
Աշխատավարձի գծով ծախսերի նվազեցում շրջանառության հարկից
Նարե․
Բարև Ձեզ։ Հարգելի հաշվապահներ, 2025թ-ից շրջանառության հարկի գումարից աշախատավարձի գծով ծախսերը նվազեցվելու՞ են, եթե կազմակերպությունն իրականացնում է ծառայությունների մատուցում` որպես այլ գործունեությունից ստացվող եկամուտներ։

Հանրային սննդի ծախսերի նվազեցումներ
Տիգրան․
Բարև Ձեզ։ Եթե հանրային սննդի կազմակերպությունը այս տարի գերազանցել է 115 մլն շեմը և ներկայացրել է "262. Հայտարարություն՝ հանրային սննդի ոլորտում գործունեություն իրականացնելու համար շրջանառության հարկ վճարող համարվելու վերաբերյալ" ձևը, կարո՞ղ է շարունակել նվազեցնել հանրային սննդի հետ կապված 3% ծախսերը, թե՞ ոչ։

Ապրանքային մնացորդի ԱԱՀ հաշվանցում
Աիդա․
Բարև Ձեզ։ Շրջանառության հարկով աշխատող ԱՁ-ն իրականացրել է ներմուծում ՌԴ-ից՝ ավտոպահեստամասեր, հաջորդ տարի անցել է ԱԱՀ-ի և ունեցել է ապրանքային մնացորդ, որը վաճառել է ԱԱՀ-ով։ Արդյո՞ք իրավունք ունի շրջհարկով աշխատելու ժամանակ ներմուծված ապրանքների ԱԱՀ-ն հաշվանցելու։

ԱԱՀ հաշվանցում ֆիզ. անձի կողմից
Աննա․
Հարգելի հաշվապահներ, կասե՞ք՝ ի՞նչ պետք է արվի նման պարագայում․ ֆիզ․ անձը, ով ԵՏՄ -ից ներմուծել է ապրանք, որը գերազանցել է ֆիզ․ անձանց կողմից ներմուծվող ապրանքների թույլատրելի սահմանը, սահմանին ասել են՝ պետք է ԱՁ բացել, ֆիզ․ անձը գրանցվել է որպես ԱՁ, բայց փաստացի ստացվել է ներմուծումից հետո, ներկայացրել է ներմուծման հայտարարագիր, կասեք խնդրեմ․ ԱԱՀ հաշվարկի մեջ 17 տողում ՀՀ տարածք ներմուծված ապրանքների բերում է այդ ներմուծման արժեք, արդյո՞ք այս պարագայում դեբետային ԱԱՀ հնարավոր է հաշվանցել, չէ՞ որ ներմուծումը փաստացի եղել է ֆիզ․ անձով: Կանխավ շնորհակալ եմ։

Արդյո՞ք առաջանում է բնապահպանական հարկի պարտավորություն
Արթուր․
Հարգելի խումբ, ԱՁ-ն զբաղվում է սառը սուրճ թեյի արտադրությամբ, ստանում է հաշվով պլաստիկե բաժակներ, որը բնականաբար օգտագործում է իր արտադրության մեջ, հիմա հարցը՝ արդյո՞ք տվյալ ԱՁ ն պետք է վճարի բնապահպանական հարկ։

ՌԴ քաղաքացին որպես ԱՁ
Աննա․
Բարև ձեզ։ Եթե ՌԴ քաղաքացին այստեղ ԱՁ է բացում, գործունեություն է ծավալելու IT ոլորտում, աշխատելու է շրջ. հարկի դաշտում, ի՞նչ հարկեր է վճարելու բացի շրջանառության հարկի 5%-ից: Եվ բանկում հաշիվ բացելու համար ի՞նչ փաստաթղթեր է պահանջում բանկը ներկայացնել (կխնդրեմ նշել նաև բանկը, եթե խմբի պահանջները չեն խախտվում)։
Արդյո՞ք ՌԴ քաղաքացին պետք է պարտադիր սոցիալական քարտ ունենա։ Նշեմ, որ առցանց լիազոր գրանցվելու է ՀՀ քաղաքացի, ով ունի նույնականցման քարտ, այդ մասով խնդիր չկա։ Շնորհակալ կլինեմ, եթե արձագանքեք։

Անձնական օգտագործման նպատակով ապրանքի ներմուծում ՌԴ-ից
Հայկ․
Հաշվապահներ ջան, եթե Ռուսաստանից անձնական օգտագործման նպատակով 30 կգ քաշով և 200 եվրոյից բարձր արժեքով ապրանք գա Հայաստան, այս դեպքում հարկայինի և մաքսայինի հետ ինչ որ խնդիրներ կառաջանա՞ն։

Մանկական ժամանցային խաղերի կազմակերպում
Անի․
Ողջույն, հարգելի մասնագետներ։ Խնդրում եմ օգնել. ես ունեմ ԱՁ, ցանկանում եմ զբաղվել մանկական ժամանցային խաղեր տրամադրելով՝ համապատասխան սարքավորումների միջոցով: Արդյո՞ք անհրաժեշտ է լիցենզիա տվյալ գործունեության համար, և ի՞նչ հարկատեսակով պետք է աշխատել։

Միջնորդային գործունեություն
Լիանա․
Չինական ընկերությունը ծառայություն է մատուցելու ռուսական ընկերությանը։ Ծառայության դիմաց գումարը ռուսական ընկերությունը փոխանցելու է հայկական ընկերությանը որպես միջնորդ, իսկ հայկական ընկերությունը փոխանցելու է Չինաստան։ Խնդրում եմ ասել՝ արդյո՞ք այս դեպքում հայկական ընկերությունը պետք է աշխատի ԱԱՀ-ի դաշտում։

Շրջանառության հարկի փոփոխություններ 01․01․2025-ից
Հովհաննես․
Շրջանառության հարկի փոփոխություններ 01․01․2025
Հարգելի հաշվապահներ, խնդրում են պարզաբանեք․
1․ Պետական աջակցության ենթակա գործունեության տեսակներով զբաղվող տնտեսվարող ցուբյեկտները 01․01․2025-ից շարունակու՞մ են վճարել 5% շրջանառության հարկ, անկախ այն փաստից հարկային արտոնություններից օգտվելու հավաստագիր ստացել են, թե ոչ
2․ Առևտրական (առք ու վաճառքի) գործունեությունից ձևավորվող հարկման բազայի մասով հաշվարկված շրջանառության հարկի գումարից 01․01․2025-ից նվազեցվում են աշխատանքի վարձատրության, իրացման և այլ ծախսերը, թե՞ անմիջական վաճառքի նպատակով ձեռք բերված ապրանքների գծով կատարված և փաստաթղթերով հիմնավորված ծախսերի։
Կանխավ շնորհակալություն։

Իրավաբանական անձը ֆիզ. անձից բնակարան է գնում
Հերմինե․
Բարև ձեզ։ Եթե իրավաբանական անձը ֆիզ անձից բանակարան է գնում, ի՞նչ հարկային պարտավորություն է առաջանում։

Ընկերությունը գարի է ներմուծում
Վարդ․
Բարև Ձեզ, հարցս հետևյալն է․ ընկերությունը գարի է ներմուծում (ԱԱՀ-ի հարկման դաշտ), սահմանին վճարում է 20% ներմուծման ԱԱՀ և վաճառքի ժամանակ նորից ևս 20% ԱԱՀ։ Հնարավո՞ր է՝ ինչ-որ արտոնություններ կան՝ կապված գարու ներմուծման հետ։

ԱԱՀ ձևակերպումներ
Հայկ․
Բարև Ձեզ։ Ընկերությունը ստացել է 600 000 դրամի (ԱԱՀ-ով) նյութեր ապրիլ ամսին։ 100 000 ՀՀ դրամի ԱԱՀ-ն ապրիլ ամսին հաշվանցել ենք։ Հունիս ամսին այդ նյութերը օգտագործել ենք ԱԱՀ-ից ազատված գործարքի համար։ 100 000 դրամի ԱԱՀ-ն հունիս ամսվա համար ԱԱՀ-ի հաշվետվության մեջ ձեռքբերումների պակասեցում տալուց բացի ի՞նչ այլ հաշվապահական ձևակերպումներ պետք է կատարել։ Ի՞նչ հաշվապահական գործառնություններ պետք է կատարել։

Բաժնեմասի գնում և վաճառք
Արևիկ․
ՀՀ ռեզիդենտ կազմակերպությունը մտադիր է գնել ոչ ռեզիդենտ կազմակերպությանը պատկանող այլ ոչ ռեզիդենտ կազմակերպության 100% բաժնեմասը։ Մեկ տարվա ընթացքում ՀՀ ռեզիդենտ կազմակերպությունը վաճառելու է ձեռք բերված կազմակերպության 100% բաժնեմասը ակտիվների արժեքից ավելի թանկ արժեքով։ Վաճառելու է այլ ոչ ռեզիդենտ կազմակերպությանը։ Ի՞նչ հարկեր են առաջանալու 2 դեպքում էլ ՀՀ ռեզիդենտ կազմակերպության մոտ։

Շրջանառության հարկի փոփոխություն
Հարութ․
Հարգելի հաշվապահներ, արդյո՞ք ճիշտ է, որ շրջանառության հարկի դրույքաչափերը փոփոխվելու են։ Խնդրում եմ տրամադրել տեղեկատվություն նախատեսվող դրույքաչափերի, ինչպես նաև ժամկետների վերաբերյալ։ Շնորհակալություն։

Տնօրենը պարտավորություն կրու՞մ է
Գոռ․
Բարև Ձեզ։ Եթե կազմակերպությունը ունի հարկային պարտավորություն, և գործունեությունը ժամանակավորապես դադարեցվում է, տնօրենը պարտավորություն կրու՞մ է։

Վարսավիրական աշխատատեղի վարձակալություն
Քրիստինե․
Բարև ձեզ։ Վարսավիրական և մատնահարդարման աթոռը վարձակալությամբ հանձնելն ինչպե՞ս է կատարվում, վարձատուն ի՞նչ հարկեր է վճարում։
Շնորհակալ եմ։

Զբոսաշրջության կազմակերպում սոց. փաթեթներով
Վիգեն․
Բարև Ձեզ, ուզում եմ սոցփաթեթների, ներգնա տուրերի կազմակերպմաբ զբաղվեմ: Որ խնդրեմ կասե՞ք՝ ինչպե՞ս է կարգը համագործակցության՝ հյուրանոցներ հաճախորդներ ուղարկելու հետ կապված։

Առցանց աշխատանք որպես ֆրիլանսեր
Օլգա․
Բարև Ձեզ, հարգելի հաշվապահներ։ Խնդրում եմ ինձ օգնել։ Անցած տարվանից ես աշխատում եմ ֆրիլանս և անցկացնում եմ օնլայն հոգեբանական խորհրդատվություն։ Ստանում եմ արտասահմանից գումար քարտիս վրա։ Արդյո՞ք հարկավոր է այս տարի ներկայացնել հայտարարագիր։ Հնարավո՞ր է աշխատել որպես անհատ և ստանալ ՀՎՀՀ հարկերը վճարելու համար, թե՞ հարկավոր է բացել ԱՁ։ Ինչպե՞ս պետք է գրանցել այդ եկամուտը, և ինչպե՞ս է այն հարկվում։ Անչափ շնորհակալ կլինեմ պատասխանների համար։

2 տարբեր գործունեություն 1 ԱՁ-ով
Գասպար․
Բարև Ձեզ։ Ունեմ ԱՁ, որը օգտագործում եմ խանութի համար, շրջանառությունը չի գերազանցում 24 մլն-ը։ Հնարավո՞ր է օգտագործել տվյալ ԱՁ-ն այլ գործունեության համար` ստանալ աշխատավարձ այլ բնագավառում։ Եթե այո, ապա խանութը դուրս կգա՞ միկրոյից ու կհարկվի շրջանառությունի՞ց։
Վերջին մեկնաբանություններ