Tag: դիմում

Դեբետագրում միասնական հաշվին

Աննա.

Բարև Ձեզ։ ԱԱՀ-ով աշխատողը կազմակերպությունը զբաղվում է մեքենայի առքուվաճառքով։ Ավտոմեքենան ներմուծելիս վճարված ԱԱՀ-ի գումարը ե՞րբ կարող է ստանալ որպես ԱԱՀ-ի փոխհատուցվող գումար։ Նկատի ունեմ, ԱԱՀ-ի հաշվետվությամբ ներմուծումից առաջացած դեբետային գումարը ե՞րբ է մուտքագրվում միասնական հաշվին։ (Համապատասխան դիմումը 261 ձևը ներկայացնելուց հետո նկատի ունեմ)։

ԱԱՀ վճարող համարվելու դիմում

Հայկ.

Բարև Ձեզ: Հարգելի հաշվապահներ, նախկինում աշխատել ենք շրջհարկով, հիմա ներկայացրել եմ 01.11.2022թ-ից ԱԱՀ վճարող համարվելու հաշվետվություն։ Ցանկանում եմ իմանալ՝ ի՞նչ պարտադիր հաշվետվություններ պիտի ուղարկեմ, և ի՞նչ առանձնահատկություններ կան ԱԱՀ-ի հետ կապված, որ պետք է իմանալ: Շնորհակալություն

Սխալմամբ ԱԱՀ հաշվարկի ներկայացում

Արա․

Շրջանառության հարկ վճարող եմ, սակայն սխալմամբ ներկայացրել եմ ավելացված արժեքի և ակզիզային հարկի միասնական հաշվարկ (թիվ 260 ձև), որի պարտավորությունը ես չունեմ: Ինչպե՞ս ես ուղղեմ սխալը, քանի որ ես շրջանառության հարկ վճարող լինելու ժամանակ չունեմ պարտավորություն 260 ձևը ներկայացնելու համար: Անհրաժե՞շտ է նույն հաշվարկը զրոյական տողերով ներկայացնեմ, թե ՞ դիմեմ ՊԵԿ՝ հաշվետվությունը չեղյալ համարելու համար:

Աշխատողը ազատման դիմում չի գրում

Հռիփսիմե.

Բարև Ձեզ։ Եթե աշխատողը ազատվում է աշխատանքից և ինչ-ինչ պատճառներով ազատման դիմում չի գրում, ի՞նչ հոդվածով պետք է ազատել։

Վերջնահաշվարկ

Տիգրան.

Բարև ձեզ։ Ես ուղիղ մեկ տարի գրանցված աշխատել եմ 24 ժամյա գրաֆիկով, ամսական 240 ժամ։ Գրել եմ դիմում իմ հայեցողությամբ և ազատվել աշխատանքից։ Գրանցված աշխատավարձս 123 000 դրամ է։ Արձակուրդ չեմ գնացել, բայց երեք աշխատանքային օրվա գումար ստացել եմ։ Ինձ վերջնահաշվարկ կամ ազատման նպաստ հասնու՞մ է և որքա՞ն։

Հարկային դաշտի փոփոխություն

Գայանե.

Ա/Ձ թարգմանչի համար չենք հասցրել ուղարկել շրջհարկով աշխատանքի դիմում, սակայն դեռևս որևէ գործունեությամբ չենք զբաղվել։ Ի՞նչ ձևով կարող ենք բողոքարկել հարկային դաշտի փոփոխության համար։ Ի՞նչ պատճառների դեպքում դիմումը կբավարարվի։ Ա/Ձ-ն գրանցվել է սեպտ 2-ին 2022թ․։

Շրջանառության հարկի դիմում

Սիմոն.

Հանրային սննդի ոլորտում է ԱՁ-ն գործունեությունը ծավալելու։ Շրջանառության հարկի հայտ պետք է տամ 201 դիմումով, ամսաթիվը նշում եմ այսօրվանը, ասում ա՝ “Հայտարարությունը կարող եք ներկայացնել մինչև ընթացիկ տարվա փետրվարի 20-ը”։ Ինչպե՞ս պետք ա հայտը ճիշտ ուղարկեմ, խնդրում եմ օգնեք։

Աշխատանքային պայմանագիր

Աննա.

Բարև Ձեզ։ Աշխատակցի հետ կնքվել է աշխատանքային պայմանագիր անորոշ ժամկետով։ Հիմա պետք է պայմանագիրը դարձնել որոշակի ժամկետով։ Պե՞տք է ծանուցում և համաձայնագիր կազմել և վերջում հրաման տա՞լ։
2. Եթե աշխատողին 110 հոդվածով ազատում ենք, հնարավո՞ր է և՛ դիմումը, և՛ համաձայանագիրը, և՛ հրամանը նույն օրը տրվի։ Այսինքն՝ գործատուն նույն օրն էլ իր համաձայնությունը տա աշխատողի ազատման։

Արձակուրդի դիմում

Բարև Ձեզ։ Խնդրում եմ ասեք՝ արձակուրդի դիմումը գրվում է արձակուրդ գնալուց մեկ ամիս առա՞ջ, իսկ հրամանը` 5 օր շու՞տ։ Շնորհակալ եմ։

Ինչպե՞ս ձևակերպել աշխատանքի սկիզբը

Ելենա.

Բարև Ձեզ։ Այսպիսի հարց. մինչև 3 տարեկան խնամքի արձակուրդում գտնվող աշխատողի արձակուրդը ավարտվել է երկու ամիս առաջ, սակայն աշխատողը աշխատանքի վերադառնալու դիմումը նոր է ներկայացրել (հաշվելով 3 տարի արձակուրդի սկզբից, ոչ թե երեխայի 3 տարեկան լրանալը)։ Ինչպե՞ս կարելի է ձևակերպել հայտում աշխատանքի սկիզբը։ Հնարավո՞ր է արդյոք ձևակերպել այդ երկու ամիսը չվճարվող արձակուրդ, և դա կդիտվի որպես օրենքի խախտու՞մ։

Ազատման դիմումի հետ կապված

Աննա.

Բարև Ձեզ։ Կարո՞ղ է աշխատակիցը ամենամյա վճարովի արձակուրդի ընթացքում գալ ազատման դիմում գրել։

Աշխատանքի ընդունման վերաբերյալ

Աննա.

Անձը դիմել է տնօրենին աշխատանքի ընդունվելու վերաբերյալ, դիմում է գրել, տնօրենը այն մակագրել է: Բայց աշխատանքի ընդունման օրը տնօրենը գնացել է հերթական արձակուրդ և նրան փոխարինող է նշանակվել: Տնօրենի պաշտոնակատարը իրավունք ունի՞ ընդունել աշխատանքի նոր աշխատողին: Կանխավ շնորհակալություն:

Անկանխիկ վճարման վերաբերյալ

Ա/Ձ միկրոձեռնարկատեր է: ՊԵԿ-ից ստացել է գրություն առ այն մասին, որ չեմ իրականացրել անհրաժեշտ գործողություններ վճարային քարտերի միջոցով անկանխիկ վճարման ընդունումն ապահովելու համար, որի գծով սահմանված է 300 000 դրամի չափով տուգանք: Առաջարկության համաձայն պետք է ներկայացնեմ էլեկտրոնային դիմում: Դիմումը ներկայացնելուց հետո ի՞նչ գործընթաց պետք է իրականացնեմ։

Անկանխիկ վճարների վերաբերյալ դիմում

Լիլիթ.

Բարև, հարգելի գործընկեր։ Խնդրում եմ ինձ օգնեք. անկանխիկ վճարների վերաբերյալ դիմումի ձև է տեղադրվել ՊԵԿ-ի հաշվետվություններ բաժնում: Թյուրիմացաբար դիմում եմ ներկայացրել 2022թ. համար, պարզվում է բժշկական ծառայություների գծով մարզկենտրոնների ԱՁ-ները 2023թ. հուլիսի մեկից են անցնում անկանխիկ գործունեության: Հիմա ի՞նչ ելք կա դիմումը չեղարկելու համար:

Աշխատակիցը չի ներկայացել աշխատանքի

Հեղինե.

Կազմակերպության աշխատակիցը դիմում է ներկայացրել աշխատանքից ազատվելու, ինչպես օրենքով է սահմանված 30 օր շուտ։ Դիմումը գրելուց հետո չի ներկայացել աշխատանքի։ Արդյո՞ք ունի նման իրավունք։

ՍՊԸ բացելու համար

Արեն.

Բարև Ձեզ։ Կարող եք ասել՝ ՍՊԸ բացելու համար ի՞նչ քայլեր է պետք անել։ Բոլոր քայլերը արել եմ՝ օնլայն գրանցել եմ ՍՊԸ, հաշվապահ չունեմ։ Պետռեգիստրում ասացին՝ հաշվապահը պետք է ներկայացնի հարկային դիմումը միկրոձեռնարկությունում աշխատելու համար։

Ազատման դիմումի հետ կապված

Ռոբերտ.

Բարև բոլորին: Արդյո՞ք կարող եմ ամենամյա արձակուրդի ընթացքում այլ աշխատանքի անցնելու կապակցությամբ ազատման դիմում ներկայացնել, և ինչպե՞ս է վերջնահաշվարկ կատարվելու։

Շրջանառության հարկի շեմի գերազանցում

Գեղամ.

2022թ.-ի հունիսի 14-ից 115մլն շեմը գերազանվել է 8մլն դրամով, 14-ից գրվել է դիմում՝ ԱԱՀ վճարող դառնալու համար, սակայն նույն 14.06.22-ին գերազանցված 8մլն դրամի համար գրվել է առանց ԱԱՀ-ի հաշվարային փաստաթուղթ։ Խնդրում եմ ասեք՝ կարո՞ղ եմ ճշտել, չեղյալ անել 8մլն և գրել հարկային հաշիվ կամ ի՞նչ պետք է արվի։

Արձակուրդի տեղափոխում

Ֆլորա․

Բարև Ձեզ։ Ո՞ր դեպքում է ամենամյա արձակուրդը տեղափոխվում: Աշխատողը 2022թ. պետք է օգտվի ամենամյա արձակուրդից 01.03.2021-01.03.2022թթ. ժամանակահատվածի համար, սակայն չի գնացել: Արդյո՞ք նա պետք է 01.03.2022թ. դիմում գրի արձակուրդը տեղափոխելու համար և արդյո՞ք պետք է ընդհանրապես դիմում գրել, թե՞ դա կատարվում է գործող տարվա վերջում և նման հարց ունեցող աշխատողների արձակուրդը տեղափոխվում է 2023թ.:

Ազատման դիմումի հետ կապված

Լիաննա.

Բարև ձեզ։ Եթե աշխատակիցը ազատման դիմում է գրել և ազատման ամսաթիվ նշել է 06/06/2022թ., արդյո՞ք ազատման օրը համարվում է աշխատանքային օր, թե՞ ոչ։

Աշխատանքային պայմանագրի լուծում

Կարինե.

Աշխատողը աշխատանքային պայմանագիրը լուծելու դիմում է ներկայացրել՝ ուրբաթ օրը՝ առանց պայմանագրի լուծման օրը նշելու։ Բանավոր տեղեկացմամբ հաջորդ երկուշաբթի աշխատողը չի ներկայանալու աշխատանքի, քանի որ նույն երկուշաբթի օրը աշխատանքային պայմանագիր է կնքել այլ գործատուի հետ։ Նախկին գործատուի կողմից դիմումին ընթացք չի տրվել, փոխարենը բացակայություններ են ամրագրվում։ Դիմումի առկայության պարագայում գործատուն որքա՞ն բացակա իրավունք ունի դնելու և որո՞նք են աշխատողի իրավունքներն այս դեպքում։

Վերջնահաշվարկ

Հայկ.

Բարև Ձեզ: Աշխատողն ընդունվել է աշխատանքի 01.11.2021թ., աշխատել է մինչև մայիսի 19-ը, մայիսի 20-ից գնացել է արձակուրդ 20 աշխ. օր: Հիմա դիմում է գրել արձակուրդից անմիջապես հետո ազատվելու համար, որը լրանում է հունիսի 15-ին: Հիմա նա վերջնահաշվարկ ունի՞ ստանալու, երբ ստացել է ամբողջ արձակուրդային գումարը: Նախապես շնորհակալություն։

Արտոնյալ պայմաններով կենսաթոշակի անցնելու դիմումի ձև

Վաչագան.

Բարև Ձեզ։ Ինձ արտոնյալ պայմաններով կենսաթոշակի անցնելու մասին գործատուի տված տեղեկանքի ձև կարո՞ղ եք տրամադրել, խոսքը վերաբերում է ձեռքով էլեկտրաեռակցողի՝ 23200000-19906 ծածկագրի մասին։

Տրված վերջնահաշվարկի հետ կապված

Հայկ.

Բարև Ձեզ։ Այսպիսի իրավիճակ է առաջացել, կօգնե՞ք հասկանամ: Աշխատակիցը որոշել էր ազատվել աշխատանքից, դիմում էր ներկայացրել, որի հիման վրա նրան փոխանցել եմ վերջնահաշվարկ, սակայն չեմ տվել հարկայինին ազատման հայտը, քանի որ 3 օր ժամանակ կա: Հիմա փոշմանել է, ուզում է շարունակել աշխատելը: Խնդիրներ կունենա՞նք, եթե չազատեմ, իսկ վերջնահաշվարկի գումարը ձևակերպեմ որպես աշխատավարձի կանխավճար: Այսինքն՝ բանկի քաղվածքում վերջնահաշվարկ բառը ինչ-որ խնդիր կառաջացնի՞: Շնորհակալություն։

Դեբետային մնացորդ

Արմեն․

Բարև Ձեզ։ ՍՊԸ-ի գործունեությունը կասեցված է, կասեք՝ դեբետի հաշվին ունի գումար, ի՞նչ դիմում տամ, որ գումարը հետ ստանամ՝ նստի ՍՊԸ-ի հաշվին։

Դեկրետում գտնվող աշխատակցի ազատում

Հայկ․

Բարև Ձեզ։ Ունենք երեխայի խնամքի արձակուրդում գտնվող աշխատակից, հնարավո՞ր է մինչև երեխայի 3 տարին լրանալը աշխատակիցը իր սեփական դիմումի համաձայն ազատվի աշխատանքից:

Ե՞րբ գրել ազատման դիմումը

Անի.

Բարև Ձեզ: Եթե աշխատողն ուզում է ազատվել աշխատանքից, այդ դեպքում քանի՞ օր շուտ պետք է ազատման դիմում գրի։

Ամենամյա արձակուրդ

Աննա.

Բարև Ձեզ: Հարցս ամենամյա արձակուրդի վերաբերյալ է: Աշխատողը աժխատանքային տարում չի օգտագործել իրեն հասանելիք արձակուրդը: Արձակուրդը հաջորդ աշխատանքային տարի տեղափոխելու համար դիմում կամ հրաման չի գրվել: Արդյո՞ք թույլատրելի է առանց աշխատակցի կողմից գրված դիմումի և տնօրենի կողմից արձակուրդի տեղափոխման մասին հրամանի երկրորդ աշխատանքային տարվա մեջ տրամադրել արձակուրդ:

Շրջանառության հարկով աշխատելու դիմում

Անի.

Բարև ձեզ: Ուզում եմ իմանալ` եթե 24մլն շրջանառությունն 2021թ-ին գերազանցել ենք, բայց չիմանալով հանդերձ 2022թ. համար միկրոձեռնարկատիրության հայտ ենք տվել, սակայն դա չի ընդունում, հետո փոխեցինք շրջհարկի, դա էլ չենք կարող, քանի որ օրն անցել էր: Հիմա հարցս հետևյալն է` հնարավո՞ր է լուծարվենք կամ հաշվառումից դուրս գանք, նորից վերաբացենք, հայտարարություն տանք շրջհարկի:

Շրջանառության հարկ վճարողի հայտարարություն

Նունե․

Հարգելի հաշվապահներ, Ձեր խորհուրդով այսօր ուղարկեցի 207 հաշվետվությունը՝ գործունեությունս մարտի 1-ից վերսկսելու մասին, հետո փորձեցի 201 հաշվետվությունը ուղակել, սակայն գրում է, որ տվյալ հաշվետվությունը պետք է հանձնել մինչև փետրվարի 20-ը: Խնդրում եմ ասեք՝ ինչ անե՞մ: Կանխավ շնորհակալ եմ։

Արձակման նպաստ

Անի.

Հարգելի հաշվապահներ, եթե աշխատակիցը 30 տարուց ավել աշխատել է և ազատվում է իր դիմումի հանաձայն, արձակման նպաստ վճարվու՞մ է։

Հարկային դաշտի փոփոխություն

Հեղինե.

Բարև ձեզ, հարգելի հաշվապահներ: Մանրածախ առևտրով զբաղվող և շրջհարկով հարկվող ԱՁ հունվար ամսին ներկայացրել է շրջհարկով հարկվելու դիմում-հայտ, սակայն փետրվարից սկսել է արտադրությամբ զբաղվել։ Խնդրում եմ ասեք` արդյոք կարո՞ղ է դադարեցնել իր գործունեությունը և այդ նույն ԱՁ-ով միկրոյի դիմում-հայտ ներկայացնել մինչև փետրվարի 20-ը։

Շրջհարկով աշխատող ընկերությունը դադարեցման մեջ է

Սոֆյա․

Հարգելի հաշվապահներ, պե՞տք է արդյոք շրջանառության հարկով աշխատող կազմակերպությունը, որ ժամանակավորապես դադարեցրել է իր գործունեությունը, այս տարվա մինչև փետրվարի 20-ը ներկայացնի հաշվետվություն հարկատեսակի մասով, եթե առաջիկայում չի նախատեսում վերսկսել իր գործունեությունը:

ՏՏ ոլորտի ԱՁ

Ինեսա․

Բարև Ձեզ։
Ա/Ձ-ի հետ կապված մի քանի հարց ունեմ։ Հունվարի 25-ին բացել եմ Ա/Ձ, IT ոլորտում եմ աշխատում, ինձ պետ․ռեգիստրում ասացին, որ 20 օրից հարկային դիմում ներկայացնեմ, որ ԱԱՀ-ի հարկ չվճարեմ։ Կասե՞ք՝ այդ դեպքում ի՞նչ հարկեր են վճարվելու, ամեն ամի՞ս, թե՞ եռամսյակը մեկ պետք է վճարվի։

Կարո՞ղ է գործատուն մերժել արձակուրդի դիմում

Հայկուհի.

Բարև ձեզ, հարգելի գործընկերներ: Հարցս հետևյալն է. եթե աշխատակիցը գրել է աշխատանքից հեռացման դիմում մեկ ամիս առաջ, կարո՞ղ է այդ մեկ ամսվա ընթացքում օգտվել նաև իրեն հասանելիք ամենամյա արձակուրդի մնացորդից (օր.՝ երկու շաբաթ), կարո՞ղ է գործատուն մերժել արձակուրդի դիմումը և չտրամադրել արձակուրդը։

Համայնքի խոշորացում

Էմիլի.

Հարգելի հաշվապահներ, մեկ հարց ունեմ. համայնքը խոշորացվում է և կան աշխատակիցներ, ովքեր իրենց դիմումի համաձայն ուզում են աշխատանքից ազատվեն, բայց դեռ հաստատաված հաստիքացուցակ և բյուջե չունենք: Կարո՞ղ եմ ազատել աշխատանքից Պեկով, բայց գումարը փոխանցել, երբ բյուջե ունենաք, և կասեք` ո՞ր հոդվածի կետով է ազատման հրամանը տրվում:

Արձակուրդի տրամադրման կարգը

Արմեն.

Բարև ձեզ, հարգելի հաշվապահներ: Ասացեք խնդրեմ` ամենամյա արձակուրդ տրամադրելու փաստաթղթաշրջանառության հերթական քայլերը և վճարման կարգը։ Օրինակ՝ գործատուն կարո՞ղ է աշխատակցին տրամադրել արձակուրդային դիմում լրացնելու իրավունք, աշխատակցի կողմից ստորագրվի, բայց գործատուն վերցնելով այդ դիմումը պատռի, աշխատակցին հաստատի, որ կարող է դիմումի համաձայն գնալ հերթական արձակուրդի, բայց 3 կամ 5 օր հետո գրավոր ծանուցի, որ աշխատակիցը հեռացված է աշխատանքից համաձայն ՀՀ ԱՕ 113-րդ հոդվածի 1-ին մասի 9-րդ կետով պայմանավորված։ Աշխատակիցը կարո՞ղ է պահանջել հրամանագրքի գրանցամատյանում նշված գրառումները, որի հիման վրա պահանջել արձակուրդային վճար։ Ինչպե՞ս է կարգավորվում գործատուն փաստաթղթաշրջանառությունը, ո՞ր օրենքի համաձայն։ Եվ, ո՞ր օրենքով է կարգավորվում հրամանագրքի վարման կանոնները։

Աշխատանքի ընդունման հրաման

Մարինե.

Հարգելի հաշվապահներ, եթե աշխատողին նշանակում են ուրիշ պաշտոնի, կարո՞ղ ենք հրամանում ձևակերպումը կատարել 2022թ. հունվարի 1-ից, իսկ հրամանը գրանցել աշխատանքային օրով: Աշխատանքային տարին սկսվում է 2022թ. հունվարի 3-ից, կարո՞ղ եմ ես հրամանի մեջի հղումը կատարել հունվարի 1-ից, իսկ հրամանը գրանցել հունվարի 3-ին:
Եվ նույն կարգավիճակով կարո՞ղ եմ կատարել աշխատանքի ընդունվելու համար` հրամանում հղում կատարեմ` ընդունել աշխատանքի, իսկ դիմումը հունվարի 3-ին վերցնեմ:
Շնորհակալություն:

Վերջնահաշվարկ

Մարի.

Բարի լույս, հարգելիներս: Եւնեմ այսպիսի հարց. 30.08.2010թ. ընդունվեք եմ աշխատանքի, հիմա գտնվում եմ երեխայի խնամքի արձակուրդում: Եթե ես խնամքի արձակուրդը վերջանալուն պես գրեմ ազատման դիմում` ինձ գործատուն վերջնահաշվարկ կվճարի՞ արդյոք։

Վերադարձ դեկրետից

Թագուհի.

Բարև Ձեզ։ Խնդրում եմ ասեք` եթե աշխատողը մինչև 3 տարեկան երեխայի արձակուրդից հետո վերադառնում է աշխատանքի, արդյո՞ք պետք է դիմում գրել, եթե այո, ապա խնդրում եմ ձև տրամադրել։ Նախապես շատ շնորհակալ եմ։

Միկրոձեռնարկատեր ԱՁ անելիքներ

Արմեն․

Հարգելի հաշվապահներ, 2021թ․ ավարտվելու հետ կապված ի՞նչ անելիքներ ունի միկրոձեռնարկատիրությամբ զբաղվող Ա/Ձ-ն․

1․ Ի՞նչ հաշվետվություններ պետք է ներկայացնել
2․ Ի՞նչ հարկեր և վճարներ պետք է վճարել
3․ Մինչև ե՞րբ պետք է ներկայացնել 2022թ․-ին միկրոձեռնարկատիրության սուբյեկտ համարվելու դիմումը

Տնօրենն ազատվում է աշխատանքից

Նարինե.

Տնօրենը ազատվում է աշխատանքից համաձայն իր դիմումի: Ի՞նչ գործողություններ պետք է կատարվեն:

ԵՏՄ գործարքների դարան

Նելլի.

Բարև ձեզ: ԵՏՄ գործարքների դարանում հայտարարագիրը լրացնելուց հետո, հիմնավորման դիմումը ե՞րբ է ակտիվանում:
Շնորհակալություն

Դիմումի ձև

Անի.

Բարև ձեզ: Ինձ ԱՁ-ի աշխատողի ֆիզարձակուրդի դիմումի ձև է պետք, կարո՞ղ եք օգնել:

Աշխատանքից ազատման դիմումի ձև

Լաուրա.

Խնդրում եմ` աշխատանքից ազատման դիմումի ձև ուղարկել:

Վերջին աշխատանքային օր

Լաուրա.

Բարև Ձեզ: Աշխատակիցը գտնվում է մինչև երեք տարեկան երեխայի խնամքի համար տրամադրվող արձակորդում։ 29.11.2021թ-ին պետք է ներկայանա աշխատանքի, սակայն գրել է աշխատանքից ազատման դիմում։ Աշխատանքից ազատման հրամանի մեջ վերջին աշխատանքային օր ե՞րբ կարող եմ գրել:

Արձակուրդի դիմումի մերժում

Համասփյուռ․

Քանի՞ անգամ կարող է գործատուն մերժի հասանելիք արձակուդի դիմումը։

Չվճարվող արձակուրդ

Ռուզաննա.

Բարև Ձեզ։ Խնդրում եմ պատասխանել` աշխատակիցը ցանկանում է վերցնել արձակուր իր հաշվին` 60 օր` արդյո՞ք դիմումում պարտադիր պետք է նշվի պատճառը` որ ընտանեկան դրությունից ելնելով և այլն։ Կանխավ շնորհակալ եմ։

Արձակուրդի դիմում

Յանա.

Բարև Ձեզ, հարգելի հաշվապահներ։ Արդյո՞ք պարտադիր է աշխատողի դիմումը արձակուրդ գնալու ժամանակ, եթե առկա է աշխատողի կողմից ստորագրված արձակուրդի տրամադրման ժամանակացույց։ Կանխավ շնորհակալություն։