Մերի.
Բարև Ձեզ։
Հնարավո՞ր է արդյոք հիվանդության կամ հաշմանդամության կարգ ունեցող աշխատակցի աշխատավարձը վճարել առձեռն։
Անի.
Բարև Ձեզ: Եթե ես խնամքի արձակուրդից շուտ եմ վերադառնում՝ մի քանի ամիս առաջ, գնում եմ ընկերություն և տեղեկացնում, որ վերադառնում եմ, ինձ ասում են, որ փոխարինող են բերել, սակայն դեռ հաստիքի պակաս ունեն ու չեն թողնում դիմում գրեմ, ասում են հետո՝ մեկ ամսից, ինձ կարող են ազատել, և դրա համար գումար վճարելու՞ են ինձ, թե՞ ոչ։
Եթե աշխատավայրում անորոշ են պահում, հստակ չեն ասում խնամքի արձակուրդից վերադաձող անձին և անիմաստ սպասեցնում են, ի՞նչ կարող եմ անել ըստ օրենքի։
Բելլա.
Բարև Ձեզ։ Ցանկանում եմ զբաղվել օնլայն վաճառքներով Վայլդբերրիզում։ Դրա համար ցանկանում եմ գրանցվել որպես ՍՊԸ և գիտեմ, որ պետք է աշխատեմ շրջհարկով։ Սակայն ինձ համար անհասկանալի է՝ ես ՀԴՄ պե՞տք է ունենամ, թե՞ ոչ։ Հաճախորդները լինելու են ոչ ՀՀ քաղաքացիներ։
«Կոնվերս Բանկ» ՓԲԸ հայտարարում է բաց ընթացակարգով մրցույթ` Բանկի գլխավոր գրասենյակի տվյալների պահոցի և սերվերների ձեռքբերման մատակարար կազմակերպություն ընտրելու նպատակով:
Կից փաստաթղթեր․
Անի.
Բարև ձեզ, հարգելի կոլեգաներ։
խնդրում եմ օգնել. ԵՏՄ-ի գծով հանձնված հարկային հաշվետվությունը ՊԵԿ-ի կողմից չի հաստատվել, կարգավիճակը նշված է՝ “ենթակա է ճշգրտման, անհրաժեշտ է ճշգրտել ներմուծման հայտարարությունը”: Հարց – ամբողջ հաշվետվությունը նորից պետք է հանձնե՞լ։ Միայն հայտարարությունը համակարգը թույլ չի տալիս լրացնել:
Գոհար.
ՀՀ հարկային օրենսգրքով սահմանված՝ հսկիչ դրամարկղային մեքենաներ կիրառելու պարտավորություն ունեցող սուբյեկտները (բացառությամբ կրպակների) պետք է ապահովեն վճարային քարտերի (POS տերմինալների) կամ վճարային տեխնոլոգիաների հիման վրա կիրառվող այլ վճարային գործիքների միջոցով վճարման ընդունում… Այս օրենքը գործելու՞ է շրջհարկով աշխատող բանջարեղենի խանութի վրա, և ինչպե՞ս կարող ենք դա անել։
Եվ եթե ԱՁ-ն գործում է շրջհարկով և ունի 1 գրանցված աշխատող, մինչև հուլիսի 1-ը պետք է վճարի անկանխի՞կ։
Անի.
Բարև Ձեզ: Հարգելի հաշվապահներ, խնդրում եմ ասեք. եթե Ա/Ձ-ն բացվել է 2 ամիս առաջ և միկրոյի հայտ է ներկայացրել, կարո՞ղ է արդյոք այս պահին փոխել հարկատեսակը և համարվել ԱԱՀ վճարող: Եթե այո, ի՞նչ հաշվետվություն է ներկայացվում այս պահին և ի՞նչ հարկեր է ձևավորվում, եթե դեռ գործունեություն չի ծավալելու: Շնորհակալ եմ կանխավ:
Լիլիթ.
Բարև Ձեզ։ Կներեք՝ վերջնահաշվարկից ԴԱՀԿ պահվու՞մ է: Եթե այո, ապա աշխատավարձ ու վերջնահաշվարկ միասին ենք փոխանցում, յուրաքանչյուրից առանձին-առանձին է պահվու՞մ ԴԱՀԿ, թե՞ երկուսը միասին վճարվող գումարից: Կանխավ շնորհակալություն
Արմինե.
Հարգելի մասնագետներ, խնդրում եմ ինձ օգնել հետևայլ հարցում. եթե աշխատակցի հետ կնքվել է աշխատանքային պայմանագիր և աշխատանքի անցնելու օրը խնդիրներ են առաջացել և վերջինս խնդրում է իրեն տրամադրել չվճարվող արձակուրդ, սակայն ոչ մի օր աշխատանքի չի ներակայացել և նաև անորոշ է այլևս կվերադառնա աշխատանքի, թե ոչ։ Տվյալ դեպքում օրենքը սահմափակու՞մ է այդ առումով, որ չի թույլատրվում արձակուրդ տրամադրել, եթե այո, ապա կգրե՞ք օրենքի հղումը: Շնորհակլություն։
Արփինե․
Բարև Ձեզ։ Խնդրում եմ օգնել՝ ճի՞շտ եմ հաշվել արդյոք մայրության նպաստ միկրոհամակարգում աշխատող վարձու աշխատողի համար։ Բյուլետեն` 13.06.2022- 30.10.2022, գրանցված է ԱՁ – ում 12.01.2022թ.-ից, աշխատավարձը ամսական 78 000 դրամ, այլ գործատուի մոտ գրանցված չի եղել։
78 000 * 5 = 390 000 (միջ. աշխ. հաշվ. համար հիմք հանդիսացող եկամտի չափ)
43 038 (միջ. աշխ. չափ)
43 038 ÷ 30,4 = 1415 (միջ. օրական)
1 415 * 140 = 198 201 (նպաստի չափ)
198 201 – 5 000 (եկամտային հարկ) = 193 201 (վճ. ենթակա նպաստ)
Վարդուհի․
Բարև ձեզ: Հարգելի հաշվապահներ, այսպիսի հարց ունեմ․ ԱՁ-ն եթե անորոշ ժամկետով կասեցնում կամ լուծարվում է, և այդ ընթացքում 3 տ երեխայի խնամքի արձակուրդում աշխատակից է ունենում, ի՞նչ պետք է անի, ծանուցի աշխատակցին դադարի մասին, եթե վերականգնի գործունեությունը, կարո՞ղ է աշխատակիցը նորից ստանալ խնամքի գումարը։
Արմինե․
ՍՊԸ ներքին կարգապահական կանոնակարգն օրենքի ո՞ր հոդվածով է հաստատվում։
Gegham Bagrazyan.
2022թ-ի հունիսի 15-ից ՀՈԱԿԸ-ի շրջանառությունը գերազանցում է 115 միլիոն դրամը, և դառնում է ԱԱՀ վճարող: Կարո՞ղ եք ասել՝ բացի ԱԱՀ-ի հաշվետվությունից ի՞նչ միասնական ԱԱՀ և ակցիզային հաշվետվություն պետք է ներկայացվի, թե ոչ, եթե մենք ակցիզի հետ գործ չունենք, և խնդրում եմ ասեք՝ ԱԱՀ-ի հաշվետվությունների հանձնելու ժամանակաշրջանը և շեմը։
Արտակ Աբազյան․
Բարև Ձեզ։ Կխնդրեի օգնել հետևյալ հարցում․ կազմակերպությունը կիրառում է նոր սերնդի ՀԴՄ և այդ մեքենայի վրա ակտիվացրել է ՊՈՍ տերմինալ՝ ծառայությունը բանկային քարտերով առևտուր իրականացնելու համար։ Արդյո՞ք ՊՈՍ տերմինալով կատարված գործարքների ժամանակ պետք է տրամադրել ՀԴՄ կտրոն, արդյո՞ք ՊՈՍ տերմինալով կատարված գործարքների մասով պետք է կազմվի դրամարկղի մուտքի օրդեր ընդհանուր կանխիկ և անկանխիկ գործարքների մասով և մուտքագրվի դրամարկղ։
Աննա.
Բարև ձեզ։ Ո՞ր դեպքերում է կարելի սահմանել 40 ժամից ավել աշխատաժամանակ։ Եվ հավելյալ աշխատած ժամերի համար ինչպե՞ս է կատարվում վճարումը։
Լևոն.
Խորհրդատվական ծառայություններ մատուցող, տարեկան 9-10մլն կանխատեսվող շրջանառությամբ գործունեությունը համարվու՞մ է արդյոք միկրոձեռնարկություն։ Ինչպե՞ս են հարկվում վերոնշյալները և ինչքանո՞վ է էական ձեռնարկատիրության տեսակը (Ա/Ձ/ՍՊԸ)։
Կարեն.
Բարև Ձեզ։ Ֆեյսբուքի գովազդները այսուհետ հարկվում են՝ ինչու՞ են գովազդատուները հարկվում, եթե փաստացի դա ծախս է համարվում, այլ ոչ թե եկամուտ, թե՞ դա Ֆեյսբուքն է հարկում և մեզանից է ստանում գումարը։ ՍՊԸ բացելու համար հարկավո՞ր է առանձին հասցե, թե՞ կարող է նաև բնակության հասցեն լինել։ Կխնդրեմ ասեք՝ թե ինչքա՚՞ն են ֆիքսված տարեկան վճարները։
Շնորհակալություն։
Նատա.
Բարև ձեզ։ Ես ունեմ երկու հարց.
1) եթե հայկական կազմակերպությունը ծառայություն է մատուցել ոչ ռեզիդենտին` ինչպե՞ս գրել invoicing։
2) Ո՞ր դեպքում է դուրս գրվում «ինքնահաշիվ»:
Շնորհակալություն։
Ժասմենա.
Բարև ձեզ։ Խնդրում եմ պատասխանել՝ դպրոցում աշխատող լաբորանտին կարո՞ղ է ամենամյա արձակուրդը տրամադրվել իր նախընտրած ժամանակահատվածում։ Շնորհակալություն։
Շուշան Դարբինյան.
Կարո՞ղ է արդյոք աշխատողը համատեղությամբ աշխատել 18-ից մինչև հաջորդ օրվա ժամը 18-ը, ժամը 24-ից մինչև հաջորդ օրը ժամը 24-ը։ Շնորհակալություն։
Վերջին մեկնաբանություններ