Tag: ժամավճար

Արև․

Կարո՞ղ է արդյոք ընկերությունն աշխատանքային պայմանագիր կնքել աշխատողի հետ շաբաթական 28 ժամ աշխատաժամանակով (աշխատակցի խնդրանքով), ժամավճարով և gրանցման հայտում 4.1.6 վանդակում գրել ոչ լրիվ աշխատաժամանակ, իսկ 4.1.7 վանդակում՝ 28՝ ժամային տարիֆային դրույքի չափը սահմանելով 500 դրամ:

Նարինե․

Ես գրաֆիկ դիզայներ եմ։ Աշխատում եմ ազատ գրաֆիկով։ Տարվա մեջ կարող եմ ունենալ մի քանի պատվեր։ Ամիսներ է լինում, որ չեմ աշխատում։ Միջին աշխատավարձը կազմում է 20 000 - 30 000 դրամ։ Հարկային ի՞նչ դաշտ գոյություն ունի ԱՁ բացելու և հարկեր վճարելու՝ ժամավճարի տեսքով։ Եվ միջին աշխատավարձի չափի բարձրացումը հարկային ի՞նչ պարտավորություններ է ստեղծում։

Արմեն․

Ո՞վ կասի՝ 24 ժամյա հեթափոխի աշխատավարձը որքա՞ն կկազմի, եթե պայմանագրով նորմալ աշխատաժամ է, և աշխատում են շաբաթական 48 ժամ, շաբաթը երկու հեթափոխ 24 ժամով, աշխատավարձ՝ ֆիքսված 75 000 դրամ, և վճարը ժամավճար, ու ո՞ր ժամերը պետք է հաշվարկվի արտաժամ։ Շատ մերսի։

Տաթևիկ․

Հարգելի գործընկերներ, եթե աշխատանքը վարձատրվում է ժամավճարով, և աշխատողը աշխատել է շաբաթ-կիրակի օրերին։ Շաբաթ-կիրակի օրերին վճարել ենք սահմանված ժամավճարը, կրկնակի վճարելու կարիք կա՞։

Աստղիկ․

Բարև Ձեզ։ Աշխատող եմ ցանկանում գրանցել, աշխատելու է օրական 2 ժամ, այսինքն նվազագույնը ժամի համար 750 դրամ պետք է սահմանեմ (աշխատաժամանակի կրճատ տևողության դեպքում՝ մինչև 24-ժամյա աշխատանքային շաբաթ՝ 750 դրամ) հարկերի հետ միասին որքա՞ն կկազմի։

Մելինե․

Բարև ձեզ։ Դիցուք ժամավճարով աշխատող անձի աշխատավարձը 1 ժամվա համար 2 000 դրամ է, այսինքն պահպանված է ժամավճարի նվազագույնը (ամսական կազմում է 50 000 դրամ)։ Հիմա այս աշխատողին արձակուրդային հաշվելիս միջին աշխատավարձի հաշվման կարգը կասե՞ք պարզ: Էլի պիտի 104 000 հիմք վերցնել, թե՞ 50000։ Տարբեր կարծիքներ են բոլոր տեղերում: Շնորհակալ կլինեմ, եթե պարզաբանվի:

Տաթևիկ․

Հարգելի գործընկերներ, եթե աշխատողը աշխատում է ժամավճարով՝ 1 ժամը 1 000 դրամ (ներառյալ հարկերը), ու՞մից պետք պահվի դրոշմանիշային վճարը։

Հայկ․

Բարև Ձեզ: Աշխատանքային օրենսգրքով պահանջվում է աշխատանքային պայմանագրում նշել աշխատավարձը որոշելու ձևը: Կարելի՞ է օրինակ սահմանել ամսական դրույքաչափ 80 000 դրամ (պահումներից հետո 60 000 ) այն դեպքում, երբ շաբաթական աշխատաժամանակի տևողությունը 12 ժամ է: Խախտում կդիտվի՞: Ժամավճար չեմ ուզում սահմանել, քանի որ ամեն ամիս տարբեր մեծություններ կստացվի: Կխնդրեմ ուղղորդել: Շնորհակալություն։

Եթե խանութի վաճառողուհին աշխատում է ոչ լրիվ աշխատաժամանակով` շաբաթը 30 ժամ, ժամավճարը կարո՞ղ եմ 450 դրամ գրել։

Մարի.

Բարև Ձեզ, հարգելիներս: ՍՊԸ-ն աշխատում է միկրոյի դաշտում: Տնօրենը գրանցված է 2022թ. հոկտեմբերի 6-ից, 20 ժամ շաբաթական տևողությամբ, գործունեություն դեռ չի իրականացրել: Ձև 189 պե՞տք է ուղարկել Եթե այո, ո՞ր տողերը լրացվի, որքան աշխատավարձ հաշվարկվի, երևի ժամավճար կհաշվարկվի, և որքա՞ն հարկեր կգոյանան: Շնորհակալ եմ նախապես: Հավելեմ նաև, որ տնօրենը աշխատում է դպրոցում, որպես ուսուցչուհի:

Հայարփի.

Հարգելի հաշվապահներ, ինչպե՞ս վարել հաշվառումը ժամավճարով վարձատրվող դասապատրաստողների, եթե ընդունվելուց կնքվում է աշխատանքային պայմանագիր և շաբաթական ժամ ֆիքսվում և նույն ժամը նշվում 79 ձև հայտի մեջ, սակայն ամեն ամիս տարբեր լինում։ Արդյո՞ք սահմանվում է արտաժամյա, եթե տարբերվում է պայմանագրի գրաֆիկից։ Ինչպե՞ս կարգավորել որպեսզի ճիշտ լինի։ Շնորհակալություն

Ժասմենա. Բարև ձեզ։ «Սովորողների տնային ուսուցման» կարգում նշվում է, որ տնային ուսուցում իրականացնող ուսուցիչների վարձատրությունն իրականացվում է ժամավճարով, հաշվի առնելով, հաստատությունում սահմանված դրույքաչափը։ Խնդրում եմ մեկնաբանել, թե ինչպե՞ս պետք է վճարենք այդ ուսուցիչներին։ Շնորհակալություն։

Բարև ձեզ։ Հնարավոր է արդյոք, դպրոցի Կառավարման խորհրդի որոշումով, օրենքով սահմանված ժամավճարի նվազագույն չափից ավել չափ սահմանել՝ մանկավարժի վճարի չափը ձևավորելիս։ Շնորհակալություն։

Անուշ. Բարև Ձեզ: Խնդրում եմ պատասխանեք հետևյալ հարցին․ որքա՞ն է կազմում ներկայում գործող ժամավճարային դրույքաչափը։ Շնորհակալություն։

Հայարփի. Բարև Ձեզ, հարգելի հաշվապահներ։ Խնդրում եմ, թե՞ կարող եք՝ օգնեք հասկանամ։ Արդյոք մանկավարժները, դասպատրաստողները և հոգեբանները ընդգրկվու՞մ են կրճատ աշխատաժամանակի մեջ՝ մինչև 36 ժամ նորմալ տևողությամբ, շաբաթ, և ըստ դրա նվազագույնը սահմանվու՞մ է արդյոք 454 դրամ։ 2. Եթե ժամավճարով աշխատողին 1 ժամվա համար վճարում եմ 1000 դրամ աշխատավարձ, ներառյալ՝ հարկերը, դրոշմանիշային վճարը ո՞վ պետք վճարի։ Նշեմ նաև, որ ամսական ընդհանուր ծավալը չի գերազանցում, օրինակ՝ 25 000-ը, այսինքն՝ փաստացի քիչ ժամեր է աշխատում, օրինակ՝ 25ժամ*1000 դրամ=25 000 դրամ՝ հարկերով։ Կանխավ շնորհակալ եմ։

Հայկուշ․ Եթե փոխարինող ուսուցիչը աշխատել է ժամավարձով՝ 14.03.22թ․-ից մինչև 28.03.22թ․-ը, ինչպե՞ս հաշվարկել վերջնահաշվարկը և այդքան օրվա աշխատավարձը։

Հովսեփ. Բարև ձեզ: Չէի՞ք ասի՝ գիշերային ժամավճարի հաշվարկը։

ԱՆԻ. Գործավարձով և ժամավճարով վարձատրվող աշխատակիցների համար ժամային տարիֆային դրույքի նվազագույն չափը օրինակ` 1) աշխատաժամանակի նորմալ տևողության դեպքում (40-ժամյա աշխատանքային շաբաթ)՝ 406 դրամ, այդ 406 ինչպե՞ս է ստացվում, և հաշվարկային, թե՞ մաքուրն է այդքան։

Սյուզան. Աշխատող աշխատել է ժամավճարով, (ոչ լրիվ աշխատաժամանակ) 4 օր 7 ժամով, ամսվա մեջ 16 օր, ամսվա մեջ 112 ժամ, ժամային տարիֆը 562 նորմա՞լ է 562*7*116=62944 (63000):

Անի․ Հարգելի՛ հաշվապահներ, խնդրում եմ օգնեք: Հարցս հետևյալն է. մատուցողին վճարում ենք օրական 3 000 դր․ աշխատավարձ, մնացածը նա վաստակում է թեյավճարով: Մատուցողին գրանցել օրական աշխատավարձո՞վ 3 000դր և հաշվարկել այդպես, տաբելի մեջ էլ նշել օրական 8 ժամ, թե՞ ժամավճարով գրել: Ո՞ր տարբերակն է ճիշտ: Հավաքարարներին և սպասք լվացողներին նույնպե՞ս օրական ենք վարձատրում՝ շաբաթաան գալիս են 3 օր, օրը 5 000դր: Ինչպե՞ս ձևակերպել: Կանխավ շնորհակալ եմ: