Tag Archive: աշխատավարձ

Aug 02 2016

Աշխատավարձի փոփոխություն և գնային սղաճի հաշվարկ

Ադրինե.

Բարև ձեզ: Շնորհակալ կլինեի, եթե պատասխանեիք հետևյալ հարցիս.
Աշխատանքային պայմանագիրը կնքվել է երկու տարով, և այդ երկու տարվա ընթացքում կատարվել է աշխատավարձի փոփոխություն, ապա գնային սղաճի հաշվարկ: Աշխատավարձի փոփոխությունը կատարվել է պայմանգրում փոփոխություններ կատարելու մասին ձևաթղթով: Գնային սղաճի հաշվարկը ևս իրականացվել է համապատասխան ձևաթղթի հիման վրա, որտեղ հղում է կատարվել ոչ թե սկզբնական աշխատանքային պայմանագրի ստորագրման ամսաթվին, այլ վերջին փոփոխության ամսաթվին (աշխատավարձի փոփոխության փաստաթղթի ամսաթվին): Եվ հետագա պայմանգրի երկարացման համար ևս հղում է կատարվել վերջին փոփոխված փաստաթղթի ամսաթվին (գնային սղաճի փաստաթղթի ամսաթվին): Արդյո՞ք դա ճիշտ է, թե՞ ոչ: Կանխավ շնորհակալ եմ:

Jul 20 2016

Գործատուն չի վճարել աշխատավարձը

Մելանիա.

Աշխատավարձս գործատուն պարբերաբար ուշացրել է, դեռևս երկու տարվանն էլ պարտք է կուտկվել, մեկ ամիս առաջ էլ ազատվել եմ աշխատանքից: Ինչպիսի՞ իրավունքներ ունեմ։ Ու՞ր դիմեմ:

Jul 12 2016

Ո՞ր աշխատավարձերն են հաշվի առնվելու նպաստի հաշվարկման ժամանակ

Հայկանուշ.

Բարև բոլորին: Խնդրում եմ օգնեք ինձ: Հիմնական աշխատավայրում գտնվում եմ ֆիզ. արձակուրդում, սակայն աշխատում եմ համատեղությամբ երկու այլ հիմնարկություններում: Շուտով նորից տրամադրվելու է հղիության և ծննդաբերության արձակուրդ: Եթե կարող եք պատասխանեք. որտեղի՞ց է վճարվելու նպաստը, ո՞ր աշխատավարձերն են հաշվի առնվելու: Եվ եթե հարկայինից տեղեկանքներ են ներկայացվելու հիմնական աշխատատեղ, ապա որտեղի՞ (հիմնական աշխատատեղը Երևանում է, իսկ մյուս երկուսը՝ ուր այս պահին աշխատում եմ այլ քաղաքում):

Jul 04 2016

Արդյո՞ք նպաստի գումարը ճիշտ է վճարվել

Tatul.

Բարև ձեզ.
Խնդրում եմ օգնեք մի հարցում:
Կինս 2014թ -ի սեպտեմբերից գտնվում է ֆիզ արձակուրդում: 2014թ. օգոստոս ամսվա աշխատավարձը եղել է 82 675 դրամ, հուլիսինը` 82 675 դրամ, հունիսինը` 82 675 դրամ, մայիսինը` 60 520 դրամ, ապրիլինը` 35 038 դրամ: Դրանից առաջ չի աշխատել:

Ֆիզ. արձակուրդը դեռ չլրացած նորից ֆիզ արձակուրդ է գնացել 17.02.16թ-ից: Առաջին ֆիզի ժամանակ գործատուն նորմալ վճարել է, իսկ երկրորդի ժամանակ առաջինի կեսի չափով է վճարել ֆիզ. արձակուրդի գումարը: Խնդրում եմ ասեք` որքա՞ն է կազմում երկրորդ ֆիզ արձակուրդի գումարը: Երկրորդի համար վճարել են մոտավոր 125 880 դրամ, ճի՞շտ է արդյոք:

Jul 04 2016

Վերջնահաշվարկ

Աշխատանքային պայամանգրով աշխատանքի եմ անցել 01.07.2014թ․ից, աշխատավարձս մաքուր կազմել է 73 030 դրամ, իսկ 01.03.2015-ից 76 734 դրամ, 5-օրյա աշխատանքային շաբաթ և 20-օրյա արձակուրդ, արձակուրդում եղել եմ 5 օր, աշխատանքից դուրս եմ եկել 01.07.2016թ, օգնեք կատարել վերջնահաշվարկ:

Jun 22 2016

Համատեղությամբ աշխատողի արձակուրկուրդայինի ճիշտ հաշվարկի ձև

Հարգելիներս, բարև բոլորին:

Խնդրում եմ օգնեք, եթե նույն հաստատությունում համատեղությամբ աշխատում են և հաշվապահ, և ուսուցիչ , և տնօրեն և ուսուցիչ, ինչպե՞ս իրենց տալ ամենամյա արձակուրդ և ինչպե՞ս ճիշտ հաշվարկել:

Jun 21 2016

Ինչպե՞ս հաշվարկել մայրության նպաստը

Մարինա.

Բարև ձեզ: Խնդրում եմ ինձ օգնել հետևյալ հարցում.
Ես սկսնակ հաշվապահ եմ և պետք է ընկերության աշխատակցին տրամադրեմ հղիության և ծծնդաբերության արձակուրդ:

Անաշխատունակության թերթիկով անաշխատունակության սկիզբը 26.05.2016թ, ավարտը 12.10.2016թ: Ո՞ր օրից սկսած է հաշվարկվում իր արձակուրդը: Ինչպե՞ս հաշվեմ աշխատողին հասանելիք գումարը, եթե նրա վերջին 12 ամիսների աշխատավարձը կազմել է 1 165 720 դրամ, աշխատել է 5 օրյա գրաֆիկով: Եվ էլեկտրոնային հաշվետվության ո՞ր բաժնում պետք է նշեմ հաշվարկված գումարը:

Խնդրում եմ արձագանքել: Կանխավ շնորհակալ եմ:

Jun 20 2016

Համատեղությամբ աշխատողին արդյո՞ք հասնում է ամենամյա արձակուրդ

Հարգելիներս օգնեք խնդրում եմ

Ես աշխատում եմ երկու ՊՈԱԿ-ներում համատեղությամբ: Պարտադի՞ր է արդյոք ամենամյա արձակուրդի ժամանակ ոչ հիմնական աշխատավայրից ինձ վերջնահաշվարկով հեռացնել, սեպտեմբերին կրկին ընդունել: Արդյո՞ք ինձ չի հասնում արձակուրդ:

Կանխավ շնորհակալություն:

Jun 06 2016

Ծառայություններ մատուցող ԱՁ

Դիանա.

Հարգելի հետևորդ-հաշվապահներ,

Ցանկանում եմ Ա/Ձ բացել՝ տարբեր ծառայություններ մատուցող – մարդկային գործոն: Խնդրում եմ ինձ օգնեք իմանալու, թե ինչ հարկատեսակով կարելի է աշխատել, և արդյո՞ք վարձու աշխատողները, որոնք միայն իմը չեն լինելու, պարտադիր է գրանցել, և եթե այո, արդյո՞ք կա ֆիքսված վճար նման աշխատողի համար:
Կանխավ շնորհակալ եմ:

Jun 01 2016

Վճարման ենթակա գումարի չափ

Mesrop Grigoryan.

Բարև ձեզ: Ես ուզում եմ հաշվել 24 ժամյա գրաֆիկով 10 հերթապահությունով աշխատողի օրեկան 1` 24 ժամյա հերթապահության վճարման ենթակա գումարի չափը, ամսեկան աշխատավարձը կազմում է 70 000 դրամ:

Jun 01 2016

Պրակտիկանտի վարձատրություն

Ասացեք խնդրեմ` ըստ ՀՀ Աշխատանքային Օրենսգրքի պե՞տք է վճարվի արդյոք որոշակի ժամկետով (2 ամիս) արտադրական պրակտիկա անցնող ԲՈՒՀ-ի ուսանողը, եթե այո, ապա որքա՞ն պետք է վճարել:

Կանխավ շնորհակալություն պատասխանի համար:

May 20 2016

Միջին ամսական աշխատավարձի հաշվարկ

Հիվանդության համար հաշվարկվող անաշխատունակության նպաստ հաշվարկելից միջին ամսական աշխատավարձի հաշվարկի մեջ ներառու՞մ են արդյոք արձակուրդում գտնված ամիսներին ստացված արձակուրդայինները:

May 16 2016

Որքա՞ն կկազմի արձակուրդային գումարը

Alina.

Բարև ձեզ, հարգելի հաշվապահներ, խնդրում եմ ասել ինձ, իմ աշխատանքային 10-րդ ամիսը կլրանա հունիսի 19-ին հիմնական դպրոցում որպես գրադարանավարուհի, աշխատավարձս կազմում է 54 000 դրամ, ես կարո՞ղ եմ ստանալ արձակուրդային և ինչքա՞ն:

Apr 11 2016

Որքա՞ն կկազմի վերջնահաշվարկը

Խնդրում եմ օգնել ինձ հաշվել իմ վերջնահաշվարկը: Աշխատանքի եմ ընդունվել 2015 թվականի հունիսի 23-ին, ազատվել 2016 թվականի մարտի 30-ին, այդ պահին ունեի օրենքով արձակուրդ 30 աշխատանքային օր, դրույքաչափը 187 000 է, 5-օրյա աշխատանքային շաբաթ: Արձակուրդ չեմ ցնացել այդ ընթացքում: Որքա՞ն վերջնահաշվարկ պետք է ստանամ:

Apr 09 2016

Միջին ամսեկան աշխատավարձի հաշվարկ

Սյուզաննա.

Հարգելի հաշվապահներ, խնդրում եմ պատասխանեք` ինչպե՞ս հաշվարկել միջին ամսեկան եկամուտը մայրության նպաստի հաշվարկի ժամանակ, եթե աշխատակիցը գործատուի մոտ մինչ այդ աշխատել է 12 ամսից պակաս ժամանակ:

Mar 30 2016

Նվազագույն աշխատավարձի վերաբերյալ

Տիգրան.

Բարև ձեզ:
Հարցս վերաբերում է աշխատավարձից գանձվող եկամտային հարկին և նվազագույն աշխատավարձին։

ՀՀ եկամտային հարկի մասին օրենքում նշվում է` մինչև 120.000 ՀՀ դրամ աշխատավարձը հարկվում է 24%-ով։
Եթե աշխատողի աշխատավարձը կազմում է 60.000 ՀՀ դրամ, ապա որքա՞ն պետք է հարկվի նշված աշխատավարձից։ Եթե 60․000×24%=45.600 ՀՀ դրամ, այդ դեպքում հատում է ՀՀ Նվազագույն աշխատավարձի մասին օրենքի 55․000 ՀՀ դրամ սահմանված շեմը, սակայն Եկամտային հարկի մասին օրենքով էլ նույն 55.000 ՀՀ դրամ նվազագույն աշխատավարձի շեմը չի նվազեցվում։
Ինչպե՞ս է կարգավորվում հետևյալ հարցը։
Շնորհակալություն:

Mar 19 2016

Աշխատողը փետրվարի 22-ից անաշխատունակ է

Arsine.

Հարգելի հաշվապահներ, խնդրում եմ օգնեք, շտապ է.
Աշխատողը փետրվարի 22-ից անաշխատունակ է, գտնվում է բուժման մեջ: Բացի այդ նա դիմել է համապատասխան մարմին հաշմանդամության կարգ տրամադրելու: Աշխատողի ասելով՝ նրան տրամադրվելու է 90 օր ժամկետով անաշխատունակության թերթիկ, որը մինչ այսօր չի ներկայացրել գործատուին: Հարցս հետևյալն է.

1. Ե՞րբ է ընկերության կողմից հաշվարկվում և վճարվում անաշխատունակության նպաստը,
2. Ինչպե՞ս պետք է հաշվարկեմ փետրվար ամսվա աշխատավարձը, եթե 22.02.-ից չի աշխատում
3. Եթե 22.02.-ից հաշվում ենք 90 օր, ապա ստացվում է, որ անաշխատունակությունը ավարտվում է 21.05.2016թ-ին: Սակայն աշխատողը ցանկանում է վերադառնալ աշխատանքի 01.04-ից: Արդյո՞ք ընկերությունը իրավունք ունի թույլ տալու որպեսզի աշխատանքի անցնի 01.04-ից: Եթե այո, ապա ինչպե՞ս պետք է վարվեմ նման պարագայում, եթե արդեն իսկ հաշվարկված և վճարված լինի 90 օրվա անաշխատունակության նպաստը:
Կանխավ շնորհակալություն:

Mar 11 2016

Արդյո՞ք հնարավոր չէ պահպանել նվազագույն աշխատավարձը

Սյուզի.

Ես աշխատում եմ դպրոցում ու ստանում եմ 60 000 դրամ աշխատավարձ (նվազագույն), սակայն աշակերտ թվի հետ կապված 1 դրույքը դարձրեցին 0.5 դրույք: Հիմա հաշվարկել են, որ պետք է ստանամ 30 000 դրամ: Խնդրում եմ պարզաբանել` արդյո՞ք հնարավոր չէ պահպանել նվազագույն աշխատավարձը:

Feb 23 2016

Որքա՞ն է կազմում տուգանքը

Բարև ձեզ: Խնդրում եմ ինձ ասել.

Քրեական օրենսգրքի 345 հոդվածը սահմանում է պատիժ նվազագույն աշխատավարձի երկուհարյուրապատիկի չափով: Ինչպե՞ս է դա հաշվարկվում: Որքա՞ն է դա կազմում: Շնորհակալություն:

Feb 17 2016

Աշխատավարձի հաշվարկ հիվանդաթերթիկ ներկայացնելու դեպքում

Ani.

Բարև ձեզ: Ես գրանցված աշխատող եմ: Հունվար ամսվա մեջ ներկայացրել եմ բուլետեն 9 օր: Իմ գործատուն ասում է, որ հունվար ամսվա մեջ հաշվարկվում է 15 աշխատանքային օր, այսինքն բուլետենից բացի ինձ վարձատրել է 6 օրվա համար: Բայց եթե ես բուլետին չներկայացնեի, ինձ կվարձատրեր ամբողջ ամսվա համար, այսինքն մինչև հունվարի 7 -ը ես չեմ վարձատրվել ի տարբերություն իմ կոլեգաների, որոնք նույնպես չեն աշխատել, քանի որ եղել են տոն օրեր, բայց վարձատրվել են: Խնդրում եմ ինձ օգնեք, իմ գործատուն ճի՞շտ է, թե՞ ոչ` ինձ վարձատրելով 6 օրվա համար: Կանխավ շնորհակալություն:

Feb 05 2016

ՌԴ քաղաքացուն աշխատանքի ընդունելու համար

Gohar.

Հարգելի՛ հաշվապահներ, խնդրում եմ օգնել: Քաղաքացին ունի ՀՀ-ում կացության քարտ, սոց. քարտ, հանդիսանում է ՌԴ քաղաքացի: Աշխատանքի ընդունելու դեպքում պե՞տք են արդյոք այլ լրացուցիչ տվյալներ: Էլեկտրոնային համակարգում գրանցելիս հնարավո՞ր է ինչ-որ խնդիրներ առաջանան: Աշխատավարձից պահումները կատարվում են նու՞յն ձևով, ինչպես ՀՀ քաղաքացիներինը:
Կանխավ շնորհակալություն:

Feb 04 2016

Վերջնահաշվարկ

Հարգելի հաշվապահներ, խնդրում եմ օգնել ինձ և հաշվել աշխատողի վերջնահաշվարկը: Աշխատոսը աշխատանքի է ընդունվել 2000 թվականի մարտի մեկից, ինձ մոտ կան տվյալներ 2003-2016 թվականի փետրվարի մեկի դրությամբ օգտված արձակուրդների մասին: Ինչպե՞ս հաշվարկեմ նրա վերջնահաշվարկը, դրույքաչափը 130 000 է, 5-օրյա աշխատանքային շաբաթ: Վերջին անգամ գնացել է արձակուրդ 2015-ի հոկտեմբերին-նոյեմբերին: Խնդրում եմ օգնել, եթե ավելի մանրամասն տեղեկեւթյուն պետք լինի, թողեք կարծիք:

Dec 28 2015

Նվազագույն ժամային դրույքաչափ

Gohar.

Բարև ձեզ, հարգելի հաշվապահներ: Աշխատավարձի հետ կապված մի հարց ունեմ: Ատամնաբուժական գործունեության 1 բազկաթոռի վրա աշխատում են 2 բժիշկ և 2 բուժքույր: Ես նոյեմբեր ամսին նրանց շաբաթական 20 ժամի համար վարձատրում եմ համապատասխանաբար 39 600 դ (ժամային դրույքը 450 դ) և 35200 դ (ժամային դրույքը 400 դ): Ես նվազագույն աշխատավարձի խախտում չեմ անում: Եթե սխալվում եմ, խնդրում եմ ուղղեք:

Dec 21 2015

Նվազագույն աշխատողների քանակ

Karina Kazaryan.

Ինչքա՞ն պետք է լինի ՍՊԸ-ի նվազագույն աշխատողների քանակը:

Dec 08 2015

Միջին ամսեկան աշխատավարձի հաշվարկ

arpik.

Եթե աշխատողը արձակուրդ է գնացել 2014թ. դեկտեմբերին, հաջորդը 2015թ դեկտեմբերին, միջին ամսական աշխատավարձը հաշվելիս 2014 դեկտեմբերը հաշվու՞մ ենք, թե՞ ոչ:

Nov 16 2015

Աշխատավարձի նվազագույն շեմի հետ կապված

Liana Pogosyan.

Խնդրում եմ ինձ ասել` եթե բժշկին ես ընդունում եմ քաղաքացիաիրավական պայմանագրով աշխատանքի, բժշկի կատարած վիրահատության քանի՞ տոկոսը պետք է վարձատրեմ: Կա՞ արդյոք նվազագույն շեմ:

Nov 11 2015

Ի՞նչ փաստաթղթեր են անհրաժեշտ

Աննա.

Հարգելի գործընկերներ,
Խնդրում եմ նշեք, թե ինչ փաստաթղթեր են անհրաժեշտ տնօրենի պայմանագրում փոփոխություն կատարելու համար, մասնավորապես աշխատավարձի փոփոխության դեպքում:

Nov 09 2015

Արդյո՞ք տնօրենը ազատվում է աշխատանքից կազմակերպության գործունեության դադարեցման ժամանակ

GOHAR.

Հարգելի կոլեգաներ, շինարարական գործունեություն իրականացնող կազմակերպությունը անորոշ ժամկետով դադարեցրել է աշխատանքային գործունեությունը: Ես գտնում եմ, որ պետք է ազատեմ իմ բոլոր աշխատողներին (եթե սխալ եմ, խնդրում եմ ուղղեք ինձ): Տնօրենը մնու՞մ է աշխատանքի մեջ: Եթե մնում է, ես նրան աշխատավարձ հաշվարկու՞մ եմ, թե՞ ոչ: Կանխավ շնորհակալ եմ:

Oct 21 2015

Ինչպե՞ս է կատարվելու նպաստի հաշվարկը ԱՁ համար

Margarit.

Հարգելիներս, խնդրում եմ օգնեք.
2012թ-ի նոյեմբերի 15-ին գնացել եմ ֆիզ. արձակուրդ:
2014թ. դեկտեմբերի 15-ից մինչ օրս գտնվում եմ մինչև 3 տարեկան երեխայի խնամքի արձակուրդում և բնականաբար չեմ վարձատրվել հիմնական աշխատավայրից:

2015թ-ի ապրիլ ամսից զբաղվել եմ ԱՁ գործունեությամբ և ունեցել եմ հետևյալ եկամուտները.
Ապրիլ` 175 000 դրամ
Մայիս` 280 000 դրամ
Հունիս` 260 000
Հուլիս` 285 000
Օգոստոս` 130 000
Սեպտեմբեր` 750 000
Հոկտեմբեր` 770 000 դրամ
Նոյեմբերի 4-ից նորից գտնվելու եմ նոր ֆիզ. արձակուրդում, քանի որ սպասում եմ երկրորդ բալիկին:

Խնդրում եմ պատասխանեք` ինչպե՞ս է կատարվելու նպատի հաշվարկը, ու՞մ է պետք դիմել, և արդյո՞ք հաշվի են առնվելու ԱՁ-ից ստացված եկամուտները:

Oct 21 2015

Աշխատավարձի բարձրացման հետ կապված

Արմինե.

Ողջույն, ես Արմինեն եմ: Խնդրում եմ ինձ օգնել հետևյալ հարցում:
Մեր կազմակերպություն է աշխատողներից մեկը, ով իր աշխատանքային պարտականություների կատարման հարցում թերացումներ չունի և գերազանցում է նախորդ աշխատակցին, ում փոխարեն նշանակվել է, պահանջում է աշխատավարձի բարձրացում: Նա չունի գիտական աստիճան, կոչում և այլն, սակայն տնօրինությունը իրավամբ արժանի է համարում աշխատավարձի բարձրացում կատարելու համար: Կա՞ արդյոք օրինական որևէ հիմք նմանատիպ հրաման նախագծելու և միայն մեկ աշխատակցի աշխատավարձ բարձրացնելու համար:
Շնորհակալություն:

Oct 07 2015

Ինչպե՞ս հաշվարկել աշխատավարձը

Knarik.

Աշխատողը բերել է 4 օրվա անաշխատունակության թերթիկ: Ինչպե՞ս հաշվել ամսվա վերջում նրա աշխատավարձը:

Sep 10 2015

Վերջնահաշվարկի կատարում

Աննա.

Բարև ձեզ, խնդրում եմ օգնել ճիշտ հաշվարկել վերջնահաշարկը.
աշխատողը աշխատել է 01.07.2010թ -01.08.2015թ, արձակուրդ է գնացել միայն 01.12.2015թ. 24օր, (6 օրյա աշխատանքային ռեժիմ): 01.08.2015թ. ազատվում է աշխատանքից, միջին ամսեկանը ո՞ր տարիների աշխատավարձը պետք է հաշվարկեմ` 2010թ, 2011թ, 2012թ, 2013թ, և հատուցման ենթակա քանի՞ չօգտագործված օրեր ունի:

Jul 30 2015

Գործատուի կողմից տրվող աշխատավարձի մասին տեղեկանք

Համլետ.

Բարև ձեզ:

Հարգելի՛ մասնագետներ, խնդրում եմ պատասխանել հետևյալ հարցին:
Գործատուի կողմից տրվող աշխատավարձի մասին տեղեկանքում (մասնավորապես գանձապահի պարագայում) “զուտ աշխատավարձ” – ի մեջ արդյո՞ք մտնում է վնասակարության համար հավելավճարը:

Կանխավ շնոհակալ եմ:

Jul 30 2015

Արդյո՞ք պետք է հաշվարկել և վճարել հավելավճար

ՏԻԳՐԱՆ.

Հարգելի մասնագետներ, խնդրում եմ օգնել մի հարցում:
Պահակային ծառայություն իրականացնողին, որը աշխատում է 24 ռեժիմով, արդյո՞ք աշխատավարձը հաշվարկելիս պետք է հաշվարկել նաև հավելյալ գիշերային ժամերի համար: Հարցս առաջացել է` կապված այն հանգամանքի հետ, որ Կառավարության որոշման համաձայն պահակային ծառայությունը համարվում է առանձին կատեգորիա, որին թույլատրվում է աշխատել 24 ժամ, արդյո՞ք կարելի ենթադրել, որ առանձին կատեգորիայի աշխատողներին լրացուցիչ գիշերային ժամերի համար չի վճարվում:
Կանխավ շնորհակալ եմ:

Jul 23 2015

Դեկրետից դեկրետ գնալու համար

Եթե անձը գտնվում է մինչև 3 տարեկան երեխայի խնամքի արձակուրդում և նորից է պատրաստվում երեխա ունենալ և ցանկանում է դեկրետից դեկրետ ձևակերպել (չի ցանկանում աշխատել այդ ընթացքում), այդ դեպքում նրա միջին աշխատավարձը ինչպես է հաշվարկվում` նվազագույն աշխատավարձո՞վ:

Jul 23 2015

Նվազագույն աշխատավարձ

Նվազագույն ամսական աշխատավարձի մասին ՀՀ օրենքում սահմանված է դրա չափը, այն է` 55 000 դրամ: Կուզենաի լսել ձեր կարծիքը` արդյո՞ք դա վերաբերվում է լրիվ աշխատանքային օրվա պայմաններում աշխատողներին և կարո՞ղ է այն պակաս լինել (օրինակի համար կիսվել) ոչ լրիվ աշխատանքային օրվա պայմաններում աշխատողների համար: Շատ շնորհակալ կլինեմ ձեր կարծիքների համար:

Jul 07 2015

Ինչպե՞ս է կատարվում մայրության նպաստի հաշվարկը 2 գործատուների մոտ աշխատելու պարագայում

Էլինա.

Հարգելի՛ մասնագետներ,
Խնդրում եմ օգնել՝ հասկանալու, թե ինչպես է կատարվում մայրության նպաստի հաշվարկը (միջին ամսական աշխատավարձի հաշվումը) 2 գործատուների մոտ աշխատելու պարագայում:

Ունեմ հիմնական գործատու, և նաև համատեղության կարգով դասավանդում եմ:

Ցանկանում եմ հասկանալ` միջին աշխատավարձ հաշվարկելիս արդյո՞ք առանձին են միջինացվում և կիրառում նվազագույն աշխատավարձի 50 տոկոսին չբավարարելու պայմանը, թե՞ յուրաքանչյուր գործատուի մոտ ստացած միջին աշխատավարձը առանձին են հաշվարկում և համեմատում այս պայմանին:

Քանի որ, իմ պարագայում, դասավանդման ժամերի դիմաց ստացված տարեկան համախառն զուտ եկամուտը կազմում է մոտ 250 000 ՀՀ դրամ:

Կանխավ շնորհակալ եմ այս հարցադրումն ինձ պարզաբանելու համար:
Հարգանքով՝
Էլինա

Jul 07 2015

Որքա՞ն կկազմի աշխատավարձը

Anna.

Ներեցեք, չէի՞ք ասի` եթե մաքուր աշխատավարձը կազմում է 120 000 դրամ, որքա՞ն կկազմի կեղտոտ աշխատավարձը, եթե կարելի է բացվածքով: Նախապես շնորհակալ եմ:

Jun 21 2015

Որքա՞ն հավելավճար պետք է վճարել

Arsine.

Հարգելի հաշվապահներ, մայիսի 1-ին ընկերությունը աշխատել է:
1. Կարո՞ղ եմ արդյոք այդ օրվա փոխարեն մեկ այլ ազատ օր տրամադրել աշխատակցին:
2. Կազմակերպությունը աշխատում է 6-օրյա աշխատանքային գրաֆիկով: Եթե աշխատողը աշխատել է մայիսի 1-ին և նրա ամսական աշխատավարձը 75 000 դրամ է: Մայիսի 1-ի համար որքա՞ն հավելավճար պետք է վճարվի և որքա՞ն կկազմի նրա մայիս ամսվա աշխատավարձը` 75 000 : 25 + 75 000 = 78 000
Կանխավ շնորհակալություն:

Jun 12 2015

Միջին աշխատավարձի հաշվարկ

Սիլվի.

Խնդրում եմ օգնեք հետևյալ հարցում: Շուտով դեկրետ եմ գնալու իմ հիմնական աշխատավայրից, որտեղ ունեմ 10 + տարվա ստաժ: Վերջերս համատեղությամբ աշխատել եմ նաև այլ գործատուի մոտ՝ հիմնական աշխատողին փոխարինող, ու նրա վերադարձից հետո ազատվել եմ աշխատանքից՝ համաձայն պայմանագրի: Երբ ընդունվել եմ, դեռ չեմ իմացել հղիության մասին, և կրճատվել եմ երեք ու կես ամսականում: Աշխատել եմ երեք ամիս: Այդ ընթացքում իմ ստացած աշխատավարձը հաշվարկվելու է իմ միջին աշխատավարձի հաշվարկի ժամանակ, թե՞ ոչ: Շնորհակալություն:

May 20 2015

Մայրության նպաստի վերաբերյալ

Աննա Մարգարյան.

Բարև ձեզ:
Խնդրում եմ հաշվապահական խորհրդատվություն: Ես աշխատել եմ 5 ամիս, մինչ այդ 2 տարի գտնվել եմ երեխայի խնամքի համար տրվող արձակուրդում, հղիության արձակուրդ գնալու դեպքում որքա՞ն կլինի իմ մայրության նպաստը: Աշխատանքի եմ վերադարձել 2014 թվականի դեկտեմբերի 1-ից՝ ստանալով 50 000 դրամ աշխատավարձ, մինչ այդ ստացել եմ 18 000 դրամ նպաստը, արձակուրդ եմ գնում 2015 թվականի մայիսի 4-ից, այդ ընթացքում որևէ այլ եկամուտ, արձակուրդային, հիվանդության կամ այլ նպաստ չեմ ստացել:

Կանխավ շնորհակալություն:
Եթե այս տարբերակով խորհրդատվություն չի տրամադրվում, խնդրում եմ օգնել՝ նշելով խորհրդատվություն ստանալու այլ եղանակ:

May 19 2015

Աշխատողի աշխատավարձը փոփոխվել է

Արամ.

Աշխատողի աշխատավարձը փոփոխվել է: Ինչպե՞ս փոփոխեմ taxservice.am ում աշխատողի տվյալներում աշխատավարձի չափը:

May 11 2015

Արդյո՞ք կարելի է նվազագույն աշխատավարձից ցածր աշխատավարձ վճարել

Թամարա.

Խնդրում եմ օգնել, ես գիտեմ, որ նվազագույն աշխատավարձը 50 000 դրամ է:
1. Արդյո՞ք իրավունք ունեն դրանից ցածր վճարել բուժքրոջ աշխատանք կատարելիս
2. Ի՞նչ գործակից է կիրառվում իմունականխարգելման կաբինետի բուժքրոջ աշխատավարձը հաշվարկելիս, և որտեղի՞ց կարող եմ գնտել այդ չափորոշիչների ցանկը:
Կանխավ շնորհակալ եմ:

Apr 30 2015

Պահակի աշխատավարձի հաշվարկ

Suzy.

Հարգելի հաշվապահներ, խնդրում եմ ինձ օգնեք հաշվելու պահակի աշխատավարձը, եթե նա աշխատում է 3 օրը մեկ անգամ 24 ժամով, ամսվա ընթացքում 8 օր:

Apr 16 2015

Միջին աշխատավարձի հաշվարկ

Նաիրա.

Հարգելի հաշվապահներ, խնդրում եմ պատասխանել` եթե աշխատողին հաշվարկում ենք ամենամյա վճարովի հերթական արձակուրդ, և միջինը հաշվարկելիս մեկ ամիս աշխատողը գտնվել է չվճարվող արձակուրդում: Արդյո՞ք այդ ամիսը մտնում է միջինի հաշվարկման մեջ, և աշխատավարձը բաժավում է 12-ի, թե՞ չի ներառվում, և բաժանվում է 11-ի : Խնդրում եմ նշել նաև այն աղբյուրը, որտեղից հնարավոր է կարդալ հարցի պատասխանը: Կանխավ շնորհակալություն:

Apr 02 2015

Արդյո՞ք աշխատողը արձակուրդից օգտվելու իրավունք ունի

Nana.

Ուզում եմ իմանալ` եթե մարդը իր մատուցած ծառայությունների համար ստանում է վճարներ ամբողջ տարվա կտրվածքով, ոչ ստաբիլ աշխատավարձ, ապա այդ աշխատողը արձակուրդից օգտվելու իրավունք ունի՞: Եթե այո, ապա ինչպե՞ս է հաշվարկվելու նրա արձակուրդային վճարները: Նախապես շնորհակալություն:

Mar 30 2015

Վարպետը աշխատում է միայն պատվերի առակայության դեպքում

Arsine.

Հարգելի հաշվապահներ,
վարպետը աշխատում է միայն պատվերի առկայության դեպքում, և դա կարող է տևել, օրինակ, մոտ 5-10 օր ամսվա կտրվածքով: Կարո՞ղ եմ աշխատողին գրանցել օրավարձով, օրինակ, օրական 3 000 դրամ: Արդյունքում ամսական աշխատավարձը կարող է փոքր լինել նվազագույն աշխատավարձից: Իսկ եթե օրենքով նվազագույն օրավարձ սահմանված չէ, կարո՞ղ է արդյոք դա խնդիր առաջացնել:

Mar 20 2015

Աշխատավարձի բարձրացման արտացոլում եկամտային հարկի հաշվարկում

Անի.

Ընկերներ, խնդրում եմ օգնել: Աշխատավարձի բարձրացում եմ տվել, հիմա եկամտային հարկի ամսական հաշվետվության մեջ ինչպե՞ս կատարեմ փոփոխությունը: Շնորհակալություն նախապես:

Mar 17 2015

Միջին ամսեկան աշխատավարձի հաշվարկ

Hayko.

Բարև ձեզ:
Մայրության նպաստի հաշվարկի հետ կապված խնդրում եմ պատասխանել հետևյալ հարցին՝
վարձու աշխատողը նախորդ 12 ամիսների ընթացքում նախկին և ներկա գործատուների մոտ ստացել է 11 ամսվա աշխատավարձ (այսինքն` մինչև ներկա գործատուի մոտ ընդունվելը 1 ամիս աշխատանք չի ունեցել): Տվյալ դեպքում միջին ամսական աշխատավարձը հաշվարկելիս 11 ամիսների աշխատավարձը բաժանվում է 12-ի, թե՞ 11-ի: Կանխավ շնորհակալություն:

Feb 19 2015

Աշխատողը ստացել է արձակուրդային գումար, սակայն չի մեկնել արձակուրդ

Արև.

Հարգելի հաշվապահներ, հարցս հետևյալն է. եթե աշխատողին դուրս են գրել արձակուրդային, նա ստացել է արձակուրդայինի գումարը, բայց արձակուրդ չի գնացել և ներկայացել է աշխատանքի, այս դեպքում իրեն պե՞տք է արդյոք վճարվի այդ ամսվա համար լրիվ աշխատավարձ, և արդյո՞ք պետք չէ հետ գանձել արձակուրդայինի գումարը:

Older posts «

» Newer posts