթե գրանցված չեմ։ Եկամուտս ստանում եմ ԱՄՆ-ից ամեն ամիս 800$ – 1 200$ սահմաններում։ Արդյո՞ք պետք է ԱՁ բացել։ Եվ կասե՞ք խնդրում եմ՝ որքա՞ն տոկոսն եմ եկամտից վճարելու։

Արման․

Բարև Ձեզ։ ՏՏ ոլորտի ֆրիլանսեր եմ, աշխատում եմ արտասահմանյան պատվիրատուների հետ։ Հիմնականում կատարում եմ միանգամյա պատվերներ տարբեր անձանց համար, առանց որևէ պայմանագրի։ Ամսական աշխատավարձս տատանվում է 500 000 դրամի սահմաններում։ Խնդրում եմ նշել քայլերի հերթականությունը, որը պետք է անել օրինական հարկեր վճարելու և ՏՏ ոլորտի հարկային արտոնություններից օգտվելու համար։ Շնորհակալություն։

Մարիամ․

Բարև ձեզ։ Ֆլիլանս թարգմանչական կամ լեզվաբանական ծառայությունների ժամավճարով աշխատանքը արտասահմանյան ընկերության հետ ենթակա՞ է հայտարարագրման։ Նույն հարցը նաև հարկման մասին շրջանառության հարկի վերաբերյալ փոփոխությունների համատեքստում։

Մերի․

Բարև ձեզ, կարո՞ղ եք ասել՝ 2025 թվականից որքա՞ն է դառնում ՏՏ ֆրիլանսի դրույքաչափը ԱՁ շրջանառության դեպքում, շփոթմունք է առաջանում, տարբեր կարծիքներ են ասում, դա 1% Է, եթե համապատասխանի ցանկին, իսկ եթե չի համապատասխանում, ուրեմն 10% պետք է վճարենք, թե՞ 5%։ Շնորհակալություն։

Աննա․

Բարև ձեզ, ես կատարում եմ ֆրիլանս աշխատանք և վարձավճարը ստանում եմ կրիպտոարժույթով: Այդ արժույթը վաճառում եմ մաս-մաս, գումարը ստանում եմ իմ բանկային հաշվին: Լսել եմ, որ 2025 թվականից պետք է հայտարարագրվի բոլոր եկամուտները, խնդրում եմ ասել՝ ի՞նչ պետք է անել այս դեպքում: Որքա՞ն հարկ պետք է վճարեմ։

Արմինե․

Ունեմ հիմնական աշխատանք, գրանցված աշխատող եմ։ Սակայն երբեմն կատարում եմ թարգմանության պատվերներ դրսից (freelance հիմունքով), տարեկան ընդամենը 1 000 USD։ Ի՞նչ քայլեր պետք է անեմ, որտե՞ղ գրանցվեմ՝ ԱՁ, թե՞ միկրոբիզնես/ինքնազբաղված։ Շնորհակալություն։

Օլգա․

Բարև Ձեզ, հարգելի հաշվապահներ։ Խնդրում եմ ինձ օգնել։ Անցած տարվանից ես աշխատում եմ ֆրիլանս և անցկացնում եմ օնլայն հոգեբանական խորհրդատվություն։ Ստանում եմ արտասահմանից գումար քարտիս վրա։ Արդյո՞ք հարկավոր է այս տարի ներկայացնել հայտարարագիր։ Հնարավո՞ր է աշխատել որպես անհատ և ստանալ ՀՎՀՀ հարկերը վճարելու համար, թե՞ հարկավոր է բացել ԱՁ։ Ինչպե՞ս պետք է գրանցել այդ եկամուտը, և ինչպե՞ս է այն հարկվում։ Անչափ շնորհակալ կլինեմ պատասխանների համար։

Արմեն․

Բարև Ձեզ։ Ես առցանց աշխատում եմ որպես անհատ ծրագրավորող ամերիկյան կազմակերպությունում, ստանում եմ ամսական աշխատավարձ, որի փոխանցման նպատակը գրվում է “այլ”, և ցանկանում եմ շարունակել որպես Ա/Ձ։ Հարցս հետևյալն է` ո՞ր հարկատեսակով պետք է հարկվեմ, և որքա՞ն հարկ պետք է վճարեմ։ Նշեմ, որ տարեկան եկամուտս չի գերազանցում 8.000.000 ՀՀ դրամը։

Maya.

Բարև բոլորին, ունեմ ձեր օգնության կարիքը։ Բացել եմ ԱՁ, աշխատում եմ freelance, գործատուին ուղարկում եմ invoice, ԱՄՆ-ից գումարը փոխանցում է USD-ով ԱՁ հաշվի վրա։ Հարցս հետևյալն է․

Ինչպե՞ս կարելի է bank transfer-ի փոխարեն գումարը ստանալ PAYONEER – ով (ստանալու, կանխիկացնելու ձևը գիտեմ, հետաքրքիր է ձևակերպելու նրբությունները)։ Ունեցե՞լ եք նման փորձ։ Ի՞նչ խնդիրներ կարող են առաջանալ։ Շատ շնորհակալ կլինեմ ինֆոի համար։

Մարիամ․

Հարգելի հաշվապահներ, հնարավո՞ր է տեղեկություն ունենաք նոր ընդունված օրենքին՝ եկամուտները հայտարարագրելու վերաբերյալ։ Եթե ես մոտ 5 տարի ֆրիլանս աշխատել եմ, սակայն եկամուտը չեմ հայտարարագրել, արդյո՞ք անցած տարիների համար ևս պահանջվելու է վճարել հարկը։

Գոռ․

Բարև ձեզ, եթե տանից աշխատում եմ որպես ֆրիլանսեր 3D մոդելավորող՝ ծառայություն մատուցելով արտասահմանյան կազմակերպությանը, կարո՞ղ եմ արդյոք գրացվել որպես ԱՁ և աշխատել միկրոյի դաշտում կամ շրջհարկով, ո՞ր տարբերակը խորհուրդ կտաք։ Որքա՞ն հարկ պետք է վճարեմ։

Նարե․

Բարև Ձեզ: Upwork.com կայքի միջոցով աշխատող ֆիզ․ անձը և՞ս պետք է ներկայացնի եկամուտների հայտարարագիր։ Ինքնուրույն հնարավո՞ր է դա ճշգրիտ անել, թե՞ հաշվապահի օգնություն հարկավոր կլինի։

Մարինա․

Բարև ձեզ, եթե տանից աշխատում եմ որպես ֆրիլանսեր ծրագրավորող՝ ծառայություն մատուցելով արտասահմանյան կազմակերպությանը, կարո՞ղ եմ արդյոք գրացվել որպես ԱՁ և աշխատել միկրոյի դաշտում։

Մարիամ․

Ողջույն բոլորին։ Քանի որ բացարձակ գիտելիքներ չունեմ այս ոլորտից, խնդրում եմ ուղղորդեք ճիշտ քայլեր ձեռնարկել։

Գործունեություն պետք է ծավալեմ Upwork-ում, խնդրում եմ նշեք՝ որպես ի՞նչ գրանցվել հարկայինում, որպեսզի հնարավորինս քիչ վճարեմ հարկ, և եթե վճարումը ստանալու եմ Paypal-ով, ապա ինչպե՞ս են հարկայինից վերահսկելու եկամուտը։ Եվ եթե այնպես ստացվի, որ որոշ ամիսներ եկամուտ չլինի, միևնույնն է պե՞ տք է վճարումներ կատարեմ պետությանը։

Արթուր․

Բարև ձեզ։ Կարո՞ղ եք ասել՝ ֆրիլանս (web) ծառայությունների մատուցման համար ո՞ր հարկման ռեժիմն է ավելի հարմար, և ի՞նչ հարկեր են գոյանում։ Ծառայությունները պետք է մատուցվեն նախօրոք կնքված պայմանագրով, որի հիման վրա պետք է դուրս գրվի հաշիվ ԵԱՏՄ երկրներ՝ Կազախստան, Բելառուս, Ռուսաստան։ Ինչպե՞ս պետք է դուրս գրել հաշիվները։ Եվ ԱՁ գրանցելուց գործունեության ո՞ր կետը պետք է նշվի։ Նախապես շնորհակալություն։

Աննա․

Բարի օր։ ԱՁ-ն զբաղվում է freelance աշխատանքով, ծառայություններն արտահանում է (0 – ական ԱԱՀ): Աշխատում է տարվա մեջ ընդամենը մի քանի ամիս, այդ պատճառով է ընդհանուր հարկման համակարգում:

Հնարավո՞ր է արդյոք ծառայությունն որպես արտահանված ձևակերպել, եթե վճարողն արտասահմանում օրինական բնակվող ՀՀ քաղաքացի լինի: Ծառայությունն օգտագործվելու է ՀՀ-ից դուրս փոքր նորաստեղծ ընկերության կողմից:

Տիգրան․

Բարև ձեզ, ֆրիլանս ծառայություններ եմ մատուցում Upwork – ում, հիմա Upwork-ը VAT ID է ուզում, ընդ որում դա պիտի լինի 9 նիշ թիվ և պիտի ավարտվի 1-ով: Ես ԱՁ եմ, և ID քարտի համարից բացի այլ 9 նիշ ոչինչ չունեմ, ԱՁ ՀՎՀՀ 8 նիշ է, սոց․ քարտի համարը՝ 10 նիշ: ID քարտի համարը չի ընդունում: Պետռեգիստրում ասացին, որ առանձին ԱԱՀ համար չկա: Հիմա ես Upworkում ի՞նչ լրացնեմ։