Tag: հարկեր և տուրքեր

Եվա․

Բարև Ձեզ, կասե՞ք՝ գույքի (աթոռ, բազմոց) քիմմաքրման աշխատանքներ իրականացնող ԱՁ կարո՞ղ է աշխատել միկրոյի դաշտում։

Հայկ․

Բարև Ձեզ։ Ընկերությունը ֆիզիկական անձից վարձակալության է վերցրել անշարժ գույք։ Հնարավո՞ր է պայմանագրում կետ նշվի, որով ընկերությունը իր հաշվին կարող է կատարել վերանորգման աշխատանքներ։ Այս դեպքում եթե ընկերությունը կատարի վերանորոգման աշխատանքներ, կարո՞ղ է կատարված ծախսը շահութահարկով ծախս ճանաչել։

Avik.

Հաշվապահներ ջան, բարև Ձեզ։ Խնդրում եմ ասեք՝ ի՞նչ հարկատեսակով գրանցեմ ԱՁ-ն ավտեպահեստամասերի խանութի համար։

Սյուզի․

Բարև Ձեզ։ Կտեղեկացնե՞ք խնդրեմ՝ խաղողի օղու իրացման դեպքում ակցիզային հարկի ո՞ր դրույքաչափը պետք է կիրառեմ , ճի՞շտ է արդյոք այն հաշվարկել պտուղներից և (կամ) հատապտուղներից պատրաստված օղի 2208 90 330 0/2208 90 380 0/220890480 0 դասակարգչին համապատասխան։ Շնորհակալություն։

Հայկ․

Բարև Ձեզ։ Ընկերությունը ֆիզ․ անձից վարձակալության է վերցրել տարածք 400 000 ՀՀ դրամով։ Պայմանագրում նշված է, որ այդ գումարից վարձակալը պահում է եկամտային հարկը, իսկ մնացածը վճարում է վարձատուին։

1․Կասե՞ք՝ ինչպե՞ս տալ հաշվապահական ձևակերպումները։

2․ Շահութահարկով որքա՞ն գումարը կարող եմ ծախս ճանաչել։

Տաթև․

Բարև Ձեզ, Ա/Ձ-ն միկրոյով է աշխատում, ուներ 3 ամսվա չվճարված հարկեր, որի համար ծանուցվել է վարչական գնալու համար, ծանուցվելուց 10 օր հետո բոլոր պարտքերը մարվել են, բայց դրոշմանիշյին վճարը արդեն 10 օր է պարտք է ցույց տալիս։ Ի՞նչը կարող է պատճառ լինել, և ի՞նչ պետք է անեմ:

Գայանե․

Բարև Ձեզ, որ խնդրեմ կասե՞ք՝ ի՞նչ պատասխանատվություն կա նախորդ տարիների 163 ձևը (բնակարանի վարձակալությունից եկամտային հարկի հաշվարկը) ուշ ներկայացնելու և վճարումները ուշացնելու համար: Նախապես շնորհակալ եմ:

Վարդ․

Բարև Ձեզ։ Եթե ՍՊԸ-ն ֆիզիկական անձից գնի 5 մլն․ դրամի արժողությամբ մեքենա, ի՞նչ հարկեր կառաջանան։

Դիաննա․

Բարև Ձեզ, հարգելի հաշվապահներ։ Նախորդ տարվա վերջ X ՍՊԸ-ն Y ոչ առևտրային կազմակերպությանը ապրանք է մատակարարել, իսկ ոչ առևտրային կազմակերպությունը վճարել է պարտքի մի մասը, այժմ ունի կրեդիտորական պարտք X ՍՊԸ-ին։ Եթե եռակողմ պայմանագիր է կնքվում և X ՍՊԸ-ի պարտքը մարում է մեկ այլ ՍՊԸ-ն, արդյո՞ք դա դիտվում է որպես եկամուտ ոչ առևտրային կազմակերպության համար։ Արդյո՞ք առաջանում են հարկային որևէ պարտավորություններ ոչ առևտրային կազմակերպության և ՍՊԸ-ի համար։ Ոչ առևտրային կազմակերպության գործունեությունը ներկա պահին դադարեցված է անորոշ ժամկետով։ Կանխավ շնորհակալություն։

Արթուր․

Բարև, հարգելի խումբ։ ԱՁ-ն ցանկանում է զբաղվել սառը սուրճի արտադրությամբ Երևանում․
1․ Արդյո՞ք գործունեությունը կարող է աշխատել միկրոձեռնարկատիրության դաշտում
2․ Արդյո՞ք միայն ԱԱՀ-ը վճարողներն են vero համակարգում դրոշմապիտակի վերագրում և հաշվառում կատարում
3․ Եթե ԱԱՀ վճարող չէ արդեն ձև 247-ով
4․ Ֆիզ ծավալի հաշվետվություն արդյո՞ք տրվելու է
5․ Ապրանքի ծածկագիրն ըստ ԱՏԳ ԱԱ կարծում եմ 2202 պետք է լինի 200մլ է
ՆԱԽԱՊԵՍ ՇՆՈՐՀԱԿԱԼ ԵՄ։

Վարդան․

Տարադրամի փոխանկման կետերը ի՞նչ հարկման համակարգով են աշխատում, և ի՞նչ հարկեր պետք է վճարել։

Սուրեն․

Ընկերնե՛ր, ողջույն։ Եթե ԱՁ-ն բացվել է ու միկրոյի հայտ չի ներկայացվել, հնարավո՞ր է ԱՁ-ն փակել, նորից բացել:

Մարի․

Հարգելի հաշվապահներ, խնդրում եմ օգնեք: Արդյո՞ք հետևյալն հնարավոր է որպես ծախս ձևակերպել և նվազեցնել ԱՁ-ի շահութահարկից: Արտասահմանյան ընկերությունից օնլայն գնված է սպասարկման ծառայություն: Առկա է էլեկտրոնային անդորրագիր, որտեղ նշված են ԱՁ-ի անուն/ազգանուն, “ԱՁ”անգլերենով, հաշվառման հասցե: Վճարումն արվել է ԱՁ քարտից: Սա բավարա՞ր է ծախս հիմնավորելու համար: Հաշվետվութունում պետք է լրացնել “Վարչական ծախսեր/Տեղեկատվական ծառայությունների գծով ծախսեր” բաժնու՞մ:

Ճի՞շտ եմ հասկանում որ այլ այս բնույթի ծախսերն, որոնք արվել են ԱՁ քարտից, բայց անդորրագիր չունեն, հիմնավորված չեն: Oրինակ՝ Ekeng համակարգի տարեկան վճարն:

Հարություն․

Խորհրդատվական ծառայություններ տրամադրող ԱՁ-ով վճարել եմ շրջհարկ, հիմա եռամսյակային վճարը անելուց համակարգն ասեց, որ ավտոմատ կերպով անցել եմ ԱԱՀ վճարման դաշտ, մոտ մեկ ժամ առաջ ներկայացրել եմ 216 ձևը, որպեսզի չեղյալ համարեն, քանի որ ես ոչ մի հաշվետվություն չեմ ներկայացրել ԱԱՀ դառնալու համար, և նորից վճարեմ 5 տոկոս որպես շրջհարկ վճարող, մի քանի տեղ տեսել եմ, որ այս ձևով խնդիրը չի լուծվում, դա ճի՞շտ է, և ի՞նչ պետք է արվի նման դեպքում։

Արեգա․

Հարգելի հաշվապահներ, այսպիսի հարց․ 2023թ հաշվարկվել է հիմնական միջոցների ամորտիզացիան։ Հարցս հետրևյալում է.

1. Շահութահարկի հաշվարկի 8-րդ բաժնում հիմնական միջոցներ
-հաշվապահական հաշվեկշռային արժեք
-հարկային բազա (հարկման նպատակով հաշվեկշռային արժեք)
Երկուսում էլ պետք է ցույց տրվի ամորտիզացիայի նու՞յն գումարը

2. Ո՞րն է
-հաշվապահական հաշվեկշռային արժեք
-հարկային բազա (հարկման նպատակով հաշվեկշռային արժեք)-ի տարբերությունը։

Կանխավ շնորհակալություն։

Սուսաննա․

Բարև ձեզ, խնդրում եմ պատասխանել՝ ֆիզիկական անձը 2023թ. բնակարանի վարձակալությունից ստացված եկամուտների մասին հաշվետվության ո՞ր ձևը պետք է լրացնի: Շնորհակալություն:

Արթուր․

Բարև ձեզ, հարգելի խումբ։ ԱՁ-ն աշխատում էր շրջանառության հարկի դաշտում, և 10.04.2024 թվականին տալիս է հայտարարություն ԱԱՀ վճարող դառնալու համար 01.04.2024 թվականից։ ԱՁ-ն առանց ԱԱՀ հաշիվ է գրել ֆիզ․ անձանց ամսի 2-ին և 9-ին, ունի նաև ստացված հաշիվներ այդ ընթացքում ԱԱՀ-ով։

1) Այս երեք հաշիվները արդյո՞ք պետք է ճշտգրտել, թե՞ այլ տարբերակ կառաջարկեք

2) Ստացված հարկային հաշիվների մասով, ոնց հասկանում եմ, խնդիր չկա, քանի որ 1-ից հետո են գրվել

Վահագն․

Բարև Ձեզ։ ԱՁ-ն ցանկանում է վարկ վերցնել արտարժույթով, բայց արտարժույթով ոչ մի գործարք չունի, կարո՞ղ է այդ գումարը կանխիկացնել և փոխանակել արտարժույթի փոխանակման կետում, կամ փոխանցել իր անձնական ֆիզ. անձի հաշվին որպես անտոկոս փոխառություն։ ԱՁ-ն դրամարկղի գիրք չունի, քանի որ աշխատում է միկրոձեռնարկատիրության դաշտում։